محتار بين الكيا والرينو والهيونداي ممكن تنصحوني ؟

[mostafa 2012]

السلام عليكم

كل عام وانتم بخير جميعا وعيد سعيد عليكم ان شاء الله :)

الصراحة انا اول مره في حياتي افكر اشتري عربيه ومحتار وطمعان واملي في ربنا كبير ان الاقي اللي يدلني من اعضاء نايل موتورز الكرام

وبصراحة واقع في حيرة بين 4 عربيات
رينو لوجان
رينو سانديرو
كيا بيكانتو
هيونداي أي 10

وبصراحة ميال اوي للسانديرو بس شوفتها فيديوهات لكن عمري ما شوفتها على الحقيقة فمش عارف هي شبه الهيونداي الماتريكس كده ولا اصغر وكمان انا غاوي الهاتش باك بصراحة

فالموضوع بقى عامل زي كأنك بتدور على عروسة وخايف تقدم رجل :d

فانتوا ايه رأيكوا يا جماعة اللي مجرب او عنده خبره بالموضوع ياريت يدلني ويبقى جزاه الله كل خير

[S O P H O S]

رينو لوجان
رينو سانديرو
قريبن من بعض فرق ان سانديرو هتشباك وعما افضل من بيكانتو والاي 10
من وجهة نظري
والله اعلم ..

[mostafa 2012]

رينو لوجان
رينو سانديرو
قريبن من بعض فرق ان سانديرو هتشباك وعما افضل من بيكانتو والاي 10
من وجهة نظري
والله اعلم ..

ربنا يباركلك يا باشا والله بتشجعنى اكتر على السانديرو :)

بس هل حجمها كبير زي الهيونداي ماتركس ولا اصغر لاني حاولت ادور عليها على الطبيعة كتير مش عارف اشوفها :d

[S O P H O S]

ربنا يباركلك يا باشا والله بتشجعنى اكتر على السانديرو :)

بس هل حجمها كبير زي الهيونداي ماتركس ولا اصغر لاني حاولت ادور عليها على الطبيعة كتير مش عارف اشوفها :d

هي حجمها كطول4020 --- وكعرض 1750
اما الماتركس طول 4025-الي 4060-- - وعرض 1740
يعني الاثنين زي بعض تقريبا
والله اعلم ...

[ayman1204]

عائلية رينو لوجان
شبابية سانيدرو

الاثنين واجهيتين لعمله واحدة

[Dawns_Mist]

مبدئيا أنا مش هتكلم أصلا عن الـ i10 لإنها في رأيي فئة أقل منهم بكتير .. حتى لو سعرها قريب

سانديرو - بيكانتو
سانديرو أفضل في قوة الموتور و العزم
بيكانتو أفضل في قطع الغيار
سانديرو صالونها أوسع
بيكانتو كمالياتها اكتر
سانديرو ثباتها و أمانها أفضل
بيكانتو سعر إعادة البيع أفضل

* في رأيي ( سانديرو ) مالهاش أي منافس أصلا في الفئة دي
و كمان التوكيل محترم جدا و قطع الغيار بدأت تنتشر لإن العربية عملت شغل كويس
أسوأ شيء في السانديرو .. إن الزجاج الخلفي يدوي !!!

[ahmedmohamed7]

مبدئيا أنا مش هتكلم أصلا عن الـ i10 لإنها في رأيي فئة أقل منهم بكتير .. حتى لو سعرها قريب

سانديرو - بيكانتو
سانديرو أفضل في قوة الموتور و العزم
بيكانتو أفضل في قطع الغيار
سانديرو صالونها أوسع
بيكانتو كمالياتها اكتر
سانديرو ثباتها و أمانها أفضل
بيكانتو سعر إعادة البيع أفضل

* في رأيي ( سانديرو ) مالهاش أي منافس أصلا في الفئة دي
و كمان التوكيل محترم جدا و قطع الغيار بدأت تنتشر لإن العربية عملت شغل كويس
أسوأ شيء في السانديرو .. إن الزجاج الخلفي يدوي !!!

