هوندا سيتى مستعمل 2009 ولأ رينو لوجان زيروووو2013

[jackson_75]

السلأم عليكم ورحمة الله وبركاته
أنا محتار وكنت عاوز نصيحتكم , هل أشترى هوندا سيتى بحالة جيدة مستعملة وتكون موديل 2009 أو 2010 ولأ أشترى رينو لوجان زيرو بريحة الفابريكة موديل 2013 ... على فكرة أنا سفرياتى كتير ما بين القاهرة وطابا ونويبع وتقريبا عايش معظم وقتى فى جنوب سيناء .
شاكر جداً لحضراتكم وكل عام وأنتم بخير.

[S O P H O S]

هو الزيرو زيرو وجميل
لكن لو السيتي بحاجة ممتازة الي حدا كبير انا اميل ليها هيا
مجرد راي فقط
والله اعلم
بالتوفيق ..

[Dawns_Mist]

السيتي كعربية أعلى من اللوجان طبعا و فيه فرق في الإمكانيات و الكماليات كمان ...
لكن المشكلة بس في الحالة اللي قدامك ..
لو حالة السيتي تمام .. توكل على الله لإنها في السفر أكيد أحسن بكتير من اللوجان ..
ولو حتى استقريت على اللوجان بإذن الله مش هتزعلك و هتوفرلك في المصاريف .. بس السيتي أعلى منها

[hugan]

اللو جان
اكثر انتشار
واكيد ليها مزايا الانتشار الكبيره
السيتي نادره جدا في الشارع
وطبعا ليها عيوب عدم الانتشار المعروفه
لكن لو ما يفرقش يبقي سيتي

[jackson_75]

شاكر جداً لحضراتكم ولأرائكم
طب انا كنت عاوز اعرف , الحالأت اللى بتبقى كويسة من الهوندا 2009 أو 2010 بتعمل كام لأن بصراحة النت فيه أسعار لأتتجاوب مع الواقع وأنا عاوز انزل وأتفرج فى سوق السيارات .يعنى مثلأ لو العربية هاتبقى فابريكة برة وجوة ومش محتاج مصاريف وماشية عدد كيلو مترات 70 ألف مثلأ بس اللى هيا البيزك( فئة أولى ) من غير جنوط ولأ تحكم فى التارة فهتعمل كام ؟!!
ولو بجنوط اصلى وتحكم فى التارة تعمل كام بردوا , وفين احسن مكان أكشف فيه عليها تبع التوكيل لأنى بصراحة ولأ أثق فى صنايعية ؟!!!

[jackson_75]

ياريت يا جماعة بعد أذنكم حد يرد على سؤالى الأخير ويدلنى

[ahmedeihab]

السيتى لو بحاله الزيرو اتكل على الله

لكن منصحكش بالوجان

^_^

[Y a r i s]

حبيب قلبي رغم اني تويوتاوي اصيل
لكن شهادة حق احاسب عليها يوم القيامة انا كان عندي اللوجن. واحب اقولك ان كفائة عربية ياباني مستعمله تسوى كفائة عربية رينو جديدة حتى يا اخي الماتريل تفرق الثبات يفرق. توفير البانزين يفرق. نوعية العزل الداخلي للصوت والحرارة والغبار والتلوث تفرق في الهوندا اركب وسك القزاز. تفصلك تماما ً عن العالم الخارجي. شغل تكيفك في الهوندا واسحب بطنية وناااااااااااااااااام وغفلك ساعتين براحتك ياريس في اللوجن القعدة ناشفة وحرارة بتيجي من نحت التابلوة وشبابيك قزاز ضعيفة
في الهوندا قطع الغيار بتعيش وتعيش وتتوارثها الاجيال. في الرينوا. قطع غيارها عادية جداً وسعرها بنفس اسعار قطع غيار الياباني. فبعد ده كلوا .... لو عاوز تشم ريحة الفبريكة اشتري لوجن. وهيا يومين هتشم فيهم ريحة الفبريكة. وبتروح مع اول سوجارة هتولعها في العربية وتشم روائح غريبه عجيبة.

