أوبترا و لا سيراتو

[mshamy]

الساده الزملاء أعضاء المنتدى
حيث انه لا خبرة لدي بالسيارات الكوري و حيث انه يوجد صديق عزيز يود شراء احدى السيارتين المذكورتين أعلاه، أطلب من سيادتكم مشكورين إعطاء أصواتكم الموقره مع اضافة خبراتكم العمليه ان أمكن من حيث الإعتمادية و التوكيل و قطع الغيار و خلافه
وجزاكم الله خيرا

[ScOrPiOnE]

عن نفسي أفضل الاوبترا وهى حاليا منتشره بطريقه كبيره جدا
وانتشار السياره يدل على انها عمليه من حيث التوكيل والصيانه وقطع الغيار
أما الكيا فالصراحه لا أعرف عنها شيء سوى ان واحد صاحبي معاه سبيكترا
بيحاول يبيعها من عدة شهور ومفيش حد عاوز ياخدها لأنها مش بياعه
والله يوفقكم لما فيه الخير

[fahd_628]

خلية يشوف ال I30 انا بجد كنت فى نفس الحيرة و اخترت ال I30

بجد عكس ما يوحى شكلها انها هاتشباك هية فعلا واسعة جدا و خاماتها نضيفة جدا جدا جدا و الثبات عالى جدا جدا

[mshamy]

متشكر جدا على ردك يا أستاذ فهد بس الحقيقة "لا هيونداي بعد اليوم" هو الشعار المرفوع بسبب عمو الغبور :)

خلية يشوف ال I30 انا بجد كنت فى نفس الحيرة و اخترت ال I30

بجد عكس ما يوحى شكلها انها هاتشباك هية فعلا واسعة جدا و خاماتها نضيفة جدا جدا جدا و الثبات عالى جدا جدا

[mshamy]

متشكر يا أستاذ سكوربيون بس السيراتو بدأت تشعشع في دماغ الواد و خصوصا بعد التقرير بتاع امبارح

عن نفسي أفضل الاوبترا وهى حاليا منتشره بطريقه كبيره جدا
وانتشار السياره يدل على انها عمليه من حيث التوكيل والصيانه وقطع الغيار
أما الكيا فالصراحه لا أعرف عنها شيء سوى ان واحد صاحبي معاه سبيكترا
بيحاول يبيعها من عدة شهور ومفيش حد عاوز ياخدها لأنها مش بياعه
والله يوفقكم لما فيه الخير

[mohamed ibiza]

رأيي سيراتووووووووووووووووو طالما الاتنين كوري يبقي خليك في الاحدث و الاكثر تقدما و تكنولوجيا و توكيل احسن و شكل احلي بكتيييييييييييير

[amrhos]

انا اخويا جاب شيفروليه اوبترا 1600 اوتوماتيك
بصراحه على غير كلام الناس خااااااااالص
1 - تكييف جااامد
2- صالون كبير و رحب جدا
3- واسعه جدا من الداخل
4- الموتور قوى جدا و استهلاك البنزين معقول جدا
5- فخمه من الداخل
6- الثبات على الطريق لغاية 150 كيلو فقط
7- عربيه عمليه جدا تفتقر الى الرفاهيات الزياده يعنى فول اوبشن بس بدون كاسيت سى دى بدون مخدع خلفى تحس انها رفاهيه محدوده
8- شنطه تفتح كهرباء وواسعه جدا
9- الدركسيون قابل للتحرك مسافه كبيره للاعلى و الاسفل
فانصحك بيها لانها جميله و برضه يا ريت لو حد مجرب السيراتو يفيدك بتجربته

[tutankhamoun]

رأيي سيراتووووووووووووووووو طالما الاتنين كوري يبقي خليك في الاحدث و الاكثر تقدما و تكنولوجيا و توكيل احسن و شكل احلي بكتيييييييييييير

رأيي من رأي محمد إبيزا
السيراتو أجدد تكنولوجيا
و توكيلها أحسن على ما بأسمع

[bassam nagy]

السيراتو موتور اقوى توكيل احسن من منصور

[Hassan Khalil]

