جين 2 ولا صني الجديده 2013

[becatcho]

انا كنت خلاص ناوي على جين 2 لاني معجب بيها جدا لحد ما نزلت الصني الجديدة وناس لعبت في عقلي انها اوسع وطبعا ياباني مع ان شكلها مش عاجبني خصوصا من ورا ياريت لو اي حد ركب الاتنين يفيدني برايه هاكون شاكر جدا

[S O P H O S]

صني
مجرد راي ..

[mody3on]

الصني احسن
بس مش ياباني

[harizy]

هما الاثنثن فى نفس الفئة السعرية تقريباً ، وبعدين الشكل ده أذواق.
بس من وجهة نظرى صنى لأن مفروض أن دى أول مستوى فى السيارات ذات الكماليات أو بتعبير المسئولين (فارهة) يبقى تدور على راحة بالك وتوفير وقتك ومجهودك فى الصيانة والتصليح لو احتاج الأمر لا قدر الله، بالإضافة إلى ذلك معاك توكيل محترم وناس كتير بتشكر فيه.
وأخيراً لا تنس الاستخارة وربنا يوفقك إلى ما فيه الخير

[startrace]

صنى عشان يابانى و توكيلها احسن من توكيل بروتون بكتير و اوسع بردوا و شكل جديد

[eng.m7md.ali]

الصني مش ياباني وشكلها عامل زي الموزة ومفيش ثبات ولا في اي حاجة
احسن حاجة فيها هو التوكيل والتكييف الجامد والنعومة
غير كدة متتقارنش بجين2 او اي عربية تانية بصراحة

[Hossam_hassan4]

الصني مش ياباني وشكلها عامل زي الموزة ومفيش ثبات ولا في اي حاجة
احسن حاجة فيها هو التوكيل والتكييف الجامد والنعومة
غير كدة متتقارنش بجين2 او اي عربية تانية بصراحة

+++++++1

[becatcho]

انا شايف الصني عربيه يمكن فعلا توكيلها افضل لكن اظن هتبقى قطع الغيار متساوية في السعر كمان الصني عربيه عائلية اكتر وده حاليا مش تهمني خالص لكن الي مضايقني في الصني فعلا شكلها سئ جدا من ورا حاسس انه عربيه يركبها جدي

[ahmad--ezzat]

كشكل وكماليات وثبات جين 2

اى حاجه تانيه للصنى

[bebo2000]

سحب رهيب وثبات على سرعات عالية حتى مع الملفات مع كماليات معقولة وشكل جميل ===> جين 2
سمعة وتوكييييييييل واستهلاك بنزين اقل وقطع غيار بتعيش اكتر ===> صنى

بس انا لو مكانك هاخاف اجيب الصني قبل ما تمشي شوية فى البلد واعرف مميزاتها وعيوبها كويس لكن الجين 2 خلاص بقى معروف اللى ليها واللى عليها

[د.هشام]

أكيد صني, لو قابل شكلها

[tarekmomo]

بص الجين 2 عربية تحفة رياضية ماتورها جااامد ثبات حلو بس تغور من عز العرب قطع غيار نااار
الصنى عربية لسة جديدة وعيوبها لسو ماظهرتشى انا معايا الشل الى قبل الجديد وعربية معقوولة

[alaa7sh]

جين 2 وعن تجربة. سعر وكماليات وثبات واعتمادية

[mshaheen1]

Gen 2