محتاج رأيكم بصفة عاجلة بخصوص الماروتي والـ qq

[mous6fa]

السلام عليكم ورحمة الله وبركاته
بإختصار شديد أنا معايا فى حدود 25 ألف جنيه وعاوز أجيب عربية صغيرة لإستعمالي الشخصي فقط وخصوصا إنى شاب ومش متزوج ... يعني العربية هتبقى لزوم مشوار الشغل والفسح وممكن أفكر أطلع بيها أسكندرية مرة ف السنة ... وبصراحة أنا محتار بين السوزوكي ماروتي والشيري qq ... الماروتي طبعا كلنا عارفين مميزاتها وعيوبها ... إنما أنا حطيت معاها فى المقارنة العربية الشيري عشان بنفس سعر الماروتي أقدر أجيب qq مو 2006 و 1100 سي سي وفابريقة كلها وجميع الكماليات بينما الماروتي نفس الموديل هتكون فاضية تماما ومفيهاش إمكانيات الشيري وكمان 800 سي سي ... وأنا الحمدلله بسوق من زمان وركبت عربيات أكبر من كده بكتير وخلاص مش عاوز عربية لزوم الحركات والفحت بتاع الشباب (محتاج عربية عملية إقتصادية) ... ياريت السادة الأعضاء يساعدوني ويختاروا معايا الأفضل ليا فيهم - مع العلم إنى عارف إن المقارنة لصالح الماروتي من حيث توافر ورخص قطع الغيار وسهولة الصيانة وسهولة إعادة البيع ... بس ياتري نتيجة المقارنة دي ممكن تكون لصالح الشيري ؟؟؟؟

[M.Alaa92]

طب م ب ال 25 دوول شوف حتة اكسيل او اونو مكيفة ( معرفش اونو مكيفة ولا ) و يبقى كسبت اوبشنز و اوسع و احسن من الاتنين

[S O P H O S]

ماروتي ..
مجرد راي

[emeara]

انا كان معابا ماروتى وكنت شاريها كسر زيرو وقعدت معايا خمس سنوات ولم يحدث منها اية مشاكل وبعتها من فترة قريبة لشراء عربية اوسع وبها تكييف وماكنتش متضايق منها الا فى صغر حجم الشنطة وعدم وجود تكييف وكنت بسافر بيها اسكندرية بدون مشاكل