اروجوكم المساعده فى حدود 70000 الف

[dory52]

ارجو من الساده الافاضل واخصائيين المستعمل انهم يدلونى بما يرضى الله على الاحسن فى الفئات دى
انا راكب جولف 2 موديل 89 مانيوال 1300 العربيه بصراحه مكسفتنيش فى حاجه ثبات وسحب ماشاء الله لكن للاسف مافيهاش تكييف وبرده الزحمه مخليانى قرفان من المانيوال لانه تقيل فكنت عاوز اشترى حاجه فى حدود 70000 الف اتوماتيك بشرط المواصفات دى ( اعتماديه " مش كل يومين اروح الميكانيكى " , تكييفها ممتاز "لانى مبتطقش الحر خالص " , سحب كويس وثبات على السرعات العاليه انا اخرى 150 "خصوصا ان معايا جولف وكنت بجيب بيها 160 ومحستش بحاجه " , فارجوكم ساعدونى لان عاوز انزل فى خلال اسبوعين اشترى لانى تعبت من كتر الحيره بين : " مسلسلين من حيث راحتى واقتناعى الشخصى بيهم وجمالهم خارجيا وداخليا :

1- لانسر بومه 2006 \ 2007 : فى حدود 65-75 الف
2-هوندا سيتى 2006 : 1500 فى حدود 60-69 الف
3-ميجان 2005 \ 2006 \ 2007 : فى حدود 60-68 الف
4-اوبل استرا 2004 حتى 2007 : فى حدود 55-68 الف
5- النترا 2006 فى حدود 63-69 الف
6- جولف 4 2000 \ 2001 فى حدود 65 الف

انا صدعتكوا بس التمس من له معلومه يقولها لو حتى بره الاختيارات دى .. . ولا اخلص واجيب ساجا زيرو 2012

[kempel]

السلام عليكم بما انى كنت زيك كده معايا جولف 2 مش مكيفه معايا حاليا فورد فوكس مو 2004 بس مانيوال علشات اتا بحب المانيوال فالفورد فوكاس عندك الموديل ده من 2004 اوتو الى 2007 عربية ممتازة وعندك جولف 4 حتى مو 2002 بس هاتها بحاله ممتازه ماتجيبش استرا مصرى علشان هاتتعبك وماتركبش يابانى صغير علشان مش هاتعجبك لان الجولف اتقل واثبت ممكن الميجان بعد كده عربية حلوه برضو والله الموفق

[dory52]

السلام عليكم بما انى كنت زيك كده معايا جولف 2 مش مكيفه معايا حاليا فورد فوكس مو 2004 بس مانيوال علشات اتا بحب المانيوال فالفورد فوكاس عندك الموديل ده من 2004 اوتو الى 2007 عربية ممتازة وعندك جولف 4 حتى مو 2002 بس هاتها بحاله ممتازه ماتجيبش استرا مصرى علشان هاتتعبك وماتركبش يابانى صغير علشان مش هاتعجبك لان الجولف اتقل واثبت ممكن الميجان بعد كده عربية حلوه برضو والله الموفق

تسلم يا كبير بس هيا الفوكاس مش سعرها اغلى من 70000 ؟؟ ولا انا بيتهيألى ..كمان تقريبا معظم جولف 4 ملعوب فيها لاما صاحبها فاحتها يعنى سهل اوى يضحك عليا فيها دا غير انها بتكون مسقطه 1800 و2000 يعنى مكنتها هتاكل بنزين فى حاجه مش ضروريه بالنسبه ليا

[kliken]

انااظن النترا فيها متطلباتك ثبات كويس و عربيه مالهاش عيوب فنيه تذكر

[eng.m7md.ali]

من اولوياتك التكييف زي ماباين من كلامك
وكمان اوتوماتيك
يبقى تشوف حاجة ياباني زي البوما او ممكن امبريزا لو عايز ثابت ميفرقش حاجة عن الالماني

[S O P H O S]

بومة او صني او النترا
والله اعلم ..

[motoxp]

النترا 2006 بدون تحيز و الله ممتازة و لو تعرف تجيب بومة نظيفة يبقى احسن كمان

[ayman1204]

خليك فى الجولفات وهات جولف 4
يا ما الميجان 2
عندك برضوا ستروين c4

[crayvor]

أنا كان معايا جولف 2 وقبلها بوينتر.. بعد كدة ركبت لانوس وأفيو الاتنين احساسهم زي ما أكون راكب سكوتر كدة.. عربية بلاستيك.
ولولا ظروف شغلي كنت دورت علي جولف 4 أو بورا بس طالما حجزت جديد خليني ف الجديد أضمن.

الموضوع وما فيه.. طالما نزلت من اوروبي.. مالكش غير اوروبي.. توكل علي الله هات الجولف 4.
لول ناوي علي جديد ابعد عن الساجا.. احساس سواقتها بعيد خالص عن الجولف.. بص ع اللوجان أو السانديرو (الاوتو) بلاش المانيوال عشان موضوع الرعشة اللي ف الدبرياج دي بتخليني عاوز أضرب اللي جنبي.

[samehsorour]

:b4_048: لوجان أوتوماتيك كسر زيرو بس اصبر شوية علي ما تلاقي

[kempel]

الفورد فوكاس سعرها مش غالى زى ماحضرتك متصور وتكييفها ممتاز وليها قطع غيار اصلية فى السوق وغير اصلية والميجان حلوة والاوبل استرا ممتازة خاصة لو مانيوال بس تجيبها من اول 2007 اللى هى مش المصرى وطالما هاتجيب مستعمل مبدئى انك تجيب ماركة اوروبى او يابانى وبعدين الكورى علشان الكورى ممتاز لو زيرو لكن لو المستعمل يستحسن تكون معمره وكمان لماتنزل من سياره تحس فيها بالمتانه والقوة والثبات مش هاتستمتع لوركبت حاجة تانيه والله اعلم

[dory52]

الفورد فوكاس سعرها مش غالى زى ماحضرتك متصور وتكييفها ممتاز وليها قطع غيار اصلية فى السوق وغير اصلية والميجان حلوة والاوبل استرا ممتازة خاصة لو مانيوال بس تجيبها من اول 2007 اللى هى مش المصرى وطالما هاتجيب مستعمل مبدئى انك تجيب ماركة اوروبى او يابانى وبعدين الكورى علشان الكورى ممتاز لو زيرو لكن لو المستعمل يستحسن تكون معمره وكمان لماتنزل من سياره تحس فيها بالمتانه والقوة والثبات مش هاتستمتع لوركبت حاجة تانيه والله اعلم

طيب ايه رايك فى ال تيدا سيدان 2006 او 2007 مش كويسه برده ؟؟؟

[dory52]

النترا 2006 بدون تحيز و الله ممتازة و لو تعرف تجيب بومة نظيفة يبقى احسن كمان

على فكره ناس كتيييييييييييره اوى بتشكر فيها وبتقول عربيه محصلتش تانى فيها كل حاجه ومعمره وكويسه حتى والدى بيرشحهالى اكتر من اى عربيه ؟؟؟!!!! وكفايه ان سعرها ماسك نفسه لحد دلوقتى

[atvi1000]

خليك في البورا لحد 2002 او الباسات 99 ممكن تجيب اوتو وممكن تجيب مانيوال واسمها عربيه محترمه بس دور علي الحاله الكويسه حتي لو هتدفع كم الف زياده طالما من العربيات اللي بتدور عليها الجولف 4 فالبورا افضل من وجهه نظري