إعـــــــلان

Collapse

.

,
See more
See less

مقارنة بين بروتون برسونا 2012 ، و صني الشكل الجديد

Collapse
X
 
  • Filter
  • الوقت
  • Show
Clear All
new posts

  • مقارنة بين بروتون برسونا 2012 ، و صني الشكل الجديد

    المحرك :
    البرسونا 1600 سي سي
    صني 1500 سي سي
    و هناك ميزة للبرسونا في التسارع و قوة المحرك المشهود لها ... محرك البرسونا انجليزي .

    الثبات و نظام التعليق :
    البرسونا اثبت بمراحل بمراحل من النيسان ... بل ان البرسونا اثبت من الكورولا و الهوندا سيفك ... ثبات رائع رائع ... و لا مجال للمقارنة بينها و بين الصني .
    عفشة البرسونا ناشفة قوي ... عكس الصني عفشة طرية طرية .

    الكماليات :
    نفس الكماليات موجوده في السيارتين تقريبا و لكن كماليات البرسونا اعلي .

    الكماليات التي تتميز بها البرسونا و غير موجوده في الصني الجديدة
    1- مثبت سرعة .(الاوتوماتيك فقط )
    2- الشنطة اكبر و فيها امكانية طي المقاعد الخلفية .
    3- عجلة قيادة يوجد بها مفاتيح للتحكم في الصوت .
    4- حساسات للباركنج .
    5- تكييف متعدد السرعات (حوالي 12 سرعة ) و اقوي بمراحل من مكيف النيسان .
    6- جنوط اسبور الومنيوم ، وكاوتش من نوع ممتاز . بعكس الصني كوتشات تعبانه مووت .
    7- سبويلر .
    8- لمبات في المرايات الامامية .
    9- جودة تقفيل و دهان واضحة جدا .
    10- لوحة عدادات اكثر اناقة .
    11- سي دي usb .
    12- الصاج اقوي و اكثر سماكة .
    13- سي دي متميز جدا و امكانياته عاليه قوي ... مع اريال انيق اعلي السقف .... عندك الصني الاريال بتاعها 1متر شكله غبي موووت .
    14- الجير الاووماتيك اكثر امكانيات L ،2،3،D،R،P
    15- لا يمكن ان يخرج المفتاح من الكونتكت و الجير علي اي وضع غير P ، و ذلك زيادة امان و محافظة علي عمر الجير .
    16 - صندوق كونسول جانب السائق ...

    الكماليات التي تتميز بها الصني عن البرسونا :-
    1- مساحة أكبر في الكنبة الخلفية من البرسونا .. و لكن البرسونا مساحة جيدة و مقبولة ايضا .
    2- فتحات للتكيف في الخلف .
    3- خامات التابلوه اجود نسبيا .

    السعر :


    برسونا اوتوماتيك 95 الف ......... صني الجديدة اوتوماتيك 100 الف .

    التوكيل :
    بصفة عامة لا يوجد توكيل محترم في الدول العربية كلها أي ماركة سيارة ... كلهم حرامية .
    و لكن توكيل نيسان و بروتون و مراكز خدمتهم قريبة من بعض قوي و بيطورا نفسهم .

    و الي خلاني ابيع الصني هو توكيل مودرن موتورز (( ربنا ينتقم منهم )) لأنهم حرقولي محرك السيارة ... اه و الله ...
    روحت اغير زيت عندهم ... فضي المحرك من الزيت و نسي يملي زيت جديد ... المحرك افش ... منهم لله .. و بالطبع معرفتش آخد منهم حق و لا باطل .


    سعر اعادة البيع :
    اذا كان البيع بعد 5 سنوات مثلا .. يبقي اجمالي الخسارة في السيارتين واحد تقريبا ... و ان كانت الصني تتميز انها اسرع و اخف في البيع .

    استهلاك الوقود :
    الصني موفره نسبيا لأن محركها سعته اقل .

    خزان الوقود :
    برسونا 44 لتر ........ صني 41 لتر .


    من الاخر رأيي الشخصي اشتري برسونا و لا يمكن هاتندم ابدا ابدا

  • #2
    مع إني بحب البروتون بكل إصدارتها ... لكن حضرتك طلعت الصني توك توك ، و البيرسونا بورش .... عموما كلام كتير من كلام حضرتك ده صحيح فعلا .. لكن الفرق مش زي ماحضرتك بتقول كده ...
    مثلا فرق الثبات فعلا البيرسونا أفضل ... لكن برضه الصني مش تونايه
    فرق السحب البيرسونا أفضل نسبيا .. لكن برضه الصني مش كارينز

    عموما .. توكيل الصني في مصر معروف جدا إنه من أفضل التوكيلات ، و عز العرب مشكلته إنه فروعه مش منتشره في أنحاء الجمهورية ، و البيرسونا مش منتشره و ده بيخلي قطع غيارها مش متورفة غير في التوكيل ..

