اشترى فرنا كاملة ولا اي تن نص كماليات

[الزيرو]

السلام عليكم اهل المنتدى الكرام
انا كنت عايزة الاى تن وكنت رافضة الفرنا من عيوبها اللى عرفتها فى المنتدى هنا بس رحت غبور اتو النهارده فرع اسيوط وشفت الاى تن على الطبيعة جميلة بصراحة بس لقتها 2013 مش 2012 عشان خلصت وطبعا زيادة الفين جنيه لقتها 68500 منوال كاسيت سى دى وبور وتكييف بس فيها حاجة زيادة وهى كمبيوتر رحلات والكنبة الورنية بتتنى عادى وقدام كرسى السائق بيتحرك ورا وقدام والدريكسيون بتعليه وتوطيه ولقيت gls زيادة عنها بس قزاز كهربا امامى ب 72900 الجديد ان الفرنا gls 69750 يعنى فرق حاجة بسيطة بنها وبين الاى تن نص كماليات وفيها ابشنز كتير بصراحة 4 قزاز كهربا وسنتر وباور وجهاز انذار ومفتاح ريموت وطبعا كاسيت سى دى والتكييف وgl ب66000 انا مش عارفة اجيب الاى تن بسعرها ده اللى شيفاه غالى ولا الفرن اللى ارخص بالفين ونص فى النص كماليات واللى بنفس السعر تقريبا او يزيد حاجة بسيطة فى الفل اوبشن ارجوكى تساعدونى عشان ابدا اجراءات الشرا
على فكرة انا رحت بنك ناصر النهارده عشان اسال على المطلوب ايه وسالت على حكاية التقسيط بضمان الوديعة وانها 40% قالولى لا الوديعة لازم تكون 90% من تمن العربية وطبعا كده كنسلت موضوع بضمان الوديعة نجى بقى لضمان المرتب قالولى لازم اكون ليا مثبتة موظفة قالتلى مثبتة ليكى سنة وموظف قالى مثبتة سنة ونص وسالتهم هل الضامن بيتحول مرتبه البنك قالولى لا اللى هيشترى بس وسالتهم لو انا هدفع نص تمن العربية مقدم هل مرتبى هيتحول قالولى لا بس هيكون فى اتنيين ضامن بدل واحد وانا اللى اروح ادفع الاقساط من غير تحويل مرتب
وغبور نفسه فى بنك بيتعامل معاه بصورة البطاقة بس وايصال مرافق من غير اى ورق بس بفايدة 9.9% واجراءاته تخلص فى 48 ساعة مش عارفة بردو انه الاحسن حسبتها لقيتها هتفرق اكتر من 100 جنيه فى القسط بس ده الحل لو مفيش ضامن

[الزيرو]

وهل الاحسن اشترى من معرض اى تن 2012 ب64000 كانت فى ناشيونال موتورز او اى معرض تانى وانا اولى بفرق السعر ولا اشترى من التوكيل عشان اضمن

[M.Alaa92]

بصى لو ليكى ف الجرى و الغرز يبقى بلاش الفيرنا ولا ال i 10 ب اماانة الاتنين عربيات مش بيدوكى ثقة و انتى بتجرى انما لو ع استعمال عاادى جوة البلد و متعديش 100-120 يبقى خليكى ف الفيرنا الكاملة اوتو حتريحك جااامد ف الزحمة و قطع الغياار متوفرة و حضرتك اولى بفرق السعر :)

[S O P H O S]

انا شايف الاي تن مناسبة
وربنا يوفقك للاحسن ..

[الزيرو]

وانا حاببة الاى تن بس هو سعر الفرنا يغرى بس عارفة ان عيوبها كتير بس الاحسن اجيب من غبور ولا معرض يكون سعر العربية ارخص

[Mohamed_Hamada]

رينو لوجان هاف أوبشن ولو شكلها مش عاجبك يبقى رينو سانديرو

[sha2e]

لو المقارنه محصوره فى هيونداي يبقى فيرنا فول اوبشن
الاي تن عربيه ملهاش اى لزمه سحبها ضعيف وقطع غيارها غاليه وتقيله فى بيعها
بخصوص المقارنه فى الفيرنا بين الهاف والفول ناس كتير من الى اشترو الهاف ندمو انهم ماشتروش الفول اوبشن

[SonaSteel]

فيرنا طبعا ........... الاي تن ديه اصلا عربية و بحاجة وسبعين الف ؟؟؟
ليه يعني مش فاهم
ممكن تفكري في اللوجان الاوتو او الساندريو الاوتو وفيها ايرباج وabs وتوكيل رينو ارحم من غبور طبعا

[medododo]

فيرنا فول اوبشن وياه لو كانت الاتوماتيك احسن في زحمة مصر

[الزيرو]

يا ريت لوجان على الاقل صناعة فرنسية بس للاسف اسيوط لسه معملوش فيها توكيل لرينو بس سمعت انهم هيعملوا قريب بخصوص الامكانيات انا هجيب تقسيط وميزانتيى متسمحش باكتر من 68000 او 69000 بالكتير يعنى مقدرش غير على المنوال الاتو ده بعيد اوى بس انا عايزة حد ركب دى وركب دى عشان يبقى من خبرته بالعربية وعن تجربة الرينو عموما مفيهاش كلام والواحد يشتريها مغمض رغم ان هيكلها جزء منه فيبر لدواعى الامان بس كفاية انها اروبية وصناعية فرنسية واكيد احسن من الكورى

[الزيرو]

ممكن تفيدونى فى السؤال ده هو نشيونال موتورز كويس ولا لا وتعامله كويس ولا لا

[devil_storm]

فيرنا فول اوبشن طبعا افضل من i10

[mstool]

فيرنا و لو هينفع التوجة للوجان يبقى اريح بكتير عقبال ما العربية يحصلها حاجة لاقدر الله يكون فتحوا توكيل فى اسيوط و لا مانع من نزول التوكيل مرة هنا فى اول صيانة بس بجد هيا تعتبر عربية اللوجان مقارنة بالهيونداى

[Adam87]

توكلي علي الله الفيرنا احسن بكتير قطع غيار متوفرة و ارخص صيانتها اسهل جررررررراية مووووت بس منصحكيش تجري بيها جامد وسهلة جدا في البيع لو وقفتي علي المحطة عندكو نص ساعة هتبيعيها بيعة مرتاحة لانها ماسكة سعر جدا في اسيوط يالذات انا معايا فيرنا 2008 و عايز ابيعها لو حابة تشوفيها انا في اسيوط بردو تليفون . 01008773363