نوبيرا ولا كورسا

[midoelattar]

يا جماعة انا محتار بين النوبيرا و الكورسا 2005 السيدان ومش عارف اعمل اية تاس تقولي ابعد عن الاوبل قطع غيارها غالية و مش اي حد بيشتغل فيه و ناس تقولي لا عادي و ناس تقولي النوبيرا مكنتها ضعيفة و عيوبها كتير يا ريت تفيدوني

[S O P H O S]

حضرتك متقبل عربيات تانية ولا دولا بس
واذا كان كده فالميزانية ايه
..

[Dawns_Mist]

الكورسا :
سحب كويس - عالية عن الأرض - صاج و شاسيه تمام التمام - ثبات مناسب
ضيقة نسبيا من جوه - أحيانا بيكون فيها عيوب تقفيل و كهربا بسيطة بتحتاج منك تشيك كويس عليها و تتعامل مع صنايعية محترفين .

النوبيرا :
قطع غيار شعبية و منتهى السهولة في الصيانة - واسعه نسبيا من جوه - ثبات مناسب
سحب سيء - صاج ضعيف - واطية و متعبه في المطبات لإن حوضها واسع .

- أسعار قطع غيار الكورسا ماتخافش منها أوي للدرجة دي ، دي بقت متوفرة برضه كتير و سعرها في المعقول جدا من رأيي ، و بالنسبة للصنايعية لو سألت على ورشة مشهورة و محترمة أكيد هتلاقي كل اللي فيها فاهمينها كويس ، و هي عموما الصعوبة اللي فيها مش صعوبة صيانية ميكانيكا قد ماهي مشكلة صيانة كهربا ، و برضه مش متعبه زي مانت متخيل .

* و عموما في السعر المناسب ليك ده هتلاقي موديلات تانية كتير كويسه ، بص على الكريستاله و البوينتر و الشوما و اختيارات كتير جدا في الرينج ده قدامك .