    غير كده كل كلامك مظبوط يا باشا .. و أنا أفضل البيرسونا عن الصني شخصيا.

    Comment


    • #3
      تسلم يا باشا
      بس معظم الناس بتشكر فتوكيل نيسان بالذات ..

      Comment


      • #4
        معذرة اللي بيشكر في توكيل نيسان

        الف مليون معذرة للي بيشكر في توكيل نيسان .... انا مش عارف في ايه اكتر انهم يحرقوا محرك .

        في اهمال اكتر من كده ايه انهم ينسوا يحطوا للمحرك زيت ؟؟؟؟؟

        و يارتهم اعترفوا بالخطأ لأ لأ .... وصلت اني رفعت قضايا عليهم و معرفتش آخد منهم حق و لا باطل .


        كل من يشكر في توكيل نيسان فهو مخدوع مخدوع مخدوع .



        و بالنسبة لقطع غيار برسونا .... مفيش حاجة اسمها قطع غيار برسونا بس و خلاص .... 70% من قطع غيار السيارات تتطابق مع بعضها


        كل ما عليك انك مترميش القطعه القديمة ... و روح بيها عند محل قطع الغيار و قوله عايز زي دي .


        و بعدين انا مش عارف ... محدش بيفكر بالاسلوب دا غير المصريين ... رايح يشتري سيارة زيرو ... و بيفكر في قطع الغيار ....


        السيارة الزيرو مش بيتغير فيها قطعه كبيرة الا بعد 5 سنوات علي الاقل .

        و بعدين هو استمتاعك بعربية محترمة دا مش له ثمن .


        و مع احترامي لكل من يمدح في الصني ... انا ركبت و امتلك السيارتين


        الفرق واضح واضح بين الاثنين ... انا مش بقول ان الصني وحشة ... بس البرسونا فارقة عنها جامد .

        Comment


        • #5
          واضح ان حضرتك حصلت لك تجربه سيئه مع احدى التوكيلات و هو ده اللى مؤدى لانحيازك ضد نيسان بالشكل المبالغ فيه ده. ربنا يكون فى عونك بس لو حضرتك بتدخل على القسم بتاع نيسان كنت هتلاقى مواضيع كتير بترشح التعامل مع اوتو ايجيبت و السبع تحديدا و بتشكر فيهم و لذلك اغلبيه الاعضاء لتتعامل معاهم و بتتجنب التعامل مع التوكيل التالت. الوقت متأخر على الكلام ده طبعا و كل شئ نصيب بس حبيت اوضح لحضرتك الصوره و قدر الله و ما شاء فعل و بمنتهى الحياديه موضوع الموتور و الثبات و التكييف و التوكيل على الاقل تتفوق فيها الصنى و رأى حضرتك فيها متأثر بالتجربه السيئه مع احدى التوكيلات و خللى بالك ان اللى بيقرأ الموضوع بياخد من كلامك نصيحه و دى امانه كبيره قد تؤدى الى انه يشترى سياره و بعد كده يتضح ان مواصفاتها ليست كما عرف من كلامك و يدعى عليك فحضرتك كنت ممكن تعمل موضوع عن المشكله اللى حصلت و الناس تنصحك ازاى تتصرف فى الموقف المؤلم ده و كمان هيبقى تحذير جديد و مفيد للناس لكن موضوع المقارنه اللى فيها تحيز مبنى على تجربه سيئه ده ممكن يضر ناس كتير و ربنا يوفقك لما فيه الخير