العربيتين تقريبا مفيش فروق تقريبامن حيث الاعتمادية و قطع الغيار و الخ الخ ..
* السيراتو -- محرك احدث cvvt و هو الموجود برضه علي الكيا ريو لحد 2007 .. و موجود علي الهيونداي نيو اكسنت .. محرك قوي .. استهلاكه كويس في البنزين .. لما الار بي ام بتاعه بيعلي لغاية 3 صوته يبتدي يبقي مزعج قليلا ..( المقصود بالازعاج مش انك تسمعه بيجعر داخل الكابينة .. و انما قصدي لواحد بيرمي ودانه للموتور و بيركز مع صوته كويس زي حالة العبد لله )** الاوتوماتيك بتاعها يمتاز عن الاوبترا بخاصية الاستيبترونيك ...باقي التكنولوجيا في العربية عادية جدا .. يتنزل من غير الكاسيت الاصلي بتاعها ...خامات التابلوه جيدة .
* الاوبترا ..الجيل الثاني من محركات الاي تك .. الموجود علي النوبيرا قديما .. معرفش ايه الفروق بين الجيلين .. و لكن اللي ساقوا النوبيرا لفترة و بعدين ساقو الاوبترا بيقولوا فرق الاداء واضح جدا لصالح الاوبترا .. محرك قوي .. .. استهلاكه في البنزين الاستهلاك الطبيعي لل 1600 .. بيزيد جامد مع تشغيل التكييف .. اداء الاوتوماتيك بتاعها كل مالكيها بيشكروا فيه ..تكييف قوي .. صالون اوسع من السيراتوا بالنسبة لحجم الكراسي و المساحة المتاحة للاقدام و الراس و الاكتاف ..بتنزل بالكاسيت الاصلي ... خامات التابلوه جيدة و تغطي التابلوه طبقة من الجلد من القائم اليمين للشمال .. زي تابلوه اللانسر .

* الشكل الداخلي و الخارجي
- بغض النظر عن الاحدث و الاقدم .. العربيتي شخصيتين مختلفتين
+السيراتو .. فيها انسيابية اكثر و شكلها شباب اكثر .. سواء في الصالون .. او الشكل الخراجي و انحناءاته
+الاوبترا .. طابعها كلاسيكي اكثر .. خطوطها الخارجية مستقيمة اكثر من الامام و حتي الخلف .. و لا يختلف ذلك عن الداخل .. و يتميز التابلوه بتاعها بنفس الشخصية .. حتي ان فيه بعض الناس بيقولو عليه تابلوه ( واقف ) ... و لكن تغلي عليه الشياكة اكثر .. و يدعم تلك الشياكة طبقة الجلد التي ذكرتها سابقا .. بالاضافة الي تطعيم التابلوه بحاجة شبه الابنوس الغامق .. اعتقد انها بلاستيك .

* التوكيل
توكيل منصور قديم و معروف في مصر .. و سمعته الي حد ما مش وحشع .. و انتشار مراكزه انتشار جيد ..
توكيل كيا داخل بقوة الي السوق .. و سابقات اعمال محمد نصير في رينو تبشر بمستقبل جيد جدا لهذا التوكيل .. لكن الخوف من زيادة انتشار الكيا المستقبلي و ان يكون له اثر سلبي علي اداء التوكيل

* قطع الغيار
فيه بعض اسعار قطع الغيار للاوبترا في قسم الشيفروليه .. و فيه اخ فاضل وضع بعض اسعار قطع غيار السيراتو في قسم الكيا .. الاسعار تكااااااد تكون متماثلة في اغلب القطع ..( الاسعار في الشيفروليه شاملة الضريبة .. اما الاسعار في الكيا فلا اعلم ان كانت كذلك ام لا ) ما عدا الاكصدامات .. فسعرها مرتفع جدا للاوبترا عن الكيا .. ممكن علشان بتكون شاملة شاسيه الاكصدام المعدني ..
عموما الاسعار تكاد تكون متماثلة مع ارتفاع طفيف من جانب الاوبترا
اسعار الصيانات .. فيه جدول اسعار الصيانات في قسم الشيفروليه .. ام الكيا فللاسف لا اعلم اسعار صيانتها .
تحياتي

