نيسان صنى اوتوماتيك 2013 أم كورولا 2007

[MSL]

السلام عليكم و رحمة الله و بركاته

بعد التعب فى حجز الصنى الجديده لقلتها
بدأت ابحث عن بديل لحد لما وصلت لنفس السعر تقريبا على الكورولا 2007 او 2006
فأيهم أفضل صنى 2013 زيرو أم كورولا 2007
فى نفس الفئه السعريه 100.000
و لا فى اختيار تالت ممكن حد يقولى عليه بنفس السعر

[MSL]

و ايه الفرق بين الكورولا 2007 ال 1300 و 1600
هل فى فرق فى الامكانيات و هل الاتنين فيهم abs
و بالنسبه للفائات فى الكورولا ازى اعرف الهاى لاين مثلا عن الفئه الاولى الاوتوماتيك

[hossam_elwani]

الجديد جديد واصبر

[abdulkhaleq]

بصراحه اسعار الكورولا الموديل ده مبالغ فيها جدا
هي عربيه حلوه ماقلناش لأ
بس لما يبقى سعر العادي بتاع السوق
اني الاقي واحده 2007 و 1300 cc اوتوماتيك وماشيه 130 الف والأفندي عايز 95 ألف
لأ خلليهاله يتصور جمبها
من الأخر بديلك حاجه زيرو زي الصني لو تحب, أو دور في مستعمل تاني :)

[S O P H O S]

بصراحه اسعار الكورولا الموديل ده مبالغ فيها جدا
هي عربيه حلوه ماقلناش لأ
بس لما يبقى سعر العادي بتاع السوق
اني الاقي واحده 2007 و 1300 cc اوتوماتيك وماشيه 130 الف والأفندي عايز 95 ألف
لأ خلليهاله يتصور جمبها
من الأخر بديلك حاجه زيرو زي الصني لو تحب, أو دور في مستعمل تاني :)

هنا بقي ثقافة المشتري
ويعرف ان الاحسن ليه زيرو
بس برضوا في ناس بتطلب اسعار معقولة شوية
وفي ناس تانية بصراحة بيقول فوق 100 الف كمان ..

[Dawns_Mist]

كورولا 2007 بـ 100 ألف ؟؟؟
يا جدعان إحنا في فجر يوم 25 رمضان مابلاش نخرج عن شعورنا بقى !!!

بص .. كورولا 2007 جميلة .. و أنا سوقتها كتير .. أصلا جوز أختي تاجر قطع غيار تويوتا .. مستور بتاع قطع غيار استعمال خارج .. بالتالي كل عربيات تويوتا هو متخصص فيها .. و كان معاه كامري ملاكي كمان .. فأنا بقول الكلام ده و أنا عارف يعني إيه كورولا 2007 كويس علشان ماحدش يقولي لما تجربها ابقى احكم ...

لو قارنت الكورولا 2007 بفئتها من العربيات ... هتقارنها بـ 2007 لانسر ، 2007 مازدا
تطلع الكورولا من وسطهم هي الأسوأ في الثبات
هي الأسوأ في السحب
لكن هي بصراحة ناعمة في السواقة .. و كمالياتها أفضل من الانسر 2007
بس برضه ده مايديهاش أي صلاحية تكون أعلى من لانسر و مازدا في السعر
قطع الغيار لانسر و كورولا زي بعض .. الاتنين معمرين و قطع غيارهم رخيصة !!
100 ألف في المستعمل بتجيب بيها ( شارك ، a5 هاي لاين ، جولف ، أوبل 2009 هاي لاين ، سيفيك 2008 هاي لاين ) تيجي إيه الكورولا 2007 جنب العربيات دي ؟؟؟
لييييييييييييييييييييييييييييييييييييييييييييييييي ييه 100 ألف جنيييييييييه ؟؟؟ هتشلللللللللللللل
إمال الشكل الجديد بكام في المستعمل ؟؟
شعب غبي متخلف ..