الثبات ذات نفسوا بيفرق. جامد في الهوندا هتسوق على ١٢٠ و١٤٠ وانتا سايب الدريكسيون. او مسكو بطراطيف صوابعك
في اللوجن هتحضن الدريكسيون. وتمسكو بايدك واسنانك ورجلك وتبقى سايق على اعصابك
في الهوندا لمن تبقى مدايق او زهقان كفاية ياباشا تاخود بيها لفه تجدد من معنوايتك وترفعها
في اللوجن هتنزل منها وتقول ياااااااا ساتر اخيراً وصلت دي البلد بقت فظيعه والعيب مش في البلد طبعاً
لان البلد معيوبه من زمان هههههههه

@@@@@@@@@
ده حتى لمن يكون راكب معاك ناس. وتيجوا توصلوا مشواركوا وتسك القزاز وتقول يالله يا جماعه ننزل
في الهوندا هتلاقي الي جمبك يطمطع ويقلك لا رووحوا انتوا وانا هستناكوا في العربية خلوني قاعد شوية
في اللوجن هتبص تلاقي كل الي معاك وانتا في نص الشارع وقبل ما تركن فتحوا الاربع ابواب ونزلوا جررررررري وتقعد ياعيني تقولهم يا جماعه استنوا مش كده اصبروا عليا شوية لحد ما اركن العربية. وهكذا ياباشا.
@@@@@@@@@@
حتى شوف مسحات الامامية للوجن الجديدة الي بتمسح القزاز. نصوا وتسيب نصو. وتيجي تضرب رشاش. المية تبص تلاقي العربية الي وراك بتزمرلك وتقولك ايه يا عم غرقتنا. هههههههههههههه. وشوف رشاشات ومسحات الهوندا. ومساحت الرؤيا في العربيات القديمة. فهتلك هوندا قديمة ياباشا برقبت عربية فيرنا ولا لوجن ولا لانوس جديدة وتحياتي

[jackson_75]

يا أستاذ ميدو أنا مش عارف بصراحة أشكرك ازاى على الصيغة الحلوة والكلأم الجميل اللى أنت كاتبوه ده . فعلأ الكتابة والأبداع ده موهبة من عند ربنا .. أنا والله حسيت أنى امتلكت الهوندا وقعدت فيها ومستمتع بسواقتها من كلأمك. أشكرك وكل سنة وحضرتك وكل الأخوة الأفاضل المشاركين معانا فى الموضوع بخير .طب أنا كنت عاوز أسأل ( الحالة الكويسة من الهوندا موديل 2009 أو 2010 تعمل كام وسؤالى عن البيزك والهاى لأين

[M_SALLAM]

هو المفروض يعنى ان الزيرو زيرو و احسن كتير من المستعمل و انا عندى اركب سيات زيرو و مركبش مرسيدس مستعملة ..

بس برضو الهوندا ركوبة و اللوجان ركوبة تانية خالص و لكن لو الهوندا ضامنها و بحالة الزيرو تبقى طبعا افضل من اللوجان لكن لو مش ضامننها بلااااااااااااش و افتكر انى قولتلك بلاش لأن العربيات دى لما بتخرب بتقول عليها يا رحمان يا رحيـــــــــــــــم و بتغلب فى قطع غيارها و هتلاقى بلية اصلا مش فاهم فيها حاجة و لو حبيت تبيع العربية هتلاقى سوقتها تقيــــــــــــــــــــــــــل جدا جدا جدا و مش هتجبلك فلوس ..

رأيى لوجان زيرو افضل و لو عاوز مستعمل خوش فى لانسر بوما يا معلم عربية وش و عندك برضو شفرليه اوبتا و بتمن اللوجان تجيب انضف اوبترا فى السوق و انضف لانسر بوما فى السوق ..