[Noha.M]

انا رايي السيراتو

انا مقدرش احكم على الاوبترا لانى مركبتهاش بس لو هتجيب اوتوماتيك يبقي ابعد عن الاوبترا فى النقة دى عشان واحدة صاحبتى معاها اوبترا اوتوماتيك و قرفاها لكن الصراحة انا عربيتي اوتوماتيك و مريحاانى جداااااااااااااااااااا و حتى استهلاك بنزينها معقووول جداااااااااا على انها اوتوماتيك و 1600 سي سي

[mshamy]

أنا متشكر جدا لكل الأخوه و الأخوات اللي قاموا بالرد و جزاكم الله خيرا :)

[حماده المصري]

السيراتو اجمد بكل المقايس

موتور جديد وتكنولوجي احدث اما الاوبترا موتور نوبيرا

الاوبترا في بعض الناس اشتكت من بعض الاعطال عوامه بنزين او طرمبه وكلام زي كده

انا عن نفسي ركبت وسوقت الاوبترا هي حلوه كعربيه مدينه وعفشه مش ناشفه اوي بس مش ثابته واعتقد انها مش هتستحمل بهدله بعكس السيراتو

بالنسبه للاوتوماتيك اكيييد السيراتو الجير بوكس بتاعها افضل وعمره اكبر

ومتنساش الاستخاره

[tayson54]

[Hassan Khalil


العربيتين تقريبا مفيش فروق تقريبامن حيث الاعتمادية و قطع الغيار و الخ الخ ..
* السيراتو -- محرك احدث cvvt و هو الموجود برضه علي الكيا ريو لحد 2007 .. و موجود علي الهيونداي نيو اكسنت .. محرك قوي .. استهلاكه كويس في البنزين .. لما الار بي ام بتاعه بيعلي لغاية 3 صوته يبتدي يبقي مزعج قليلا ..( المقصود بالازعاج مش انك تسمعه بيجعر داخل الكابينة .. و انما قصدي لواحد بيرمي ودانه للموتور و بيركز مع صوته كويس زي حالة العبد لله )** الاوتوماتيك بتاعها يمتاز عن الاوبترا بخاصية الاستيبترونيك ...باقي التكنولوجيا في العربية عادية جدا .. يتنزل من غير الكاسيت الاصلي بتاعها ...خامات التابلوه جيدة .
* الاوبترا ..الجيل الثاني من محركات الاي تك .. الموجود علي النوبيرا قديما .. معرفش ايه الفروق بين الجيلين .. و لكن اللي ساقوا النوبيرا لفترة و بعدين ساقو الاوبترا بيقولوا فرق الاداء واضح جدا لصالح الاوبترا .. محرك قوي .. .. استهلاكه في البنزين الاستهلاك الطبيعي لل 1600 .. بيزيد جامد مع تشغيل التكييف .. اداء الاوتوماتيك بتاعها كل مالكيها بيشكروا فيه ..تكييف قوي .. صالون اوسع من السيراتوا بالنسبة لحجم الكراسي و المساحة المتاحة للاقدام و الراس و الاكتاف ..بتنزل بالكاسيت الاصلي ... خامات التابلوه جيدة و تغطي التابلوه طبقة من الجلد من القائم اليمين للشمال .. زي تابلوه اللانسر .

* الشكل الداخلي و الخارجي
- بغض النظر عن الاحدث و الاقدم .. العربيتي شخصيتين مختلفتين
+السيراتو .. فيها انسيابية اكثر و شكلها شباب اكثر .. سواء في الصالون .. او الشكل الخراجي و انحناءاته
+الاوبترا .. طابعها كلاسيكي اكثر .. خطوطها الخارجية مستقيمة اكثر من الامام و حتي الخلف .. و لا يختلف ذلك عن الداخل .. و يتميز التابلوه بتاعها بنفس الشخصية .. حتي ان فيه بعض الناس بيقولو عليه تابلوه ( واقف ) ... و لكن تغلي عليه الشياكة اكثر .. و يدعم تلك الشياكة طبقة الجلد التي ذكرتها سابقا .. بالاضافة الي تطعيم التابلوه بحاجة شبه الابنوس الغامق .. اعتقد انها بلاستيك .

