برجاء الاختيار ايهم افضل شوما نوبيرا توليدو؟؟!!!!

[hazem_khidr]

انا خالي عاوز يجيب عربيه
و محتار بين التلات موديلات دي
1.شوما 99 فول اوبشن
2.نوبيرا 1
3.توليدو 93 فول اوبشن
و التلات عربيات حالتهم شاذه و مافيهمش كلمه
بصراحه انا احترت معاه
قلبي ميال للتوليدو و عقلي بيقول نوبيرا و احساسي بيقول الشوما فاضلهم .
مع العلم ان اي عربيه من دول جايه بنظام سيارات المعاقين يعني حالتهم كلهم شاذه
ف ياريت اسمع اراء الاخوه الاعضاء الكرام:)

[Chicco]

البرنس كاظم :)....
أنا خبرتي في سوق السيارات المستعملة مش كبير بس عايز اخدم بأي طريقة
-كيا شوما كان في كلام كتير عن عيوب فيها خلت كيا توقف تصنيعها
-النوبيرا أحسن مصاريف تشغيل وسط التلاتة و أكثرهم انتشارا
-التوليدو أكثرهم تميزا و إختياري الشخصي لو أنا اللي باشتري
خلي خالك يسأل واحد بيفهم قوي في العربيات زاي سنيور زيموس كده

[hazem_khidr]

المشكله ان سنيور زيموس احتار و مش عارف يختار
بجد اول مره ابقي مش عارف اخد قرار
المشكله اني نزلت معاه بور سعيد و لقيت العربيات حالتها وهم فعلا حتي التوليدو ال 93 دي حكايه و فضي و فابريكه بس خفت من قطع غيارها لتكون نادره
النوبيرا طبعا عربيه محفوظه بس شايف الاتنين التانين افضل منها
الشوما بقي كانت حكايه فول اوبشن و جنوط و شنطه واسعه و موتور قوي بس مقلق من قطع الغيار
و انا ماشي بالصدفه انهارده لقيت عربيه سودا واقفه منها عند ميكانيكي شكلها برضه داخله معاقين بساله الميكانيكي عليها قالي عربيه ممتازه و قكع غيارها موجوده ف انا بشك.
يعني لو اتاكدت من مدي اعتماديتها و ان قطع غيارها متوافره في القاهره مش مشكله بسيطه .
خايف و الله يا شيكو باشا لا ادبسه في الشوما و بعدين ياخد شوما علي دماغه بعدين هاهاهاهاها

[Chicco]

هي حاجة تحير فعلا ....بس أنا من رأيي برضه بلاش النوبيرا
شوما كمان أحدث من التوليدو ...فرق ٦ سنين برضه
أنا باحب مجموعة ال-vw كلها عشان كده اخترت التوليدو ....عربية جامدة فعلا ....بس ما أعرفش إيه أخبار قطع الغيار ....

[SEATLOVER]

محلولة طبعاً يا حازوووم باشا

النوبيرا احسن عربية بتيجى من هناك ... كل مشاكلها اللى بتلاقيها هنا مابتجيش معاها من هناك
وهى احسن واحدة من التلاتة اللى ممكن تتابعها هنا

يعنى النوبيرا من تجيبها حلوة من هناك تعيش احلى هنا

[hazem_khidr]

هي حاجة تحير فعلا ....بس أنا من رأيي برضه بلاش النوبيرا
شوما كمان أحدث من التوليدو ...فرق ٦ سنين برضه
أنا باحب مجموعة ال-vw كلها عشان كده اخترت التوليدو ....عربية جامدة فعلا ....بس ما أعرفش إيه أخبار قطع الغيار ....

و انا كمان كنت مرشح التوليدو قبل الشوما ما تظهر
و سالت تاجر قطع غيار الماني عندي و عنده واحده اختها قالي عربيه حماره شغل
و بحمل فيها و بهريها سفر و ما بتقولش لاء
و قطع غيارها متوفره بس في القاهره
و ركبتها و جربتها عامله زي الفيكترا ال 95 بالضبط
بس الشوما لما لقيتها احدث و قولت اكيد قطع غيارها حتبقي متوافره اكتر يبقي ليه لاء؟؟؟

[hazem_khidr]

محلولة طبعاً يا حازوووم باشا

النوبيرا احسن عربية بتيجى من هناك ... كل مشاكلها اللى بتلاقيها هنا مابتجيش معاها من هناك
وهى احسن واحدة من التلاتة اللى ممكن تتابعها هنا

يعنى النوبيرا من تجيبها حلوة من هناك تعيش احلى هنا

عمرو باشا
نهارك لذيذ :)
شكرا لافادتك
هو انا قولت في الاول العقل بيقول نوبيرا
بس حسيت الاختيارات التانيه افضل
طب معلش يا تري عندك فكره عن توافر قطع غيار الشوما و التوليدو
يا تري ليهم قطع غيار ولا لاء؟؟؟؟؟؟؟؟
و اسعارهم مناسبه ولا لاء؟؟؟؟
معلش بقي بتعبك معايا
زي ما تعبت اخويا شيكو كده و محيره معايا من الصبح:)

[SEATLOVER]

طب معلش يا تري عندك فكره عن توافر قطع غيار الشوما و التوليدو
يا تري ليهم قطع غيار ولا لاء؟؟؟؟؟؟؟؟
و اسعارهم مناسبه ولا لاء؟؟؟؟

الشوما حاجاتها نادرة و غالية
التوليدو موجودة و عندك التوكيل لو فى اى حاجة ملقتهاش خالص لسة بيشتغل فيها
وفى ناس بتابعها هناك وبتشترك مع الشيرى فى حاجات كتير

لكن عربية ما انصحكش بيها
خشنة ودركسيونها تقيل و عفشتها ناشفة واكسسواراتها تعبانة

[islambana]

انا مع Seatlover النوبيرا احسنهم ياباشا وبعدين هتشتري راحه بالك من ناحيه قطع الغيار والصيانه وبعدين انا سمعت ان الكوري منها بينزل بعدسات في الفوانيس وبيبقي فيها اوبشنز تحفه والصاج بتاعها اجمد من الصاج المصري

[CryptonX]

انت في بلد الدايوو :)

متضيعش وقت

الشوما دايما بسمع عنها مشاكل كتيرة جدا !

