فيكترا 97 حتى 2000 ولا فيرنا 2009 او 2010 أو نيو اكسنت

[mohamedwasel]

ياريت ياجماعة افادة كاملة للاهمية مع العلم ان ديه اول عربية انا اشتريها في حياتي

اتنين من اصحابي معاهم فيكترا بس موديلات قديمة شوية 95 96 يقولولي ماتجبش غير الالماني اي نعم قطع غيارغالية شوية بس مش زي زمان رخصت كتير دلوقتى انما عياشة و بباقي مميزات الاوبل اللي مافيش كلام عليها خالص

و جماعة تانية تقولي خليك في اللانوس والفيرنا والنيو اكسنت موديلات قريبة شوية علي الاقل مش عربية بقالها 12 و15 سنة متهانة و قطع غير عندي اي بقال و اي حد ممكن يصلحها .

ياريت يا اهل الخبرة الافادة الكاملة مع الاخذ في الاعتباااااااار الفرق الكبير بين الخياااااااارين

وشكررررررررررررررررررررررررررن

[amr_naser]

طبعا الفيكترا تكسب بس بشرط تجيب عربية حالتة ممتازة جدا جدا لأن العربية مشاكلها رخمة اوى وحسسات وشغل كهرباء عالى معظم الصنايعية مش بيعرفوا فيه وبيلفوا حولين نفسهم وانصحك ميكنش معمول فيها تعديلات فى ضفيرة الكهرباء ثبات وقوة ومتانه حاجة ملهاش حل بصراحة
ولو عاوز عربية حلوة بعيد عن الالمانى هات كرولا عيوبها قليلة بس طبعا مش زى مميزات الفيكترا
ولو عاوز عربية رخيصة وفيها امكانيات ومستواها عالى عندك التمبرا و السيينا بس انا معنديش معلومات عن قطع غيارهم
وطبعا كل الحجات دى احسن من الكورى مليون مرة
ربنا يوفقك ان شاء الله

[lanos2004]

نيو اكسنت-الفيكترا ممتازة وهيه جديدة-مستعمله هتتعبك

[Mohamed_Hamada]

الفيكترا طبعا، شرط الحالة الجيدة

[ma7med]

الفيكترا طبعا، شرط الحالة الجيدة

+111111111111

[M.Alaa92]

بص الاوبل طبعااا عربية لا يعلى عليها ف االمقاارنة دى بس صعب انك تلاقى حااالة نضيفة بس لو لقيت اكشف ف التوكيل و ان شااء الله خير

بس .... دى اول عربية و معرضة انها تتخبط و تحتااج قطع غياار و تلاقيها بسرعة و كماان موديل عاالى و تلاقى حالات نضيفة كتير.

ف راى الشخصى خليك ف الفيرنا تتعلم فيها و تظبط نفسك و بعدين تنقل ع اوبل او سكودا :)

[lanos2004]

اوبل-مشاكل فى السخونه-قطع غيار غاليه-حتى مقاس الكاوتش لما هتغيرة هيكلفك كتير-مش اقتصاديه فى البنزين
المميزات-فرامل -ثبات-راحه-ضيقه ههههههههه\
عاوزلك ميكانيكى مخصوص
العربيه دى اعطالها كتير حتى لو مركونه بتعطل واسأل مجرب
اهم ميزة بقه تكييف سىء جدااااااااااااااا

[HAITHAM1985]

أنا هارد لمجرد العنوان ............. الفيكترا .......... خلص الكلام

وصحابك دوووول نــــــــــاس بتفهـــــــــــم

هاتها ومش هاتندم

Ehre sei Deutschland

[S O P H O S]

فيرنا او نيو هتكون افضل اعتقد
والله اعلم

[amrelsaqqa]

الكورى يكسب مش عشان افضل كعربية
بس هتبقى عملية اكتر عشان احدث ، ومش هيبقى فيها كمية المشاكل اللى هتلاقيها في الاوبل

الالمانى جامد اه ، بس اوعى تركبه وهو متبهدل ومتهان ، بيبقى ابن 60 تيت :d

[a7med_fat7y]

نصيحة أبعد عن الأوبل المستخدم و لو كان لازم و حبكت يبقى مش ماشى أكتر من 40 ألف كيلو و بيع عند ال 80
الكلام ده عن تجربة معايا أوبل كورسا سيدان جبتها مستخدمه من 4 سنين و كرهتنى فى الأبل لما أشتريت العربية مسألتش حد
و قلت دى ألمانى أكيد كوسيه و كانت عامله 95 ألف كيلو معلش أنا بتكلم عن الكورسا بس هيا بجد فيها مشكله فى التصميم حساسات كتير و حاجات بتعطل لوحدها و الكلام ده و احد صاحبى قالهولى عنده أسترا بس الحقيقه قابلت كذا واحد معاه فيكترا و بيقولولى هيا أفضل نسبيا و خصوصا 97 و بقى فى عشره بينى و بين المكانيكيا و الكهربائية و تجار الإستيراد و الحرفين و بتوع التكيف المتخصصين فى أوبل كل سنة أروح لثلاثة مختلفين كل صيف بعد السؤال عنهم و فى الأخر يشتغل شوية و يختفى لغاية ما من شهر قررت فعلا أعملة فغيرت الشجرة و السربنتينا الداخلية فشتغل و كنت مغير الكوميرسور من مرة من المات الى فاتت الخلاصة صرف 4000 بدون مبالغة و واحد خبطنى من ورا دخلت فى رصيف صرفت عليها مبلغ ضخم خمس أضعاف لو كانت عربية كورى
الخلاصه الفيكترا 97 الى الناس بتقول أحسن من 2000 هتكون فى حدود 50 كاملة بس أبعد عنها نصيحه
فيرنا 2010 فى حدود 57 كاملة و دى أفضل حلجة بالسعر ده
النو أكسنت 2010 فى حدود 75 كل النس بتشكر فيها بس قطع غيرها غالية شوية مقارنة بالفرنا و أقل شوية
فى الحدد دى ممكن تجيب أفيو أتوماتيك كاملة كسر زيرو شاكلى أنا نفسى هاعمل كده