آسف علشان خرجت شوية بره المضمون بتاع المقارنة ...
بس الموضوع محسوم تماما .... صني أكيييييييييييد
و بعتذر لأي حد هيقول كورولا لإني بيني و بين نفسي كده أبصله بصه مش حلوه ... فياريت يسامحني مقدما

صني الجديدة موتورها أحسن من الكورولا 2007
شكلها جديد ( مع إني مش بحبه )
عربية زيرو ( و دي حط تحتها كام خط )
تكييف أقوى من الكورولا ( و اللي زعلان مني يجرب بنفسه )
عفشة محترمة و كماليات مناسبة

يا عم على افتراض إن العربيتين بنفس الإمكانيات ( لإن مستخييييل كورولا 2007 إمكانياتها تكون أحسن من الصني 2012 ... عن تجربة ) .. و دي زيرو و دي مستعمله .. و الاتنين بسعر واحد ... فين المنطق اللي ممكن يخليني أشتري المستعمل !!!!!!!

التجار هيقولولك 2007 من الكورولا الياباني دي ماتتكررش ... و بتمسك سعرها .. و شوية كلام زي الفل كده
لكن السواق اللي مجرب عربيات كتييييير و بيعرف يجيب آخر العربية و فاهم إمكانياتها و عارف في سوق قطع الغيار و فاهم في صيانة كل عربية منهم .. هيقولك كورولا 2007 اكتر من 75 ألف جنيه خسارة في أمها .........

[Dawns_Mist]

الجديد جديد واصبر

صحيح يا حسام باشا .. بما انك معاك نوبيرا و صني ..
مين احسن في السحب ؟

[ahmad--ezzat]

صحيح يا حسام باشا .. بما انك معاك نوبيرا و صني ..
مين احسن في السحب ؟

نوبيرا مين يعم دى بتجيب 100 فوقت فوق ال 15 ثانيه

[MSL]

كورولا 2007 بـ 100 ألف ؟؟؟
يا جدعان إحنا في فجر يوم 25 رمضان مابلاش نخرج عن شعورنا بقى !!!

بص .. كورولا 2007 جميلة .. و أنا سوقتها كتير .. أصلا جوز أختي تاجر قطع غيار تويوتا .. مستور بتاع قطع غيار استعمال خارج .. بالتالي كل عربيات تويوتا هو متخصص فيها .. و كان معاه كامري ملاكي كمان .. فأنا بقول الكلام ده و أنا عارف يعني إيه كورولا 2007 كويس علشان ماحدش يقولي لما تجربها ابقى احكم ...

لو قارنت الكورولا 2007 بفئتها من العربيات ... هتقارنها بـ 2007 لانسر ، 2007 مازدا
تطلع الكورولا من وسطهم هي الأسوأ في الثبات
هي الأسوأ في السحب
لكن هي بصراحة ناعمة في السواقة .. و كمالياتها أفضل من الانسر 2007
بس برضه ده مايديهاش أي صلاحية تكون أعلى من لانسر و مازدا في السعر
قطع الغيار لانسر و كورولا زي بعض .. الاتنين معمرين و قطع غيارهم رخيصة !!
100 ألف في المستعمل بتجيب بيها ( شارك ، a5 هاي لاين ، جولف ، أوبل 2009 هاي لاين ، سيفيك 2008 هاي لاين ) تيجي إيه الكورولا 2007 جنب العربيات دي ؟؟؟
لييييييييييييييييييييييييييييييييييييييييييييييييي ييه 100 ألف جنيييييييييه ؟؟؟ هتشلللللللللللللل
إمال الشكل الجديد بكام في المستعمل ؟؟
شعب غبي متخلف ..

آسف علشان خرجت شوية بره المضمون بتاع المقارنة ...
بس الموضوع محسوم تماما .... صني أكيييييييييييد
و بعتذر لأي حد هيقول كورولا لإني بيني و بين نفسي كده أبصله بصه مش حلوه ... فياريت يسامحني مقدما

صني الجديدة موتورها أحسن من الكورولا 2007
شكلها جديد ( مع إني مش بحبه )
عربية زيرو ( و دي حط تحتها كام خط )
تكييف أقوى من الكورولا ( و اللي زعلان مني يجرب بنفسه )
عفشة محترمة و كماليات مناسبة

يا عم على افتراض إن العربيتين بنفس الإمكانيات ( لإن مستخييييل كورولا 2007 إمكانياتها تكون أحسن من الصني 2012 ... عن تجربة ) .. و دي زيرو و دي مستعمله .. و الاتنين بسعر واحد ... فين المنطق اللي ممكن يخليني أشتري المستعمل !!!!!!!