التوليدو طبعا عمر باشا فادك فيها مع اني كنت بحبها .

بس ميزتها انك ممكن تجددها كلها بحاجة الشيري A11 .

[Karim_Monir]

شوف يا حازم
لو عايز تركب ركوبة اروبيه يعني امان وشكل وشياكة وتميز هايبقي توليدو
بس الشكل مش هايكون مميز قوي عشان وجود ال A11

لو عايز عربية حمارة شغل فعلا مش هازود عن اللي قالوة في النوبيرا
وغالبا دي ال 1500 صح ؟
لو عايز موديل اعلى شياكة وكبر واتزان حلو على الطريق وغرف تكنلوجي اعلى في الموتور هاتجيب الشوما
وهيا قاعدة عجلات السيفيا بالكامل وغالبا نفس الموتور والفتيس
فرق الشكل والكماليات وتوفرة لان في منها كتير
بس مش بوفرة النوبيرا بس تميز وشياكة وحجم اكبر بس اعادة البيع ابطأ وفيها فتي كتير
ودي مش موجودة
ودي معرفش ايه
ونفس مشاكل اعادة البيع هاتلاقيها في التوليدو بس مش قوي زي الشوما
لو انا
هاجيب شوما

[hazem_khidr]

انت في بلد الدايوو :)

متضيعش وقت

الشوما دايما بسمع عنها مشاكل كتيرة جدا !

التوليدو طبعا عمر باشا فادك فيها مع اني كنت بحبها .

بس ميزتها انك ممكن تجددها كلها بحاجة الشيري A11 .

ماهي الشوما لقيتها عند ميكانيكي و من غير نمر شكلها معاقين برضه و قالي قطع غيارها موجوده ما تقلقش و عربيه كويسه.
انا بصراحه متخوف من النوبيرا 1 غير ان شكلها مش عاطفي بالمره:(
شكرا يا كيمو علي مداخلتك

شوف يا حازم
لو عايز تركب ركوبة اروبيه يعني امان وشكل وشياكة وتميز هايبقي توليدو
بس الشكل مش هايكون مميز قوي عشان وجود ال A11

لو عايز عربية حمارة شغل فعلا مش هازود عن اللي قالوة في النوبيرا
وغالبا دي ال 1500 صح ؟
لو عايز موديل اعلى شياكة وكبر واتزان حلو على الطريق وغرف تكنلوجي اعلى في الموتور هاتجيب الشوما
وهيا قاعدة عجلات السيفيا بالكامل وغالبا نفس الموتور والفتيس
فرق الشكل والكماليات وتوفرة لان في منها كتير
بس مش بوفرة النوبيرا بس تميز وشياكة وحجم اكبر بس اعادة البيع ابطأ وفيها فتي كتير
ودي مش موجودة
ودي معرفش ايه
ونفس مشاكل اعادة البيع هاتلاقيها في التوليدو بس مش قوي زي الشوما
لو انا
هاجيب شوما

نفس اللي قولته و الله يا كريم
كان نفس رايك بالضبط انا فعلا ميال للشوما و اسم كيا كمان اكبر من اسم دايو
بس قولت استشير هنا في المنتدي اكيد في حد ادري مني
بس انا اطمنت منك في موضوع الشوما دي عيبها فعلا سوقها تقيل
ان شاء الله نجيب الشوما
شكرا ليك يا باشا

[Chicco]

مبروك لخالك يا سنيور و إختيار موفق إن شاء الله :)

[hazem_khidr]

الله يبارك فيك يا باشا
اول ما تيجي و ارخصها حرفع الصور بتاعها
لان العربيه فعلا حالتها زيرو لما شفتها عجبتني
ربنا يجعل لينا نصيب فيها و ما تكنش اتباعت

[mohamed ibiza]

حازم باشا بيسأل عصابة سيات في خدمة حزومة معلم الفيات :)

بص يا حازم النوبيرا قطع غيارها علي الرصيف و رخيييييييييييييييييييييييييصة مشاكلها معروفة و ناس كتير بتفهم فيها بس طبعا مع الشغل الكتير اعطالها كتير و عيشو كانت معاه و حافظها



الشوما مش هفتي فيها لاني معرفش فيها


التوليدو الماني 1600 75 حصان ستابيليت فوق الوصف اعتمادية جبارة واسعة 2 اير باج شكل يعتبر حديث لان ال a11 تعتبر تجديد ليها قطع غيار اسعارها اغلي لكن متوفرة و معمرة و عربية انا لو بختار منهم هجيب التوليدو مش تحيز لسيات والله بس الناس بتشكر في العربية دي جااااااااااااااااااااااااااااااااااااااااااااااااد و سعرها حنين و اعتمادية عالية و ممكن تلاقي منها حالات حلوة


بس لو خالك مش بيحرت و يحرق في العربية جامد خليه في الشوما او النوبيرا