لو قارنت اللوجان باللانوس و الفيرنا ايه العربية اللي تناسب حتياجاتي?

[hassanove]

احنا اسرة ومعانا طفلين (4 افراد)
و اديلي فترة ٦ سنيني عايش بره مصر و قبل ما اسافر كنت راكب دايو لانوس
و حاليا معايا ٧٠ الف ج,
سواقتي هادية ,
ساكن في العبور و شغلي 3 ايام في الجيزة.
اهم شيئ بالنسبة لنا في العربية
1. التكييف
2.الاعطال
يعني العربية ما تعطلش او اضطر اروح لللتوكيل كل شوية
و تكييفها شغال مية مية في كل الاوقات و الظروف
ممكن اعرف عيوب اللوجان لو سمحتم
ناوي ان شاء الله اشتري لوجان جديدة و مش عاوز اروح بيها لتوكيل يصلحها بعد ما اشتريها بفترة بسيطة و عاوز اعرف عيوبها بصراحة و حيادية و خاصة
1. التكييف ,هل قوي فيها و خاصة في السرعات البطيئة و الزحمة(نقطة مهمة جدا)
2. سخونة العريية و الطابلوه ?
3. الاعطال المحتملة خلال او ٣ سنوات?
4. هل لو قارنتها اللوجان زيرو باللانوس زيرو و الفيرنا زيرو بالنظر لاحتياجاتي ايه العربية اللي تناسبني?
ان شاء الله هاشتري عربية الاسبوع ده فانا محتاج نصايحكم ضروري و بسرعة ارجوكم
و اخيرا ايه افضل الاماكن لشراء الثلاث عربيات؟؟
و جزاكم الله خيرا

[S O P H O S]

كراي شخصي فقط
فيرنا ..
وبردوا الاخوة يفدوك ان شاء الله
بالتوفيق ..

[mohamed_mesho3]

سفرك كتير لوجان او لانوس
هتحمل كتير عليها لوجان ثم لانوس
تكيف ( فيرنا من هنا ل بكرة )
سهولة صيانة لانوس و فيرنا لو هتتعامل مع التوكيل ( التلاتة هيتساوا و توكيل لوجان افضلهم )
سحب اعلى الفيرنا

الخلاصة الفيرنا جرى و سحب و تكيف , لكن ثبات معدوم بعد ال 100
اللانوس عربية بقالها 13 سنة و اى حد بيفهم فيها مساحتها معقولة و ثباتها معقول و ارتفاعها عن الارض افضل من الفيرنا ( سحبها بطئ شوية مع التكيف فى السرعات المنخفضة لحد 2500 لفة بعد كده بتبقى كويسة )
اللوجان ارتفاع كويس , مساحة هايلة من الداخل ( سحب بطئ كعادة الاوروبى , العربية فيها حساسات كتير و مش اى حد برا التوكيل هيفهم فيها

شوف انت احتياجاتك

و انا برشحلك الفيرنا الافضل للى انت طالبه

[zonfuly]

انا رأي الانوس بس مستعمله وتكون دايو عشان مش بحترم الشيفرليه بحس ان صوتها عالي عشان قطع غيارها رخيص وكل الناس بتشتغل فيها ومش بتخسر في بيعها وعمرها اطول من الفيرنا واللوجان مشكلتها سحبها بطئ وقطع غيارها اسمع انها غاليه

[alaaosmanakl]

رينو لوجان
عربية عائلية بمعني الكلمة
وانتشارها الرهيب في الشوارع المصرية
سوف يجعلها مثل الفيرنا واللانوس
بالنسبة لقطع الغيار وإعادة البيع

[محمد عز]

طالما عربية زيرو ، ان شاء الله مش هتحتاج غير انك تعمل الصيانات الدورية فقط وباذن الله مش هيبقى فيه اعطال

انا مايل اكتر ناحية اللوجان بسبب الوسع الداخلي وكبرستيج اعلى من اللانوس والفيرنا

[ayman1204]

اللوجان مش محتاجة كلام فى الفئة دى

[kliken]

رأى الشخصى فيرنا ثم الانوس ثم اللوجان و ربنا يوفقك للخير

[elpasha1]

اللانوس وخصوصا انك مجربها وعارفها

[lanos2004]

ابعد عن اللوجان وخلاص مشاكلها كتير

[Mostafa.Mahran]

اللانوس افضل

[mohbasyouni]

الفيرنا افضلهم بالنسبة لك

[YahiaAshraf]

بص ابعد عن الشيفورليه لسبب
من يوم ما شيفورليه مسكت اللانوس بدل الدايو
بقت وحشه جدا
اولا خامات بقت وحشه
تقفيل بقى اوحش
بقى فيها شوية عيوب مش موجوده فى الدايو لانوس
صوت الموتور بقى اعلى شويه
لكن صيانتها سهله
و سعر اعادة البيع ممتاز
.................................................. ......*

الفيرنا عيبها انعدام وسائل الامان
و مش ثابته بعد ال 100 كم
تكيف ممتاز
صيانات سهله
سعر اعادة البيع كويس
.................................................. ..........
الرينو لوجان
عيبها ان سعرها بيقل شويه بمجرد الاستعمال
صوت الماتور مقارنه بال فيرنا و الللانوس عالى
لكن فى الاوتوماتيك بقى صوت الموتور هادى


على فكره عندك كمان الاسبيرانزا a516
اعلى فئه ب 70 الف

و عندك كمان البروتون بيرسونا

تحياتى