التجار هيقولولك 2007 من الكورولا الياباني دي ماتتكررش ... و بتمسك سعرها .. و شوية كلام زي الفل كده
لكن السواق اللي مجرب عربيات كتييييير و بيعرف يجيب آخر العربية و فاهم إمكانياتها و عارف في سوق قطع الغيار و فاهم في صيانة كل عربية منهم .. هيقولك كورولا 2007 اكتر من 75 ألف جنيه خسارة في أمها .........

كلام منطقى و مقتنع بيه

بس كنت بحاول أصدق كلام التجار فعلاً الى بيقولو كورولا 2007 لن تتكرر زي كورولا 95 و الكريستاله 98 و كده يعنى

عموماً شكراً على الأراء و من الواضح ان تسليم الصنى ممكن يبقى لحد شهر 12 الجاى
فشكلى كده هرفع السعر شويه ممكن 115 و اجيب حاجه تانيه جديدة زيور أفضل

[Hossam_hassan4]

انت لو رفعت ل 115 ممكن تجيب باسات 2007 اكيد فرق شاسع !!!!

[hossam_elwani]

صحيح يا حسام باشا .. بما انك معاك نوبيرا و صني ..
مين احسن في السحب ؟

النوبيراا سحبها وحش ومع التكييف فى الطلعات وحشه جدا وبتنعر .. كنت لما اطلع بيها على سرعه بطيئه بطر انى اقفل التكييف خالص عشان تسحب بسلاسه


اما الصنى فلموديل الى معايا صنى 83 فتطلع بره التقييم الحديث تماما .. مع العلم ان سحبها ممتاز جدا الى يومنا هذا واتو كمان

[Dawns_Mist]

النوبيراا سحبها وحش ومع التكييف فى الطلعات وحشه جدا وبتنعر .. كنت لما اطلع بيها على سرعه بطيئه بطر انى اقفل التكييف خالص عشان تسحب بسلاسه


اما الصنى فلموديل الى معايا صنى 83 فتطلع بره التقييم الحديث تماما .. مع العلم ان سحبها ممتاز جدا الى يومنا هذا واتو كمان

ألف شكر على الرد أستاذ حسام ...
تعالى اسمع بنفسك يا باشمهندس أحمد ...
هاتلي بالله عليك كمان عمنا لانوس يسمع بنفسه أهه ..
الناس اللي تمتلك النوبيرا بتقول إيه بنفسها ..
الراجل بيفضل سحب الصني 83 على النوبيرا 2 أم موتور e-tec علشان بس ماحدش يقول عليا مجنون يا باشمهندس لما أقولك سحب النوبيرا مش حلو ...

* أنا بجد آسف على المداخلة السخيفة دي .. بس دي كانت معلومة جانبية عايز اتأكد منها من واحد من ملاك النوبيرا لايف ... بعتذر عن مقاطعة الموضوع

[S O P H O S]

الموضوع ابسط منه كده هو الكورولا احلي وجهة نظر
لكن لو فالموضوع يبقي الزيرو اولي بكتير
ويا جماعة الكورولا 2007 دي بجد جميلة
لكن سعرها يكفي انك تسبها وتمشي وتشوف عربية زيرو افضل
العملية مش صعبة للدرجة دي
والله اعلم ..

[Ultramisho]

عن نفسي مش ممكن اركب عربية ياعالم ممكن يكون هلكها واحد غيري وممكن اركب زيرو حتى لو فيرنا
بس في ناس بتحب المستعمل وتقولك كسر زيرو
كسر زيرو ايه ده تليين العربية أهم حاجة بتحدد عمرها وفيه ناس بتتعلم على عربيتها الجديدة شوف بقى
فمابالك 5 سنين استعمال

حبيت اقولك رأيي وربنا يوفقك في اختيارك

[MSL]

شكرا للجميع على الاراء كلها و التى استفدت منها كتير
انا كملت على الى معايا و جبت عربية تانية خالص
بعد ما استقريت على ان الزيرو يكسب حتى لو فئه او صناعه أأقل
و الحكد لله اشتريت بيجو 408 اوتوماتيك
العربية ما شاء الله عجبانى جدا