* التوكيل
توكيل منصور قديم و معروف في مصر .. و سمعته الي حد ما مش وحشع .. و انتشار مراكزه انتشار جيد ..
توكيل كيا داخل بقوة الي السوق .. و سابقات اعمال محمد نصير في رينو تبشر بمستقبل جيد جدا لهذا التوكيل .. لكن الخوف من زيادة انتشار الكيا المستقبلي و ان يكون له اثر سلبي علي اداء التوكيل

* قطع الغيار
فيه بعض اسعار قطع الغيار للاوبترا في قسم الشيفروليه .. و فيه اخ فاضل وضع بعض اسعار قطع غيار السيراتو في قسم الكيا .. الاسعار تكااااااد تكون متماثلة في اغلب القطع ..( الاسعار في الشيفروليه شاملة الضريبة .. اما الاسعار في الكيا فلا اعلم ان كانت كذلك ام لا ) ما عدا الاكصدامات .. فسعرها مرتفع جدا للاوبترا عن الكيا .. ممكن علشان بتكون شاملة شاسيه الاكصدام المعدني ..
عموما الاسعار تكاد تكون متماثلة مع ارتفاع طفيف من جانب الاوبترا
اسعار الصيانات .. فيه جدول اسعار الصيانات في قسم الشيفروليه .. ام الكيا فللاسف لا اعلم اسعار صيانتها .
تحياتي



افضل رد منطقي ...يا ريت يا شباب نحاول نتعلم -وانا اولكم- معني المقارنات المنطقيه اللي ممكن تخلي واحد ياخد قرار شراء وفي الأخر يكتشف انه اخطأ بشكل كبير لان مشكلتنا احنا المصريين هي العاطفيه الزياده عن اللزوم والمشكله الأخطر هي نقل المعلومات بغض النظر عن صحتها يعني احنا -اسف في اللفظ- مجرد بغبغانات لكن مبنحاولش نعمل اي فلتر للكلام او اي محاوله للتأكد بل العكس علي ما يوصل لحد تاني يكون زاد عليه اضافات اخري من وحي الخيال والحماس ....وده بالنسبه لاكتر الناس مش كلهم بالتأكيد وعلي العكس المصري المنطقي في اسلوب تفكيره وتحليله بيبقي من اروع ما يكون فعلا واعتقد الموضوع ممارسه وتعلم واجبار للعقل انه يدخل اكتر من الميول النفسيه او ما شابه.
وعجبي علينا فعلا

[amir]

[Hassan Khalil




افضل رد منطقي ...يا ريت يا شباب نحاول نتعلم -وانا اولكم- معني المقارنات المنطقيه اللي ممكن تخلي واحد ياخد قرار شراء وفي الأخر يكتشف انه اخطأ بشكل كبير لان مشكلتنا احنا المصريين هي العاطفيه الزياده عن اللزوم والمشكله الأخطر هي نقل المعلومات بغض النظر عن صحتها يعني احنا -اسف في اللفظ- مجرد بغبغانات لكن مبنحاولش نعمل اي فلتر للكلام او اي محاوله للتأكد بل العكس علي ما يوصل لحد تاني يكون زاد عليه اضافات اخري من وحي الخيال والحماس ....وده بالنسبه لاكتر الناس مش كلهم بالتأكيد وعلي العكس المصري المنطقي في اسلوب تفكيره وتحليله بيبقي من اروع ما يكون فعلا واعتقد الموضوع ممارسه وتعلم واجبار للعقل انه يدخل اكتر من الميول النفسيه او ما شابه.
وعجبي علينا فعلا

اؤيدك و بشده فعلا موضوع ذكر اسم العربيه في ترشيحي ليها بس دون ذكر السبب بيخلي الكلام ملوش وزن, غير لو قلت انا برشح دي لكذا و كذا و بلاش دي عشان كذا و كذا
الاحترافيه في التقييم يا شباب