كيا سيراتو sx ولا نيسان صني ?????

[ahmed elsawy]

السلام عليكم و رحمة الله و بركاته

هذه اول مشاركة لي بالجروب الراااااااائع دا
كنت عايز اعرف الافضل اجيب سيراتو ولا صني الجديدة و ايهم افضل في التوكيل و الاكثر استحمالا و افضل في الصاج بتاعها و الكماليات و قطع الغيار

و لكم جزيل الشكر

[Mohamed.Ramah]

بالنسبة للتوكيل ال 2 توكيلهم جيد

اكثر استحمالا دة تحددها بنفسك على حسب طبيعة قيادتك و مدى استخدامك


- الجسم الخارجى للسيارة

كياسيراتو فى اختبارات Crash test حصلت على :

5 نقاط للسائق

3 نقاط للركاب

4 نقاط تقييم كلى

-----

نيسان صنى :

4 نقاط للسائق

3 نقاط للركاب

3 نقاط تقييم كلى
-----

كماليات كيا فئة sx

يوجد اكثر من فئة للكيا سيراتو SX يرجى تحديدها وكتابة السعر للتوضيح وان شاء الله اساعدك



كماليات نيسان صنى 1.5 :

تكييف هواء 4 سرعات - باور ستيرنيج - مفتاح و ريموت كنترول ( انذار صوتى - سنتر لوك ) - زجاج كهربائى امامى و خلفى - قضبان حماية من الصدمات الجانبية- فتح خزان الوقود من الداخل - فتح صندوق الامتعة من الداخل - احزمة امان امامية - حامل اكواب امامى - مسند ذراع امامى مع مكان للتخزين - مسند ذراع خلفى مع حامل اكواب - جنوط 15 انش - مصابيح ضباب - راديو - مشغل اسطوانات
مزودة ب 2 ايرباج - ABS -EBD _BA


ايهما افضل :


الكيا موجودة من فترة وتم تجربتها وموجود عدة موضوعات فى قسم كيا تقدر تشوفها بنفسك من خلال تجارب الاعضاء كان يوحد تعليق على العفشة اكثر شىء غير مريح بالسيارة وجود بعض المشاكل فى الفتيس القديم وتم حلها بعد توفر 6 نقلات انتشار موضوع السرقة للسيارة قلل من نسبة شرائها

---

بالنسبة للنيسات تحت التجربة حتى الان نظرا لحداثة وجودها فى الاسواق ولاكن بشكل عام جيدة كامكانيات مقابل السعر المدفوع مع عدم الاجماع على جود التقفيل او الشكل الداخلى للسياراة والخامات الداخلية ودة نقطة تتفوق فيها كيا وترجعلك لازم تشوفها بنفسك غير ذلك السيارة جيدة مقابل السعر راحة ووسع المساحة الدخلية عن سابقتها الموديل السابق وحل مشكلة استهلاك البنزين وايضا تقدر تقرا تجارب الاعضاء فى قسم نيسان حتفيدك اكثر

[Dawns_Mist]

سيراتو شكل أفضل من جوه و من بره ..
توكيل نيسان أفضل ، لكن برضه توكيل كيا كويس
قوة الموتور و السحب ... ماعتقدش الفرق هيكون كبير .. لكن على السرعات العالية مع الفيتيس الجديد للسيراتو أعتقد السيراتو تتفوق
اعتمادية و قوة تحمل ... الصني القديمة كانت بتستحمل والله و صاجها و دهانها كان أفضل من السيراتو .. الجديدة لسه ماجربتهاش في الموضوع ده
قطع الغيار و الانتشار ... ماتقلقش .. كده كده الصني هتنتشر برضه و قطع الغيار هتغرق الدنيا و السعر هيكون معقول و متقارب بين الاتنين ..
كماليات السيراتو تتفوق ..

[S O P H O S]

انا بميل للصني
مع ان الكيا حلوة بردوا ..

[mazmoz_fadel]

سيراتو تتفوق بقوة في الشكل الخارجي و الداخلي .. يعني من الاخر اشيك كتير اوي من الصني
صني تتفوق في السعر و انظمة الامان من Abs , Ebd و ايضا النعومه في القياده لصالح عفشة الصني
عيوب السيراتو : شكل جديد اخر 2013 و بالتالي التأثير على سعر اعادة البيع ، عفشه ناشفه بشهادة ملاك كتير ليها
عيوب صني : شكل سئ و مقبول في بعض الاحيان ، تابلوه فقير و كاوتش سئ ( يمكن التغلب على معظم العيوب بانتظار الفئة الاعلى للصني )
ارشحلك الانتظار . لاني بجد محتار زيك . و فضلت استنى الفئة الاعلى للصني

[ahmed elsawy]

اجاباتكم وافيه جدا
جزاكم الله خيرا علي اهتمامكم و ردودكم