و بعدين ميـــــــــــــــــــــــــــــــــــدو بيقول كلام مش واقعى خالص و بيغويك فى الهوندا علشان متحيز لها جدا و كمان علشان عربية و دة بيعتبر انحياز و عدم الواقعية فى الكلام ....

[Y a r i s]

وانتا طيب ياباشا وربنا يوفقك يارب
وبعيدن يا باشمهندس سلام حبيب قلبي هو انا. هغويه ليه هو انا شيطان لا سمح الله ههههههههه
ولا هيا كانت الهوندا بتتصنع في مصنع جوز خالتي. ههه ، لا بجد بجد الياباني ملهوش تاني. .... وصلي بينا على حبيبك النبي انتا راجل عندك العربيتين مثلاً مثلا ً عندك هوندا قديمة. وعندك لوجن جديدة وتخيل كده .... لمن تيجي طالع سفرية هتختار تركب انهووو محتاج عربية تستحمل السفر والبهدلة. وثابته على الارض وكراسيها مريحة. يبقى هتركب الهوندا طيب تعاله مثلاً مثلا. رايح تشتري وتجيب شيكارتين اسمنت هتاخود انهي عربية. هتيجي تقول اللوجن لا ضعيفة وجديدة حرام ابهدلها. بس الهوندا سوستها يباني وتستحمل. فهتاخود الهوندا .... رايح مثلاً تقابل ناس مهمين هتاخود الهوندا شياكة واناقة. ودلع ولا هتاخود اللوجن اكيد علشان بريستيجك هتاخود الهوندا وتنزل منها باشا كدة. واول ما تفتح الباب ولا قبل ما تفتح الباب تلاقي البواب قام فز من مكانوا وفتحلك الباب ويقولك حمدالله على السلامة ياباشا حمدالله على السلامة ياباشا وهو بيديك تعظيم سلام كمان في اللوجن مش هتلاقي البواب قام من مكانوا اساساً ولا اتع تع. من على الدكة الي قاعد عليها

اللوجن كبينتها واسعه. بغباء .... وتلاقي العيال قاعدين بيلعبوا ورة وبيحدفوا بعض بالجزم. وكل شوية بابا ده شتمني بابا ده قرصني بابا ده زغزغني .... في الهوندا هتبص تلاقي كل عيل قاعد نايم متسدح ورى على الكنبة وفي سابع نومة حتى لاحظ اي سواق تويوتا ولا هوندا لمن بيجي ياعيني يوصل البيت يقعد يصحي في العيال ورى. بابا اصحى يا حبيبي اصحي لا ياحبيبي وصلنا خلاص. والواد مش راضي يصحى خالص ومفيش قدامك غير انك تشيلوا على كتفك بخلاف اللوجن الي اول ما توصل البيت تلاقي العيال فتحت الابواب وده جري هنا وده جري هناك وانتا عمال ياعيني تنده عليهم خود يا واد. تعالي هنا يا بت

اللوجن الكلكس بتعها عقيم محطوط في دراع الاشارة وتقعد تدور عليه بخلاف الهوندا .... فتحت شبابيك القزاز الكهربا في الهوندا سريعه في اللوجن بطيئة وتحس انك هتتشل. عقبال مابيقفل. التصميم الديناميكي للعربية الهوندا بخلاف تصميم صندوق للوجن .... في الهوندا تخش البانزينة تفتح التنك وانتا قاعد باشا من جوا في اللوجن لازم تخلع المفتاح من الكونتك

وكزالك الحال في الشنطة .... طيب بلاش كل ده صوت المتور في اللوجن بيقعد يجعر وانتا ماشي .... في الهوندا مش عاوز اقولك يادوبك بتسمع صوت المتور وهو بياخود نفسو على ال ١٢٠

