Opel Vectra or VW Jetta

[sabdullah65]

Can somebody provide some advices about Opel Vectra and VW Jetta (automatic) still did not decide which to get ... need advice please
SA

[Ahmad Allawy]

شوف يا باشا..
اكيد الجيتا اخسن بحكم ان فولكس فاجن كشركة في السوق العالمية اكبر و اقوي من اوبل..
بس ده لا يمنع اننا هنا في مصر الوضع مختلف شوية..
نتيجة ضعف التوكيل او خلينا نقول مشكلة في سياسة الشركة مع شوية تفكير غريب.. خلوا في مشكلة..
و التوكيل بقي مع انه كويس بس مش ملاحق و مش بيكروت.. يعني تقريبا مفيش ليه غير منفذ واحد بس في القاهرة كلها.. و برة القاهرة قليل جدا.. دي مشكلتها الوحيدة..
لكن النقطة دي نقطة قوة الاوبل ان توكيلها كويس و مستقر و ليه اكتر من فرع.. و في اكتر من وكيل كمان.. يعني اريح في النقطة دي..
الشكل بصراحة الجيتا افضل في نظري و الفيكترا الشكل ده خلاص مات برة.. وفي شكل جديد باسم جديد (انسينيا) نازل برة من 2009.. ماعتقدش انه هينزل في مصر قبل 2011 مثلا.. بس ممكن تحس انك راكب عربية شكلها قديم.. و غالبا الحيتا كمان ممن شكلها يتغير قريب 2009 بس برة..
الله اعلم بقي بينزلوا الاشكال الجديدة هنا ف مصر امتي..
لكن كعربيات.. اكيد الاتنين لا غبار عليكم..
الكلام اللي قولته ده اللي اعرفه.. و اكيد لو في حد من الاخوة عنده معلومات اكتر هيفيدك ان شاء الله
و اهم من كل ده حاجتين..
تسوق العربيتين.. و تشوف هترتاح لمين فيهم اكتر نفسيا..
و تستخير طبعا وده قبل اي حاجة و تشوف ربنا هيوفقك لأيه

[Mustafa_Farouk]

أنا مع كلام أحمد
تسوق أو تركب العربيتين.. و تشوف هترتاح لمين فيهم اكتر نفسيا..
التوكل والمراكز المعتمدة.
و تستخير طبعا وده قبل اي حاجة و تشوف ربنا هيوفقك لأيه
+ شوف إنت معاك كام، عشان كل واحدة من دول في كذا كاتجوري. يعني مثلاً لو حتجيب أول كاتجوري، قارن ما بين الأوبشن وشوف أنهي اللي فيه زيادة ممكن تستفيد بيها. د لو إنت الاثنين عجبينك.