          Comment


          • #6
            مع احترامي لرأيك و لكن

            المشاركة الأصلية كتبت بواسطة Land_Cruiser مشاهدة المشاركة
            واضح ان حضرتك حصلت لك تجربه سيئه مع احدى التوكيلات و هو ده اللى مؤدى لانحيازك ضد نيسان بالشكل المبالغ فيه ده. ربنا يكون فى عونك بس لو حضرتك بتدخل على القسم بتاع نيسان كنت هتلاقى مواضيع كتير بترشح التعامل مع اوتو ايجيبت و السبع تحديدا و بتشكر فيهم و لذلك اغلبيه الاعضاء لتتعامل معاهم و بتتجنب التعامل مع التوكيل التالت. الوقت متأخر على الكلام ده طبعا و كل شئ نصيب بس حبيت اوضح لحضرتك الصوره و قدر الله و ما شاء فعل و بمنتهى الحياديه موضوع الموتور و الثبات و التكييف و التوكيل على الاقل تتفوق فيها الصنى و رأى حضرتك فيها متأثر بالتجربه السيئه مع احدى التوكيلات و خللى بالك ان اللى بيقرأ الموضوع بياخد من كلامك نصيحه و دى امانه كبيره قد تؤدى الى انه يشترى سياره و بعد كده يتضح ان مواصفاتها ليست كما عرف من كلامك و يدعى عليك فحضرتك كنت ممكن تعمل موضوع عن المشكله اللى حصلت و الناس تنصحك ازاى تتصرف فى الموقف المؤلم ده و كمان هيبقى تحذير جديد و مفيد للناس لكن موضوع المقارنه اللى فيها تحيز مبنى على تجربه سيئه ده ممكن يضر ناس كتير و ربنا يوفقك لما فيه الخير

            مع احترامي لرأي حضرتك .... معلش قوي قوي قوي ..

            و حضرتك بتقول عليا رأي متحيز ، و ممكن واحد يقرأ موضوعي اروح مدبسه لا سمح الله و يشتري برسونا .. ههههههههههه ، كأني بدبسه يشتري توك توك مثلا
            طب يا ريت يشتري برسونا و يدعيلي .

            روح حضرتك و اعمل test drive و انت تلمس الفرق بنفسك

            انا شخصيا عملت ما هو ابعد من ذلك ,,, انا عاشرت السيارتين .

            في النقط اللي حضرتك بتتحدث فيها ( المحرك - الثبات - و التكييف )
            تتفوق فيها البرسونا بقوة ، و حضرتك انا شخص ركبت السيارتين و عارف انا بقول ايه .

            اصلا مينفعش تقارن محرك 1600 بمحرك 1500 ، دا مبدئيا

            علاوة علي ذلك لما تقارن ثبات البرسونا عند السرعات العالية تقارن بسيارتين فقط ( الهوندا سيفك ، و المازدا 3 ) ... الصني خارج المنافسة

            و التكييف جرب السيارتين و انت تعرف الفرق الكبير كويس قوي


            و الثلاث نقاط دول ليس لهم علاقة بالتوكيل من قريب او بعيد .

            اما في موضوع التوكيل انا اتحدث عن( مودرن موتورز )تحديدا ، و المشكلة التي حدثت معي نتيجة اهمال جسيم ممكن تتكرر مع اي حد غيري ... لأن اللي تعامله كده و اهمل مرة ممكن يهمل مرات و مرات اخري .

            و انا لي صديقي شغال في احد التوكيلات .. و هو يكلمك علي النصب اللي بيحصل مع العميل .

            مرة اخري اكرر ... مفيش توكيل محترم لأي ماركة في اي دولة عربية ... لأن حتي لو حضرتك شايف التعامل قدامك كويس .. فإنت مش عارف هما بيسرقوك ازاي من ورا ظهرك

            Comment


            • #7
              الصني ال 2008 اللي كانت مع حضرتك 1600 مش 1500
              تقريبا التسارع واحد بس للبيرسونا احسن على السرعات العالية
              والثبات مفيش مقارنة طبعا
              عفشة تورشن بم وعفشة مالتي لينك
              اكيد المالتي لينك احسن كتير
              eng f3lix سابقا

