مقارنة بين هوندا سيفك وفليشيا وش اوكتافيا

[medotenen]

السلام عليكم وكل عام وانتم بخير
انا عاوز اجيب عربية محترمة وناشفة وتستحمل فملقتش غير الفلشيا وش اوكتافيا وهوندا سيفك اتوماتك موديل (88/91)
محتار بنهم انا عاوز حاجة متتعبنيش في قطع غيارها وصيانتها اهم حاجة تكون منتشرة ومعمرة لاني مقبل علي جواز ومش عاوز حاجة اصرف عليها
وفي ناس بتنصحني بكيا برايد سيدان اتوماتك بس انا مش عارف الاتوماتك اخباره ايه معاها وخاصتا انها كوري ومديل قديم
انا اخري 35000 مش عاوز ازود جنيه مع العلم اني ميال للاتوماتك جدا لاني ساكن في فيصل والشوارع واقفة علي طول
واسف علي الاطالة بس لو سمحتم محدش يبخل عليا بيمعلومة

[mohamed_mesho3]

اولا عيوب كل واحدة كما يلى :
الفليشيا بتسخن , و مع الجو الحر دا و البلد اللى بقى جوها نار فكك منها مع انها عربية معمرة بس تكنولوجيا قديمة و هتبقى فاضية ( من غير كماليات يعنى )
السيفك الشكل دا بالذات اوطى موديل نزل فيها يعنى لو ركب معاك 3 غيرك هتتطبطب على اى مطب تقابله و قطع غيارها غالية اوى , اه معمرة بس غالية
البرايد عيبها تهالك قطع الغيار بسرعة و مع ان قطع الغيار رخيصة ف مش هتبقى مشكلة


نصيحتى ليك انك تدور على اكسيل نظيفة 1500 كاملة , المبلغ اللى معاك دا ممكن يجيبلك واحدة محترمة اوى و هتريحك , على الاقل عربية كاملة و ماسكة نفسها

[medotenen]

الف شكر علي ردك السريع
بس الاكسيل بحس انها بتخرب بسرعة وصجها ورق بمعنا الكلمة مشفتش واحة كبوتها حتي مفرود من غير نقر من كتر خفته
والبرايد بحس انها موفرة وحلوة بس بيقولوا سحبها بطئ
بصراحة انا احترت ومشعارف اعمل ايه

[M_Nabil]

ممكن تدور على تويوتا ستارليت أو جولف 2 عربيات جميلة وبتستحمل هو الاوتوماتيك قليل فيهم شوية بس موجود وفي حدود الميزانية بتاعتك

[amrelsaqqa]

زود حاجة بسيطة اوى وهات اكسينت نضيفة
وعندك الابيزا احسن من الفليشيا الف مرة وفي الرينج بتاعك

وبلاش اوتوماتيك في الرينج ده عشان هيبقى مشاكله كتير

[mohamed_mesho3]

طيب حضرتك احتياجاتك ايه فى العربية
يعنى عايزها كبيرة و لا عادية , عايزها قطع غيارها سهلة بس مش معمرة اوى و لا عايز قطع غيارها غالية اوى بس معمرة , و يفرق معاك الكماليات ( باور و تكييف و ازاز و كده )
حدد انت احتيجاتك ايه و فى السعر دا موديلات بالعبيط اوووووووووووى قول انت اغلب احتيجاتك بمنطقية و احنا معاك ان شاء الله

[S O P H O S]

زود حاجة بسيطة اوى وهات اكسينت نضيفة
وعندك الابيزا احسن من الفليشيا الف مرة وفي الرينج بتاعك

وبلاش اوتوماتيك في الرينج ده عشان هيبقى مشاكله كتير

+1111111111

[i_Am_Legend]

انصحك بفيا تمبرااا...او لو انت ركيييييب وغاوي...فولفو 240..ولا تقولي بقي اعطال ولا واطية ولا بتاع..دبابة حربية ماشية علي الارض..وحاجتها كلها عند الصباح..في فيصل..ودي نصيحتي ليك.

[medotenen]

شكرا علي ردودكم واراكم
وانا احتياجاتي التكيف اهم شئ لان الجو لا يطاق
وقطع الغيار عادي في المعقول متبقاش رخيصة قوي وتبوظ تاني يوم ومتكنش مولعة قوي مقدرش عليها
وانا بفضل الاتوماتك لان الشوارع واقفة ورجلي الشمال من الدبرياش بتبا خلصانة وعضلاتها كلها بتتشد

[mohamed_mesho3]

شكرا علي ردودكم واراكم
وانا احتياجاتي التكيف اهم شئ لان الجو لا يطاق
وقطع الغيار عادي في المعقول متبقاش رخيصة قوي وتبوظ تاني يوم ومتكنش مولعة قوي مقدرش عليها
وانا بفضل الاتوماتك لان الشوارع واقفة ورجلي الشمال من الدبرياش بتبا خلصانة وعضلاتها كلها بتتشد

يبقى البرايد السيدان الاوتوماتيك دى افضل حاجة فى السعر دا .. هى عربية مش بتاعة بهدلة اوى , بس معقولة و قطع غيارها حنينة و شغلها خفيف , بس مش بتاعة بهدلة , و هتاخد منها التكييف و الباور و الفتيس الاوتو و الازاز و كل الاوبشن ,, بس قطع غيارها مبستحملش بهدلة يعنى عايزة استخدام راقى شويتين , و هتعجبك ان شاء الله العربية دى