أجيب أيه زيرو فى حدود 130 الف جنيه

[arakysolom]

بص انا فى الحيره دى انا كمان
بعد البحث والفحص والتمحيص المقارنه بين اتنين ملهومش تالت (انا خرجت الكورى بره علشان الوكيل لامؤخذه بيسهبل)
1- نيسان تيدا ---(فول اوبشن بلس سيدان....128,500 جم)
عربيه واسعه - ورغم زلك ملمومه شويه فى ابعادها عن الفلوانس- موتور وفتيس ملهمش حل- تكييف افضل من الفلوانس- عاليه عن الارض علشان المطبات- فيها الرافهيه الاساسه - توكيل محترم - قطع غيار على قد ايدك- التكنولوجيا بتعتها مش معقده - موفره فى استهلاك البنزين
عيبها الوحيد الثبات بعد ال140كم انه بيقل شويه

2- الرينو فلوانس( تانى فئة اوتوماتيك------142,000 جم)
عربيه اوسع من التيدا فارق بسيط - رفاهيه فوق الوصف (سناسر لكل حاجه للمطر والاضاءه وغيرها)- شكل شبابى (ودى ازواق)- ثبات افضل من التيدا على السرعات العاليه- المفتاح الذكى- توكيل كويس بس مش زى توكيل نيسان
عيوبها:الموتور سحبه مش قد كده على السرعات الاوله-يوجد احيانا نتشه فى الفتيس - تكنولوجيا عاليه جدا محدش يفهم فيها حاجه غير التوكيل -ارتفاعها اقل من التيدا يعنى لو فى حد قاعد على الكنبه العربيه حتحك منك- قطع الغيار اعلى من التيدا

بالنسبالى انا اخترت التيدا لان فيها كل اللى عايزه-فارق السعر فى صالح التيدا- الاوبشنز الزياده فى الفلونس بالنسبالى مش عامله ازمه انها مش موجوده لان استخدامى ليها مش كتير
بصراحه انا جربتش اى من العربيتين ولكن كل هذا الكلام منقول من تجارب الاعضاء والمنقاشات فى المنتدى
وربنا يوفقك ومتنساش الاستخاره

+1111
واضيف عليهم الصني الجديدة عربية من مواصفاتها حتكون قنبلة

[MohammedAladel]

فلونس وبس