السلام عليكم :)
مين قال ان السانديرو زجاج خلفى يدوى ؟ حضرتك غالبا بتتكلم عن الستب واى الى هى تعتبر فئة النصف كماليات بتاعت السانديرو علشان كده زجاحها الخلفى منفلة
خلاصة الكلام السانديرو الفل اوبشن زجاجها الامامى و الخلفى كهرباء ...... كمان السانديرو 2013 اصبحت مجهزة بمخرج usb فى الكاسيت و بلوتوث :) يعنى العربية دلوقتى بقت كاملة ماشاء الله :)
و زى ماحضرتك قلت فى نهاية كلامك مافيش منافس حقيقى للسانديرو فى الفئة ديه :)
يالنسبة لصاحب الموضوع انا معاا سانيرو 2011 مانوال ....عاملة دلوقتى 30 الف كيلو تقريب و الحمدلله كل تمام ....كنت كاتب تقرير عنها كده هدورلك عليه و ابعتهولك :) بالتوفيق ان شاء اللهه

[Dawns_Mist]

السلام عليكم :)
مين قال ان السانديرو زجاج خلفى يدوى ؟ حضرتك غالبا بتتكلم عن الستب واى الى هى تعتبر فئة النصف كماليات بتاعت السانديرو علشان كده زجاحها الخلفى منفلة
خلاصة الكلام السانديرو الفل اوبشن زجاجها الامامى و الخلفى كهرباء ...... كمان السانديرو 2013 اصبحت مجهزة بمخرج usb فى الكاسيت و بلوتوث :) يعنى العربية دلوقتى بقت كاملة ماشاء الله :)
و زى ماحضرتك قلت فى نهاية كلامك مافيش منافس حقيقى للسانديرو فى الفئة ديه :)
يالنسبة لصاحب الموضوع انا معاا سانيرو 2011 مانوال ....عاملة دلوقتى 30 الف كيلو تقريب و الحمدلله كل تمام ....كنت كاتب تقرير عنها كده هدورلك عليه و ابعتهولك :) بالتوفيق ان شاء اللهه

طيب كويس إنك طمنتني إنها إزاز كهربا كامل .. اللي شوفتها في المعرض الراجل كان بيقول عليها فل أوبشن و كانت زجاج خلفي يدوي .. عموما المعرض ده كان تبع المصرية للسيارات .. و المصرية معروف إنهم أكبر حرامية في البلد .. فممكن يكون الراجل اشتغلني ...

عموما تمام .. السانديرو اختيار ممتاز في رأيي لأي حد بيدور على حاجة عملية مناسبه في السعر ده فعلا ..

[SonaSteel]

انا رأي تعملك جمعية ضغننة وتجيبلك حاجة عالية شويه كسر زيرو

صني اوتو الشكل القديم

جين تو برده

تيدا

اوبترا اوتو

[ahmedmohamed7]

طيب كويس إنك طمنتني إنها إزاز كهربا كامل .. اللي شوفتها في المعرض الراجل كان بيقول عليها فل أوبشن و كانت زجاج خلفي يدوي .. عموما المعرض ده كان تبع المصرية للسيارات .. و المصرية معروف إنهم أكبر حرامية في البلد .. فممكن يكون الراجل اشتغلني ...

عموما تمام .. السانديرو اختيار ممتاز في رأيي لأي حد بيدور على حاجة عملية مناسبه في السعر ده فعلا ..

الفكرة انهم فى المعرض عايز يقنعك ان البضاعة الى عنده هى افضل بضاعة فى السوق و مافيش افضل منها علشام يجبرك تخلص من عنده و ميدكش فرصة تطلع تدور بره.......اسلوب رخيص ......

خلينا نكون صرحاء اسوء ما فى اللوجان او الساندير تصميم التابلوه و الكونصول :) انا مش عارف ليه كده :) يلا الحمدلله .
كل ستة و حضرتك طيب :)

[Samir Elshahawy]

أنا رايي تجيب الرينو السانديرو

و دي شوية صور للعربية :

[Shiemaa]

حضرتك جبت السانديرو ولا لسه

[ahmzd]

لوجان .. والله أعلم.