محاولة لتنظيم أفكارى والوصول لحل - ساعدونى بقة :))

[محمد الحمامصى]

السلام عليكم ...

معلش يا إخواننا هتعبكم معايا بس استحملونى بقة لأن دى أول عربية اشتريها ....

بعد كتير من البحث والتنقيب توصلت لتنظيم أفكارى كالآتى :

1- ميزانيتى :

33 - 34 ألف

2 - احتياجاتى :

عربية قطع غيارها متوفرة ورخيصة وسهلة فى الصيانة وموفرة فى البنزين وتستحمل السفر كتير
متتعبنيش يعنى لأن دى أول عربية اجيبها وهتعلم عليها ...

3 - محتار بين هيونداى إكسيل وسيات إبيزا

مميزات الإكسل : قطع غيار أرخص - منتشرة - الميكانيكية بيفهموا فيها ....

عيوبها : بتعوم فى السرعات الأعلى من 120 - شكلها مش شبابى أوى ...

---------------------------

مميزات الإبيزا : موتورها قوى وثباها كويس وشبابية وألمانى وقطع غيارها معمرة

عيوبها : قطع غيارها أغلى ومش أى ميكانيكى يعرف يتعامل معاها ومش سهل تلاقى واحدة كويسة عشان الشباب بيبهدلوها ...


=========================


فإيه رأيكم فى المقارنة دى ؟؟
وشايفين إيه المناسب منهم لاحتياجاتى ؟؟

أنا بميل للابيزا لكن حاسس إن الاكسيل عملية أكتر
خصوصا إن مهم عندى جدا مسألة قطع الغيار الرخيصة والمتوفرة ...

[S O P H O S]

الهيونداي بشرط الحالة ..
موفق ان شاء الله ..

[magid1010]

انا معايا اكسيل عربيه جميله قطع غيار سهله اى ميكانيكى بيفهم فيها و عربيه لذيذه و اعاده البيع سهله جدا و شنطتها واسعه و بتتحمل بجد توكل على الله و هات ال1500 كامله مكيفه مش حتندم المهم الحاله تكون كويسه و اكشف عليها كويس و يا سيدى بجيب بيها ال120 عادى و يا سلام بقى لو ركبت جنوط 14 او 15 تحفه و انسى العومان وزى ما قولتك المهم الحاله و ربنا يوفقك

[mazher_m]

الهونداي في البدايه
وبعد كده ابقي غير براحتك

[Ghosts]

بس أعمل حسابك أن مفيش حاجة أسمها أجيب عربية مستعملة وأشترى دماغى بعد كدة ....
حتى لو كشفت على العربية كويس أوى لازم كل شوية هتلاقى مشكلة جديدة و خصوصآ أنك هتسافر بيها ....