مقارنة بين هوندا سيفك الشكل ده مستعملة وكيا سيراتو 2012 زيرو

[nyzo]

مقارنة بين هوندا سيفك (الشكل ده مستعملة http://www.nilemotors.net/Nile/264585-a.html) وكيا سيراتو 2012 زيرو
المشترك بينهم انهم الاتنين هيبقووا في نفس الفئة السعرية وموتور ١٦٠٠ cc


أرجو عمل مقارنة.
شكراً

[S O P H O S]

بصراحة بدون مقارنة السيفيك ممتازة بالنسبة ليا
خصوصا الموديل ده
مجرد راي شخصي فقط ..

[egyptiandiver]

Honda... The power of dreams

[Dawns_Mist]

حضرتك بتهزر ولا بتتكلم بجد ؟؟؟
هو فيه حاجة اسمها مقارنة بين هوندا سيفيك و سيراتو !!
خصوصا الشكل ده من السيفيك روعة و مش هيتكرر ...
لو الحالة اللي قدامك حلوة صدقني مش هتندم أبدا ...

[AhMeD MeTwAlY]

بجد انا بدأت ازعل ايه يا غالي الكلام دا تقارن سيفيك بسيراتو حرام بجد

[nyzo]

أكيد أكيد أنا مش بقارن السيفيك بالسيراتو طبعاً عشان بس الناس متفهمنيش غلط. أو يمكن أنا مكنتش واضح فالاول


يا سادة، المقارنة هي: تحط ١٢٠ ألف جنيه ف هوندا سيفك مستعملة ولا في كيا سيراتو زيرو؟؟؟؟؟

[dede_dodo88]

السيفيك طبعاً, بس تكون بحالة الزيرو و عداد قليل.
سيفيك الجيل الثامن ده وهم بجد مينفعش تحط السيراتو معاه في مقارنة أبداً..
بس دور كويس على واحدة تكون حالة كويسة..

[Land_Cruiser]

السيفيك اكيد احسن بس لازم تتأكد من الحاله كويس

[S O P H O S]

أكيد أكيد أنا مش بقارن السيفيك بالسيراتو طبعاً عشان بس الناس متفهمنيش غلط. أو يمكن أنا مكنتش واضح فالاول


يا سادة، المقارنة هي: تحط ١٢٠ ألف جنيه ف هوندا سيفك مستعملة ولا في كيا سيراتو زيرو؟؟؟؟؟

بردوا يا باشا لو السيفيك فبريكا توكل علي الله ..

[ldsaklf]

انتا عايز ايه لو انتا ميال لحاجه زيرو توكل علي الله في الزيرو لو مش فارق معاك الزيرو يبقي هوندا بس المهم الحاله

[Ahmod]

هو طبعا السيفك احسن مافيش كلام

بس ركوبة الزيرو برضوا ليها طعم تاني

لو ناوي على سيراتو زيرو استنى لما الشكل الجديد ينزل عشان خلاص هينزل في خلال وقت قليل

ولو قدامك هوندا سيفيك نضيفة vti خلص فيها وربنا يباركلك فيها بس خلي بالك

120 الف مش هتجبلك الا الهوندا ال lxi ودي ككماليات السيراتو هتكون متفوقة عليها

[nyzo]

أنا بس فيه فكرة في دماغي وهي إن السيفيك عربية تحفة وميطفرتش فيها، فإلي هيبيع سيفك أكيد هيبقى طالعان عنها أو فيها مشكلة، عشان كدة أنا قلقان منها جداً رغم اني متأكد انها عربية تحفة!

[hany63]

أنا بس فيه فكرة في دماغي وهي إن السيفيك عربية تحفة وميطفرتش فيها، فإلي هيبيع سيفك أكيد هيبقى طالعان عنها أو فيها مشكلة، عشان كدة أنا قلقان منها جداً رغم اني متأكد انها عربية تحفة!

فيه ناس هواة تغيير يعني يغير كل تلات او اربع سنين و خلاص و اؤكد ليك العربيه مش بتتبهدل بسهوله ميكانيكا و عفشه وده عشان موتورها بيحب القرص بسبب الفيتك الخوف انها تبقى عامله حادثه و دي تقدر تعرفها بالكشف في التوكيل تحياتي