كرولا 2013 ولا النترا 2013 ...

[medotwo]

ياجماعة انا محتار بين العربيتين دول
بصراحة الالنترا تحفة فنية..بس الكل بيقولى كرولا ..اقوى وافضل امان ..وسعر اعادة البيع احسن .

ياريت الناس الى عندها خبرة بالسوق المصرى ..يقول مين الاحسن وخاصة سعر اعادة البيع لو بعد سنتين تلاته مثلا

[medotwo]

العربتين خليجى .

[CryptonX]

الكورولا حتتغير قريبا جدا... لو عايزها استناها رغم اني شايف انها بقت اقل من الالنترا بمنتهى الامانة ..

[mody3on]

الكورولا قديمة جدا من 2006 ، والامان مش اكتر ولا حاجة دي في النسخ القديمة بس ( الجنوب افريقي )
بصراحة مش شايف اي ميزة قوية للكورولا ، بس ممكن تفكر في الفوكاس احسن من الاتنين

[S O P H O S]

كورولا ..

[zangry]

لا دى ولا دى ان جيت للحق :d

بس انا شايف الالنتراا افضل

[lenasam]

كورولااا

[medotwo]

الكورولا حتتغير قريبا جدا... لو عايزها استناها رغم اني شايف انها بقت اقل من الالنترا بمنتهى الامانة ..

المفروض انها 2013

[medotwo]

محدش كلمنى على سعر اعادة البيع ..بعد سنتين ؟..نظامههم ايه ..

[Hossam_hassan4]

سعر اعاده البيع واحد تقريبا او نفس نسبه الخساره :)

[Dawns_Mist]

موتور الإلنترا أفضل في السحب
الكورولا ثباتها أفضل على الطريق
إلنترا كمالياتها أفضل
إلنترا كمان أوسع من جوه شوية من الكورولا
سعر إعادة البيع قريبين لبعض

* و أنا عن نفسي أستخسر أدفع فلوسي في العربيتين دول
الشارك برقبتهم ، المازدا برقبتهم ، الفليوانس برقبتهم ، الفوكاس برقبة أبوهم

[esam_ayad]

موتور الإلنترا أفضل في السحب
الكورولا ثباتها أفضل على الطريق
إلنترا كمالياتها أفضل
إلنترا كمان أوسع من جوه شوية من الكورولا
سعر إعادة البيع قريبين لبعض

* و أنا عن نفسي أستخسر أدفع فلوسي في العربيتين دول
الشارك برقبتهم ، المازدا برقبتهم ، الفليوانس برقبتهم ، الفوكاس برقبة أبوهم

طيب بالنسبه لسعر اعاده بيع الفورد فوكاس زيها زي الإلنترا أو الكرولا

[Dawns_Mist]

طيب بالنسبه لسعر اعاده بيع الفورد فوكاس زيها زي الإلنترا أو الكرولا

أكيد سعر إعادة البيع للفوكاس قليل و هتخسر فيها كتير ... لو موضوع إعادة البيع مهم أوي بالنسبة لك يبقى الكورولا أكيد أفضل حاجة بتمسك سعر في مصر ، و كمان عربية برضه جميلة و حلوة و مش هتزعلك أبدا .. و في رأيي أفضل من الإلنترا ..

[Land_Cruiser]

و لو انى متحيز لتويوتا بس اعتقد الفلوانس و الفورد الفوكاس احسن فعلا من الكورولا و الالنترا و بالنسبه للفلوانس سعر اعاده البيع بتاعها احسن من الفوكاس و فيها وسائل امان و توكيلها محترم وواسعه و اختيار ممتاز ابتداء من الفئه التانيه و انت طالع بس لو حضرتك المعيار الاساسى بتاعك سعر اعاده البيع هتلاقى الاختيار راح للالنترا . الكورولا حلوه بس ثباتها ما بيعجبنيش بصراحه و بحس انها ضيقه و الاقبال عليها مبقاش زى الاول لان كمالياتها قليله و شكلها ما اتغيرش من فتره طويله و سعرها عالى و كانت ظهرت فيها بعض المشاكل فى الموديلات السابقه فى الفتيس و بتعتمد فى جذب المستهلك على الماركه و انها يابانى متصنعه فى اليابان ومتجاهله الكماليات و الشكل الخارجى اللى هى الحاجات اللى بتجذب المستهلك بتاعنا

[esam_ayad]

و لو انى متحيز لتويوتا بس اعتقد الفلوانس و الفورد الفوكاس احسن فعلا من الكورولا و الالنترا و بالنسبه للفلوانس سعر اعاده البيع بتاعها احسن من الفوكاس و فيها وسائل امان و توكيلها محترم وواسعه و اختيار ممتاز ابتداء من الفئه التانيه و انت طالع بس لو حضرتك المعيار الاساسى بتاعك سعر اعاده البيع هتلاقى الاختيار راح للالنترا . الكورولا حلوه بس ثباتها ما بيعجبنيش بصراحه و بحس انها ضيقه و الاقبال عليها مبقاش زى الاول لان كمالياتها قليله و شكلها ما اتغيرش من فتره طويله و سعرها عالى و كانت ظهرت فيها بعض المشاكل فى الموديلات السابقه فى الفتيس و بتعتمد فى جذب المستهلك على الماركه و انها يابانى متصنعه فى اليابان ومتجاهله الكماليات و الشكل الخارجى اللى هى الحاجات اللى بتجذب المستهلك بتاعنا

علي فكره تويوتا كرولا 2012 اللي موجوده في الكويت مصنوعه في تايوان مش ياباني زي الأول.ماعرفش ايه ظروفها في مصر بقي.