رينو كليو ....... دايو لانوس

[Fouad Ezz]

إخواني الأعزاء ...
أرجو ألا تبخلو علي بالرد ....
عايز اشتري عربية وماندمش بعد كدة ... وكنت خلاص عقدت العزم علي دايو لانوس ... وبعدين (نظرا لتقارب السعر) بفكر في رينو لوجان ......
فأيهم .. افضل من جميع النواحي .... دام فضلكم

[sammor_28]

والله بص انا معايا كليو العربيه ممتازه بس الصيانه عاليه شويه بس بجد عربيه عمر طويل الحمد لله..
وبالنسبه للأمان والرفاهيه عاليه جدا وممتازه..بس سعر اعاده البيع مش اد كده..ومش اي حد يشتغل في العربيه لازم التوكيل..
الانوس طبعا غنيه عن التعريف قطع الغيار رخيصه ومتوفره وعمليه بس عمرها مش طويل واي حد بيشتغل فيها وسعر اعاده البيع جيد عن الرينو...
وانتظر رأي باقى الأخوه العضاء...وربنا ييسرلك امرك ويهديك للى فيه الخير

[Chicco]

باشا العربيتين كويسين و اثبتوا نفسهم في السوق
الكليو صيانتها أغلي من الانوس و صعب تعملها بره التوكيل و سعر إعادة البيع وحش
مقابل كده وضعية قيادة أفضل و أمان أعلى و توكيل أحسن و انتاجها مستمر
الحل تروح و تجرب الاتنين و تشوف مستريح لمين أكتر و بعدين وازن أولوياتك و توكل على الله
طبعا منتدى رينو و منتدى دايو فيه معلومات كتير يا ريت تبص عليهم
فينك يا باشمهندس عمرو .......مفتقدينك:)

[Fouad Ezz]

شكرا ... ياجماعة
اسف في خطا في المشاركة بتاعتي
انا اقصد المقارنة بين لانوس و ........... كليو وليس (لوجان)
كليووو
وياريت لو حد عندة صور للكليو 2008 أو لينك ليها

[MMamdouh]

Lanos beats the hell out of the Clio when it comes to service cost and resale value

MMamdouh

[Chicco]

يا ريت لو حد برضه يضيف استهلاك البنزين للاتنين .....يمكن تساعد الأخ الفاضل في الأختيار

[Fouad Ezz]

Lanos beats the hell out of the Clio when it comes to service cost and resale value

MMamdouh

Yeah ... but since the price is so close when compared: one is European for 73000 L.E and the other is Korean for 71000 L.E... i think it needs a little bit of reconsidering also because the lanos is gonna stop whereas the clio is still evolving and reshaping both the exterior and the interior designs...
plus>> I am not gonna sell it .. if it is OK with me.. resale might in the back of my mind right now>>>>
but you know? -- I know i am gonna take the lanos >>> i dont know why

[Mohtofy]

http://www.renault.com.eg/home_clio_classic_f2.html

دى لينك الرينو كليو خش وإتفرج عليها .... بجد عربية تحفة وأشيك من اللانوس بكتير !!!! بس ملهاش حظ مع المصريين ومظلومه فى مصر

[Mohtofy]

على فكرة الرينو كليو أكبر شنطة ممكن تلاقيها فى عربية سيدان فى مصر .... وتحدى دى مش شنطة دى مغارة على بابا ههههههههههه

[adhamsabry51]

عارفين يا جماعة العربية دي المشكلة الوحيدة فيها ان قعدتها ورا صعبه شوية يعني انا عندي واحد صاحبي عنده العربية دي و انا كنت راكب معاه
بس بصراحة و رغم ان انا ماليش اوي في العربيات بس حقيقي عربية محترمة و تقفيل ممتاز و صديقي مبسوط جدا من التوكيل بتاعهم و هو قال ان الصفيحة بتعمل معاه اسبوع و هو متوسط مشاويره يوميا مسافة كبيره يعني مثلا من المنشية للسيوف و سموحة و كده و هي بقالها معاه سنة و معملش فيها اي حاجة بخلاف الصيانة الطبيعية حقيقي انا احترمت العربية دي جدا اول اما ركبتها معاه يعني ماشاء الله اي بي اس و اير باج انا شايف انها سيارة ممتازه الصراحة

[Chicco]

http://www.renault.com.eg/home_clio_classic_f2.html

دى لينك الرينو كليو خش وإتفرج عليها .... بجد عربية تحفة وأشيك من اللانوس بكتير !!!! بس ملهاش حظ مع المصريين ومظلومه فى مصر

ألف شكر يا باشا على الرابط

[Fouad Ezz]

سبقتني يا دكتور .... بالشكر للأخ علي اللينك الجميل ...
وشكرا لمتابعتك الموضوع ... وكلكم ... كلكم زوق والله

[sarhan_game]

لانوس اه يا عم اللى عايز تشتريها ده يوم ما بعتها عملت فرح عفشتها بتدوب بعد 4 سنين و عمرها قصير