مقارنة بين هيونداي i30 و بيجو 307 !!

[mikydod]

لو سمحت انا عايز اعلرف مميزات وعيوب كل واحدة منهم

ومين الاحسن بالنسبة ليا مع العلم انا في جامعة وبسافر ومش بحب العربية يكون مشاكلها كتير

[S O P H O S]

هو اظن ركوبة بيقي البيجو وابوشن اعلي
انما انا بفضل الاي 30 مجرد راي شخصي
بالتوفيق ..

[mikydod]

ممكن حضرتك توضح اكتر سبب اختيار الاي 30

[Dawns_Mist]

أنا مجرب الـ 307 كتير لكن الـ i30 عارفها كويس بس ماجربتهاش زي البيجو
و أنا عن نفسي من وسط الميجان و الفوكس و الانسر و المازدا و الكورولا الـ 307 كانت أكتر عربية مكيفاني في كل حاجة بمعنى الكلمة .. و ماكانش ليها مشاكل .. لكن المشكلة في قطع الغيار و صعوبة الصيانة و التوكيل غالي !! و ده اللي خلاني اتخلى عنها :((
الـ i30 ماينفعش تتقارن بالـ 307 كركوبة و موتور و ثبات و كماليات و عزل و نعومة و كل حاجة ... لكن الـ i30 ممكن تكون عملية أكتر في قطع الغيار و الصيانة السهلة و مافيهاش شغل كهربا كتير فمش متوقع منها أي مشاكل في المستقبل ..
لكن انت لازم الأول تسأل عن قطع غيار البيجو و صيانتها .. ولو اطمنتلها و قدامك حاجة حالتها فبريكه توكل على الله ..

[mody3on]

لا دي ولا دي
ال i30 سوقها ضعيف وقطع غيارها مش رخيصة
وال 307 نفس الحكاية ولكن اعطالها كتيرة جدا
ستروين c4 احسن شوية من ال 307

[Dawns_Mist]

الـ c4 اختيار جميل برضه و قطع غيارها أرخص من البيجو
و فعلا الـ i30 سوقها وحش و ده يخليك تفقد أكبر ميزة في العربيات الكوري .. أنا ما شايف في الـ i30 مميزات كتير بصراحه

[S O P H O S]

الي خلاني اختار الاي 30 عنصر الصيانة مش لانها افضل فكل شئ
كركوبة وامان وكمليات بالطبع 307 لكن علشان احنا فمصر اخترت الاي 30
مجرد راي فقط ...

[mikydod]

شكرا لكل مشاركتكم

طب ممك اعرف اية عيوب البيجو غير قطع الغيار .. انا عارف انها غالية لكن معمرة لان والدي عندو بيجو

[mody3on]

شكرا لكل مشاركتكم

طب ممك اعرف اية عيوب البيجو غير قطع الغيار .. انا عارف انها غالية لكن معمرة لان والدي عندو بيجو

غالية ومش متوفرة ، اعطال كتير ومش اي حد يفهم فيها ، عفشتها بتبوظ كتير ، في حاجات كتيرة فيها تكنولوجيا وبتعلق وبتبوظ كتير ، الحاجات دي انت وحظك يعني لازم تكشف كويس اوي عالعربية وعلى كل حاجة فيها
بس ،
شكلها كويس وامان كويس واوبشن كويس ، بس تقيلة اوي وموتور ضعيف عالحجم ده وبرضه طويلة اوي ومش سهلة في الركن ( ال sw ) وضيقة من ورا شوية

[mikydod]

غالية ومش متوفرة ، اعطال كتير ومش اي حد يفهم فيها ، عفشتها بتبوظ كتير ، في حاجات كتيرة فيها تكنولوجيا وبتعلق وبتبوظ كتير ، الحاجات دي انت وحظك يعني لازم تكشف كويس اوي عالعربية وعلى كل حاجة فيها
بس ،
شكلها كويس وامان كويس واوبشن كويس ، بس تقيلة اوي وموتور ضعيف عالحجم ده وبرضه طويلة اوي ومش سهلة في الركن ( ال sw ) وضيقة من ورا شوية

طب ممكن اعرف نوع الاعطال .. وبعدين انا مش فاهم التكنولوجيا عيب ازاي ما هي معظم العربيات الحديثة فيها تكنولوجيا اعلي منها ومش بتبوظ

ولو انا اهتميت بيها ممكن دا يقلل نسبة الاعطال ولا لا

[mody3on]

طب ممكن اعرف نوع الاعطال .. وبعدين انا مش فاهم التكنولوجيا عيب ازاي ما هي معظم العربيات الحديثة فيها تكنولوجيا اعلي منها ومش بتبوظ

ولو انا اهتميت بيها ممكن دا يقلل نسبة الاعطال ولا لا

اه هي محتاجة حد يهتم بيها اوي اكتر من العربيات التانية شوية
اعطال في العدادات ، الكمبيوتر كده يعني

[ldsaklf]

i30 احنا عانينا من مشاكل ال307 وبالذات الفتيس

[Mohab.Nabil]

ولو انا اهتميت بيها ممكن دا يقلل نسبة الاعطال ولا لا

اى حاجة لو اهتميت بيها ادائها هيبقى افضل و مشاكلها اقل .. دا فى اى عربية مش البيجو بس

بص يا باشا البيجو و السى فور الاثنين اخوات شبه بعض فى كل حاجة تقريبا الا الشكل الخارجى و الشكل الداخلى

البيجو 307 معروف عنها انها مش اعتمادية للاسف و بالذات فى مصر بس ديه مشكلة عالمية فيها و انسى البيجو القديم مش هتلاقى اى عربية جديدة زى القديم فى الاعتمادية و ده عشان التكنولوجيا الجديدة فى اى حاجة طبيعى لما تزود الاوبشنز و التكنولوجيا فى اى عربية الاعطال تزيد لأن بدل ما عندك 10 حاجات ممكن حاجة فيهم تبوظ بقى فيه 100 حاجة ممكن تبوظ

لو مستغنى عن سعر اعادة البيع و تقدر تصرف عليها ( قطع غيار اصلية ) ارشحلك السى فور و هى نفس الـ 307 بس اعطالها اقل شوية

[dede_dodo88]

أنا مع أختيار الـi30 بس لما الشكل الجديد ينزل..
فيها شبه كبير أصلاً مع الـ307, و تعتبر النسخة الهاتشباك للألنترا فأعتقد قطع الغيار هتكون متشابهة بدرجة كبيرة..

[Mohab.Nabil]

أنا مع أختيار الـi30 بس لما الشكل الجديد ينزل..
فيها شبه كبير أصلاً مع الـ307, و تعتبر النسخة الهاتشباك للألنترا فأعتقد قطع الغيار هتكون متشابهة بدرجة كبيرة..

يا باشا الـ i30 الجديدة ديه اقل واجب هتنزل بـ 150 الف

انا شفتها برة بصراحة عربية شكلها اوروبى و تحس انها جميلة فعلا

شكلك متعرفش غبور