أجيب أيه في حدود 125 الف ؟ (محتار جداً)

[ahmedsho3a3]

أتا دي أول عربيه ليا (ان شاء الله) و عايز عربيه أوتوماتيك و مايكونش قطع غيارها غاليه, و تكيفها كويس عشان الجو الظريف ده,
أنا محتار مابين حاجات كتير :
-كيا ريو (هاي لاين)
-شيفروليه كروز (أول فئه) عليها خصم اليومين دول
-هيونداي الينترا (أول فئه)
- نيسان تيدا (فول أوبشن)
-أوبل كورسا (هاي لاين)

أفيدونا أفادكم الله
و لو شايفين حاجه تانيه أحسن انا ماقولتهاش قلولي.

[Land_Cruiser]

نيسان تيدا

[ahmedharoon]

هوا حضرتك لازم تجيب عربيه جديده ولا ممكن استعمال لو ممكن تجيب استعمال يبقي ممكن تجيب اوكتافيا a5 2008 هاي لاين تكون كويسه او تجيب كورولا 2010 خلليجي

[mazmoz_fadel]

انا بضم صوتي للصوت الحيران بتاعك .. و ياريت نبعد عن المستعمل . يعني اللي يقول اختيارو يكون حاجه جديده لاني عايز ادفع 50% واقسط الباقى على سنه ...
انا محتار جدا في الاختيارات دي و بضم ليهم
- كيا سيراتو sx
- نيسان صني 2013 .. بس مستنى الفئه الاعلى من الموجوده لحد ما تنزل و ده اقرب اختيار لقلبي
يا ريت يا جماعه تدونا رأيكم بدون تحيز لاي نوع

[Hosam_Optrawy]

لو عوامل الامان شئ اساسى بالنسبه لك يبقى استبعد الكروز والالنترا لان فى الفئات دى مفيهاش عوامل امان

كدا هايتبقى 3 عربيات مختلفين عن بعض

ريو شكل وتصميم حديث موتور 1400 سى سى 108 حصان فتيس ستيبترونيك وسع مقبول فى الفئه دى كماليات كتير وعوامل امان وتوكيل معقول

تيدا شكل وتكنولوجى قديم ( 2004 ) يابانى تقفيل مكسيكى موتور اقوى 118 حصان فتيس اوتوماتيك عادى واسعه من جوه بفرق ملحوظ كماليات اقل من الريو فيها عوامل امان توكيل كويس

الكورسا المانى تقفيل اسبانى اقلهم فى الموتور 1400 سى سى 90 حصان فتيس اوتوماتيك عادى واعتقد اقلهم فى الوسع معنديش فكره عن كمالياتها بالتفصيل بس اكيد فيها عوامل امان توكيل مش حلو

فى اختيارات تانيه زى الاكسنت والسونيك والفييستا والشارك والسول , حاجات كتير بس انت شوف ايه احتياجاتك

بالتوفيق فى الاختيار

[ahmedsho3a3]

هوا حضرتك لازم تجيب عربيه جديده ولا ممكن استعمال لو ممكن تجيب استعمال يبقي ممكن تجيب اوكتافيا a5 2008 هاي لاين تكون كويسه او تجيب كورولا 2010 خلليجي

هو أنا مش عايز اجيب مستعمل لأني عايز أقسط

[ahmedsho3a3]

لو عوامل الامان شئ اساسى بالنسبه لك يبقى استبعد الكروز والالنترا لان فى الفئات دى مفيهاش عوامل امان

كدا هايتبقى 3 عربيات مختلفين عن بعض

ريو شكل وتصميم حديث موتور 1400 سى سى 108 حصان فتيس ستيبترونيك وسع مقبول فى الفئه دى كماليات كتير وعوامل امان وتوكيل معقول

تيدا شكل وتكنولوجى قديم ( 2004 ) يابانى تقفيل مكسيكى موتور اقوى 118 حصان فتيس اوتوماتيك عادى واسعه من جوه بفرق ملحوظ كماليات اقل من الريو فيها عوامل امان توكيل كويس

الكورسا المانى تقفيل اسبانى اقلهم فى الموتور 1400 سى سى 90 حصان فتيس اوتوماتيك عادى واعتقد اقلهم فى الوسع معنديش فكره عن كمالياتها بالتفصيل بس اكيد فيها عوامل امان توكيل مش حلو

فى اختيارات تانيه زى الاكسنت والسونيك والفييستا والشارك والسول , حاجات كتير بس انت شوف ايه احتياجاتك

بالتوفيق فى الاختيار

الف شكر يا باشا على المقارنه,
و في سؤال لو زودنا 6000 جنيه و دخلنا الكروز الهاي لاين أللي فيها أير باج و abs مين أللي يكسب هيا و لا الريو ؟
و هل الكروز تكيفها كويس ؟

[yalahwy2010]

زود 7 آلاف وشوف الفلوانس
هتعجبك جدا
بس الفئة اللى ب 142000 ....أجمد كتير
بس القسط هيزيد حبتين.....بس هتحس بالفرق

[bebo2000]

فى الفئة السعرية دي يبقى تيدا ( عربية شاملة يعنى ماتور كويس، استهلاك بنزين رائع، تكييف ممتاز، عفشة ناعمة، وسائل امان كاملة، صالون فخم، توكيل متميز، عيبها بس الشكل الخارجي لو سيدان لكن الهاتشباك اعتقد شكلها شبابي ومرضى )
لكن بقيت العربيات اللى بتقارن بنها لازم هاتوقع منك حاجة :
يعنى النترا و كروز راحت وسائل الامان
كيا ريو ماتور صغير وبصراحة فى مبالغة فى سعرها شويتين ولا تقارن فى الوسع مع بقية العربيات اللى فى المقارنة ماعدا الكورسا
اوبل كورسا لو تستحمل رخامة منصور واسعار قطع الغيار والمصنعية وانها برضه اصغر من التيدا هى عربية محترمة جدا جدا تكنولوجيا المانى وماسمعناش عن شكاوى منها

[S O P H O S]

تيدا جميلة
وممكن تضيف كيا سول ..

[Hosam_Optrawy]

الف شكر يا باشا على المقارنه,
و في سؤال لو زودنا 6000 جنيه و دخلنا الكروز الهاي لاين أللي فيها أير باج و abs مين أللي يكسب هيا و لا الريو ؟
و هل الكروز تكيفها كويس ؟

الكروز فئه اكبر , وانا مسمعتش عن شكاوى من تكييف الكروز , الهاى لاين ب 134

بس الكروز 2013 هايتعملها FaceLift بسيط فى الشبكه والفوج لايت واحتمال تغيير الموتور

وعلى فكره بال 134 الف هاتلاقى النترا بعوامل امان

[Ghosts]

ألنترا وش ....

[midnightman_74]

وفين اليارس يا جماعة??