وبعدين انتا هتجيب عربية مستعمله بقرشين. ولمن تبيعها بعد سنة سنتين هتبيعها بنفس التمن او هتقل منها شويتين. في اللوجن الجديد. لو جبتها وعلقت نمر تيجي تبيعها هتخسر فيها ٥٠٠٠ جنيه وش ده غير مصاريف الترخيص ولو مشيت فيها شوية. زود ١٠٠٠٠ جنيه تمن استهلاك يعني تجيب العربية ب ٧٠.٠٠٠ جنيه

تيجي تبيعها هتبيعها بحاجة وخمسين. لكن الهوندا انتا جايبها مستعمله وهتبيعها مستعملة مخسيرتش حاجة غير مصاريف صيانتها

اقول كمان ولا كفاية هههههههههههه

في قطع الغيار لمن تيجي تشتري اي حاجة. غاليه مثلاً مثلاً ب٦٠٠ جنية هتقول عادي اصلها ياباني لكن في الرينو لمن تجيب حاجة ب ٦٠٠ جنيه هتقول. ينهرررررررررر. ازرق ليه انشاء الله. .... هيا مارسيدس .

الفرنساوي لمن يفتح بوقوا هتفكر تبيعوا وتزحلقوا ولمن يسئلوك هتقول اصلها فتحت بقها .... لكن الياباني برحتوا يامعلم يفتح بوقوا وصدروا كمان. يستاهل .... ومفيش حد هيقولك بعها بقه وغير وهتلك عربية جديدة لانك ابسط كلمه هتقولهالوا دي ياباني وبرقبت الجديد كلوا .

وفي الختام. لو عاوز تجيب هاتلك تويوتا هههههههههههههه. اوعه حد يضرب ههههههههه
بس بجد التويوتا يارس افضل من الهوندا من حيث توفر قطع الغيار وسهولة الصيانة .
وعربية بسم الله مشاء الله تمتعك ....
@@@@@@@@
وتحياتي

[M_SALLAM]

وانتا طيب ياباشا وربنا يوفقك يارب
وبعيدن يا باشمهندس سلام حبيب قلبي هو انا. هغويه ليه هو انا شيطان لا سمح الله ههههههههه
ولا هيا كانت الهوندا بتتصنع في مصنع جوز خالتي. ههه ، لا بجد بجد الياباني ملهوش تاني. .... وصلي بينا على حبيبك النبي انتا راجل عندك العربيتين مثلاً مثلا ً عندك هوندا قديمة. وعندك لوجن جديدة وتخيل كده .... لمن تيجي طالع سفرية هتختار تركب انهووو محتاج عربية تستحمل السفر والبهدلة. وثابته على الارض وكراسيها مريحة. يبقى هتركب الهوندا طيب تعاله مثلاً مثلا. رايح تشتري وتجيب شيكارتين اسمنت هتاخود انهي عربية. هتيجي تقول اللوجن لا ضعيفة وجديدة حرام ابهدلها. بس الهوندا سوستها يباني وتستحمل. فهتاخود الهوندا .... رايح مثلاً تقابل ناس مهمين هتاخود الهوندا شياكة واناقة. ودلع ولا هتاخود اللوجن اكيد علشان بريستيجك هتاخود الهوندا وتنزل منها باشا كدة. واول ما تفتح الباب ولا قبل ما تفتح الباب تلاقي البواب قام فز من مكانوا وفتحلك الباب ويقولك حمدالله على السلامة ياباشا حمدالله على السلامة ياباشا وهو بيديك تعظيم سلام كمان في اللوجن مش هتلاقي البواب قام من مكانوا اساساً ولا اتع تع. من على الدكة الي قاعد عليها