              Comment


              • #8
                المشاركة الأصلية كتبت بواسطة land_cruiser مشاهدة المشاركة
                واضح ان حضرتك حصلت لك تجربه سيئه مع احدى التوكيلات و هو ده اللى مؤدى لانحيازك ضد نيسان بالشكل المبالغ فيه ده. ربنا يكون فى عونك بس لو حضرتك بتدخل على القسم بتاع نيسان كنت هتلاقى مواضيع كتير بترشح التعامل مع اوتو ايجيبت و السبع تحديدا و بتشكر فيهم و لذلك اغلبيه الاعضاء لتتعامل معاهم و بتتجنب التعامل مع التوكيل التالت. الوقت متأخر على الكلام ده طبعا و كل شئ نصيب بس حبيت اوضح لحضرتك الصوره و قدر الله و ما شاء فعل و بمنتهى الحياديه موضوع الموتور و الثبات و التكييف و التوكيل على الاقل تتفوق فيها الصنى و رأى حضرتك فيها متأثر بالتجربه السيئه مع احدى التوكيلات و خللى بالك ان اللى بيقرأ الموضوع بياخد من كلامك نصيحه و دى امانه كبيره قد تؤدى الى انه يشترى سياره و بعد كده يتضح ان مواصفاتها ليست كما عرف من كلامك و يدعى عليك فحضرتك كنت ممكن تعمل موضوع عن المشكله اللى حصلت و الناس تنصحك ازاى تتصرف فى الموقف المؤلم ده و كمان هيبقى تحذير جديد و مفيد للناس لكن موضوع المقارنه اللى فيها تحيز مبنى على تجربه سيئه ده ممكن يضر ناس كتير و ربنا يوفقك لما فيه الخير
                الصنى تفوق على البرسونا فى اللى انا ملونة دة من وجهة نظر حضرتك ؟؟؟
                معلش انا محتاج بس توضيح بسيط جدا
                لو الصنى تتفوق على البرسونا ياريت مصادرك وتجاربك بس فى النقط الملونة دى تحديدا
                علشان زى ما راى العضو الفاضل امانة
                وجهة نظرك انت كمان امانة ولا اية ؟؟؟
                هوة حضرتك عندك اى معلومات عن البرسونا ومكوناتها الداخلية ومنها التكييف
                ولا كلة كلام وسمع وهما اللى قاللولى ؟؟؟
                اعذرنى انا مبحبش ادخل اشارك فى قسم المقارنات تحديدا لكثرة الفتى والفتايين فية
                لكن جملة حضرتك لفتت انتباهى بشكل واضخ
                ملحوظة اخيرة
                الراجل قايل انة امتلك السيارتين وممكن يقولك على كل تفصيلة فيهم توكد امتلاكة ليهم
                يعنى عندة حجة
                يعنى وجهة نظرة عن تجربة فعلية مش حتى تجربة قيادة لحد اول الشارع ولف وارجع تانى
                حضرتك حجتك اية علشان الامانة بس !!!!
                [sor2]http://img534.imageshack.us/img534/7595/resize63.jpg[/sor2]

                Comment


                • #9
                  انا بحترم البيرسونا والجين تو جدا
                  ولولا التوكيل وقطع الغيار كان زماني من ملاكهم

                  بس صاحب الموضوع كان معاه ال2008 و بيقارن بين البيرسونا والصني الجديدة

                  وبتقول ركبت الاتنين .... طيب المقارنة بين ايه وايه دلوقتي علشان ابقي متابع

                  لو الصني الجديدة يبقي مالهاش علاقة بالصني القديمة اصلا

                  ولو الصني القديمة .... فعلا كماليات الببيرسونا اعلي من كماليات الصني (بدون ذكر وسائل الامان)

                  و الله يكون في عونك في الماتور اللي حرقوه ...... الحمد لله ربنا عوضك خيرا منها

                  بس كجمع مينفعش .... مودرن من افشل التوكيلات اللي شوفتها سواء نيسان او سوزوكي
                  والمفروض يبقي فيه هيئة ولا مؤسسة تكشف علي التوكيلات ديه بدل ما هي مضيعه احسن العربيات في مصر

                  بس فيه بدل التوكيل اتنين وتلاتة ...... والسبب اللي خلي الصني تتنتشر الفترة الاخيرة التوكيل
                  بالرغم من انها تقفيل مصري وفيها مشاكل بس بتتحل في التوكيل

                  وحاليا لا مقارنة بين عز العرب وتوكيل نيسان فعلا ...... وديه عن اقتناع تااام


                  المقارنة لو بين الصني الجديدة والبيرسونا ........ انا اختار البيرسونا
                  المقارنة بين الصني القديمة والبيرسونا ...... اختار الصني القديمة طبعا ( كان نفسي يبقي فيها مالتي فانكشن بس )

                  اتمني فعلا مفارنة بين البيرسونا والصني القديمة وخاصة ان البيرسونا شكلها انيق جدا ماشاء الله
                  وتكون فيها استهلاك البنزبن والخامات الداخلية ومتانة الصاج

                  مشكور
                  والله يعطيك العافية :))
                  [CENTER][COLOR="Blue"][SIZE="5"]أُمـــ الغوالــــــــــــــــي ..... أُسطــــورة لـــــهــــــا تاريـــــخ :F_eyeb1[1]:[/SIZE][/COLOR]
                  [CENTER]
                  [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
                  [/CENTER]
                  [CENTER][SIZE="5"][COLOR="DarkRed"][marq="4;right;2;scroll"]Eng.Hussein GaMal[/marq][/COLOR][/SIZE]
                  [SIZE="5"][COLOR="Blue"][marq="4;left;2;scroll"]Mob. +20111 960-9399[/marq][/COLOR][/SIZE][/CENTER][/CENTER]

                  Comment

                  Working...
                  X