Elantra 2007 vs Proton Gen 2 2010

[virus2007]

ازيكم يا شباب

عاوز اعمل مقارنة بين الانترا 2007 تكيف تاتش اتوماتك

وبين الجين 2 2010 الهاى لين اتوماتك


انا عارف ان بروتون توكيلها سئ وقطع غيارها مش متوفرة بالشكل المطلوب بس المقارنة عاوزها كالتالى:


1- الاداء على الطريق
2- الاعتمادية وقلة الاعطال
3- الصالون
4- شكل التابلوة من جوة والاحساس بالرضا
5- الباور
6- قوة الفتيس
7- اعادة البيع "عارف ان اعادة بيع الهونداى اعلى طبعا بس الناس الى معاها بروتون يا ريت تقلنا لما جت تبيع الموقف كان اية"
8- قوة المتور
9- التسارع
10- حب العربية بعد الاستخدام " فى عربية تخليك زهقان وفى عربية بتبقى مش عاوزة تبيعها نهائى"
11- قوة التكيف مع المسافات الطويلة ووسط البلد والاستهلاك المتكرر
12- كفاية كدة اى حد عندوا اى نقطة اضافية ممكن يزودها

:) تحياتى ليكم ومنتظر ردودكم

[S O P H O S]

هو كركوبة وعلي الطريق اكيد الجين
انما الباقي والسهولة الهيونداي
لو النترا حالة نظيفة توكل علي الله
مجرد راي ..

[virus2007]

شكرا لردك بس ممكن تفصلى اكتر حسب الحاجات الى كاتبيها فى الموضوع :)؟

[S O P H O S]

شكرا لردك بس ممكن تفصلى اكتر حسب الحاجات الى كاتبيها فى الموضوع :)؟

انت تأمر يا فندم ..
_ النترا ماتور 1600 سي سي 16 صمام بقوة 121 حصان
_الجين ماتور 1600 سي سي 16 صمام بقوة 110 حصان
_نقطة الثبات في الطريق تكسب الجين2 فيها وبتميز ولوني شايف النترا معقولة لكن الجين يميزها الثبات علي الطريق بفضل نظام التعليق الخاص بيها ..
_كركوبة الجين طبعا وعلي الطريق هي هتكون مميزة فالنقطة دي ..
_قطع غيار وتوكيل النترا تتميز بكتير ولو التوكيلان ما يعلم بيهم الا ربنا ..
_سعر اعادة البيع النترا طبعا تتفوق بسبب ثقافة المشتري الجميلة ..
_حب العربية وسواقتها اعتقد الجين ممتعة فسوقتها بس التوكيل هو الي بيكرهك فالعربية ..
_نقط زي التكيف متقارب والباور والفتيس انا اعتقد انها متقاربين مع اني اميل هنا للهيونداي اكتر وطبعا علشان صوت علبة الدركيسون فالجين وده عيب سئ فيها للاسف ودي نقطة تحتاج تأكيد من الاخوة واتمني مكنش مخطئ فيها ..
_الصالون وشكل التابلوه دي مسألة ازواق انا بحب الجين ولون استخدام البلاستك فيه مش بالغرض المطلوب وبردوا النترا شايفه معقول فالنقطة دي ومرضي بالنسبة ليا ..

طبعا كل كلامي راي شخصي فقط
واي سؤال انا معاك
...

[Dawns_Mist]

السحب ، قوة الموتور ، الأداء :
العربيتين عن تجربة من 0 - 100 أوتو في 12 ثانية
لكن من بعد الـ 100 الجين تو هتكسب فرق تصميم بيتغلب على مقوامة الهوا و فيتيس متناسب مع الموتور أكتر

الباور :
الباور بتاع إلنترا ناعم و خفيف بزياااااااادة أوي أوي .. أنا بترعب منه على السرعات العالية
الباور بتاع جين تقيل شوية لكن بتسوق على 160 و انت سايب إيدك و بتاكل كشري ولا تقلق

الاتساع الداخلي :
إلنترا أوسع في الكنبة الخلفية

راحة الركاب و نعومة القيادة :
إلنترا أنعم ، و برضه طرية أكتر من الجين شوية

التعليق الخلفي :
الاتنين وصلات متعددة غير مستقل ... لكن جين تو أمتن بكتير .

كماليات :
جين تو أفضل في الكماليات

الشكل العام و شكل التابلوه :
جين تو أحلى بكتير في رأيي .. شكل التابلوه و الطارة و الكراسي الجلد و الفيتيس و العدادات .. في رأي مريحة نفسيا اكتر و تحسسك بشباب و قوة العربية أكتر .

سعر إعادة البيع :
هو الجين أقل من الهيونداي شوية .. لكن على فكره الجين مش واقعة زي مانت متخيل .. 2006 من جين تو مانيوال ماسكه 65 ألف سعر لحد دلوقتي مابتتحركش .. يعني بقى زيها زي البومة تقريبا و زيها زي الإلنترا 2006 .. بس المشكلة إن رجليها تقيلة شوية في البيع فعلا.

الفيتيس :
مشكلة الفيتيس مش في القوة يا أفندم .. هو متانة الفيتيس مهمة .. لكن الأهم هي الرشيوز بين التروس ، و توافق النسب دي مع الموتور و وزن العربية .... و ده بالتجربة اكتشفنا إن الجين تو أفضل زي ماقولت لحضرتك في التجميع على السرعات العالية أفضل من إلنترا ......... و الاتنين فيتيسهم مافيش فيه أي مشاكل ، ولا بينتش ولا غيره .

التكييف :
التكييف في العربيتين الاتنين بيأثر على السحب بطريقة ملحوظة طول مانت في حدود 2000 rpm .... مين فيهم التكييف الأقوى !!! أنا جربت تكييف الإلنترا كتير بصراحه ممتاز ... ماجربتش تكييف الجين تو قبل كده لكن ماحدش أبدا اشتكالي منه .. و عموما الجين تو كتقسيمة مكن زيها زي البومة بالظبط ، و كمان فيه قطع كتير مشتركة بينهم .. بالتالي أعتقد التكييف كفائته هتكون زي البومة ، و دي حاجة حلوة جدا.

[virus2007]

شكرا لردودكم المفيدة جدا

الراين رايحين ناحية الجين 2 بالفعل

طيب بالنسبة لدونس ويست انا شايف ان حضرتك من طنطا ... هل العربية دى معاك وهل في قطع غيار فى طنطا متوفرة ؟

[S O P H O S]

شكرا لردودكم المفيدة جدا

الراين رايحين ناحية الجين 2 بالفعل

طيب بالنسبة لدونس ويست انا شايف ان حضرتك من طنطا ... هل العربية دى معاك وهل في قطع غيار فى طنطا متوفرة ؟

العفو يا باشا
بس انا مش رايح للجين انا بعشق الجين2 كعربية
وكنت نازل اشتريها قبل كده لكن بصراحة اشتريت غيرها
ولو جي يوم هشتري عربية هاخد النترا مش الجين
ده في حالة اختيارات حضرتك المتاحة وبعد التجربة هتفتكر كلامي
الاثنين حلوين بس فمصر اختار النترا واريح بالي فكر واستخير ربنا علشان تعرف الخير فين
بالتوفيق اخي الكريم ..

[Dawns_Mist]

شكرا لردودكم المفيدة جدا

الراين رايحين ناحية الجين 2 بالفعل

طيب بالنسبة لدونس ويست انا شايف ان حضرتك من طنطا ... هل العربية دى معاك وهل في قطع غيار فى طنطا متوفرة ؟

العربية مع واحد صاحبي من 2006 و مطلعين عينها هو و اخواته ..
قطع الغيار في طنطا بالنسبة لتيل الفرامل و السيور و حاجات ميكانيكية كتير جدا جدا هي هي اخت الانسر .. و متوفرة جدا .... بالنسبة للفوانيس و المرايات و الذي منه ... موجود حاجات بسيطة مش كل حاجة لكن فيه هنا محلات وقت ماتحتاج حاجة بيعرف إزاي يجيبهالك ، لكن المشكلة إنك مجبر تشتري منه بالسعر اللي هيقولك عليه و كمان بالخامات اللي هيجيبهالك ... و هنا ده ممكن يسببلك مشكلة .. لو حضرتك في القاهرة هناك في شارع دمشق و أكتر من منطقة ناس متخصصين في البروتون .. لكن في طنطا مش كل حاجة موجودة و مع ذلك عندنا من الجين تو و البيرسونا 2012 مش أقل من 8 عربيات زيرو بشوفهم كل يوم .

[virus2007]

العفو يا باشا
بس انا مش رايح للجين انا بعشق الجين2 كعربية
وكنت نازل اشتريها قبل كده لكن بصراحة اشتريت غيرها
ولو جي يوم هشتري عربية هاخد النترا مش الجين
ده في حالة اختيارات حضرتك المتاحة وبعد التجربة هتفتكر كلامي
الاثنين حلوين بس فمصر اختار النترا واريح بالي فكر واستخير ربنا علشان تعرف الخير فين
بالتوفيق اخي الكريم ..

شكرا لردك ورايك المحترم :)

بس الى عاجبنى فى الجين 2 عن الانترا هى عوامل الامان عشان انا دايما على الطريق فى سفر فبصراحة لسة محتار بين الاتنين وبستخير اكيد

[virus2007]

العربية مع واحد صاحبي من 2006 و مطلعين عينها هو و اخواته ..
قطع الغيار في طنطا بالنسبة لتيل الفرامل و السيور و حاجات ميكانيكية كتير جدا جدا هي هي اخت الانسر .. و متوفرة جدا .... بالنسبة للفوانيس و المرايات و الذي منه ... موجود حاجات بسيطة مش كل حاجة لكن فيه هنا محلات وقت ماتحتاج حاجة بيعرف إزاي يجيبهالك ، لكن المشكلة إنك مجبر تشتري منه بالسعر اللي هيقولك عليه و كمان بالخامات اللي هيجيبهالك ... و هنا ده ممكن يسببلك مشكلة .. لو حضرتك في القاهرة هناك في شارع دمشق و أكتر من منطقة ناس متخصصين في البروتون .. لكن في طنطا مش كل حاجة موجودة و مع ذلك عندنا من الجين تو و البيرسونا 2012 مش أقل من 8 عربيات زيرو بشوفهم كل يوم .

شكرا لردك

انا عايش فى القاهرة فى 6 اكتوبر بس انا اصلا من طنطا فبنزل طنطا كتير واى حاجة بعملها فى عربيتى بتكون فى طنطا لان الصنيعية هناك افضل بكتير من القاهرة فعشان كدة بسالك قطع غيارها اخبارها اية :)

بالنسبة للصيانة هل لازم بيروحوا التوكيل فى القاهرة ولا بيعملوها عند صنيعية فى طنطا بردوا ؟

ولو تعرف حد فى طنطا بيبع جين 2 2009 او 2010 تكون حالتها ممتازة بلغنى :)

[S O P H O S]

شكرا لردك ورايك المحترم :)

بس الى عاجبنى فى الجين 2 عن الانترا هى عوامل الامان عشان انا دايما على الطريق فى سفر فبصراحة لسة محتار بين الاتنين وبستخير اكيد

العفو يا فندم
وحقيقي الجين تتفوق فعوامل الامان عن النترا
وان شاء الله تشتري الانسب والي فيها خير ليك اكتر ..