اولا: اللهم صلى و سلم و بارك على نبينا محمد اشرف الخلق و على اله و صحبه و سلم ..
ثانيا: انا مش بقول انك شيطان لا سمح الله ولا حاجة هو كل اللى فى الموضوع شوية تحيز يعنى علشان انت راكب هوندا عندك شوية تحيز لعربيتك شوية .
ثالثا: و بالنسبة بالنسبة للسفر و البهدلة لو انا واحد من الناس هختار اللوجان ليــــــــــــــــــــه ؟!
علشان العربية عالية عن الأرض و لا يمكن تحك فى اى مطب و كمان عفشتها مجهزة للطرق الواعرة و كمان العربية واسعة بغبــــــــــــــــــاء فبالتالى هتريحنى و تريح الأسرة و مش هيقعدوا مكبسين فوق بعض و سيبك من كل دة كفايا شنطتها 510 لتر ما شاء الله و ينام فيها فيل و كبعا انت عارف السفر محتاج شنطة كبيرة ازاى ..
رابعا: و بالنسبة لموضوع شكائر الأسمنت اللى مش عارف ايش دخلها فى الموضوع و انا عمرى محط فى عربيتى شكارة اسمنت واحد دة انا حتى بحط السمك فى الشنطة و انا خايف ليبوظ ريحة العربية حضرتك متتخيلش انا بحافظ على العربية اللى راكبها قد ايه بس على العموم انا هعيش و اتعايش مع خال حضرتك الوهمى و هاخد لوجان عالرف ليه ؟!
علشان عالية جدا عن الأرض و لا يمكن تحك فى اى مطب خصوصا ان شنطتها واسعة بشكل ملحوظ و بعكس الهوندا تماما اللى بتكح و هى فاضية فما بالك و حد راكب فيها او فيها شكائر اسمنت !!!


اللوجن كبينتها واسعه. بغباء .... وتلاقي العيال قاعدين بيلعبوا ورة وبيحدفوا بعض بالجزم. وكل شوية بابا ده شتمني بابا ده قرصني بابا ده زغزغني .... في الهوندا هتبص تلاقي كل عيل قاعد نايم متسدح ورى على الكنبة وفي سابع نومة حتى لاحظ اي سواق تويوتا ولا هوندا لمن بيجي ياعيني يوصل البيت يقعد يصحي في العيال ورى. بابا اصحى يا حبيبي اصحي لا ياحبيبي وصلنا خلاص. والواد مش راضي يصحى خالص ومفيش قدامك غير انك تشيلوا على كتفك بخلاف اللوجن الي اول ما توصل البيت تلاقي العيال فتحت الابواب وده جري هنا وده جري هناك وانتا عمال ياعيني تنده عليهم خود يا واد. تعالي هنا يا بت

اة صحيح واضح ان كرتون الأطفال مسيطر عليك كتيــــــــــــــــر ههههههههههههههههه ... انا بهزر معاك طبعا اوعى تزعل منى بس على فكرة العكس تماما يعنى لما تكون العربية واسعة بغباء فبالتالى الأولاد هيقعدوا مستريحين فبالتالى هيناموا مستريحين من طول المشوار بعكس الهوندا العيال قاعدين فوق بعض فبالتالى كل شوية الولد هيقولك بالبا دة زنقنى بابا خليه ينزاح شوية اوووووووووووووف و الحوارات دى و العيال متصدق انها وصلت و هيـــــــــــــــــــــــه هيــــــــــــــــــه وصلنا لأنهم مقرفين من القعدة المنحفضة و الضيقة فى نفس الوقت ..

اللوجن الكلكس بتعها عقيم محطوط في دراع الاشارة وتقعد تدور عليه بخلاف الهوندا .... فتحت شبابيك القزاز الكهربا في الهوندا سريعه في اللوجن بطيئة وتحس انك هتتشل. عقبال مابيقفل. التصميم الديناميكي للعربية الهوندا بخلاف تصميم صندوق للوجن .... في الهوندا تخش البانزينة تفتح التنك وانتا قاعد باشا من جوا في اللوجن لازم تخلع المفتاح من الكونتك

و بالنسبة لموضوع مكان الكلاكس و الزجاج فدة بايخ بس مع التعود هيبقى سهل جدا و اعتقد ان وحدات رفع اللوجان كويسة ولا هى سريعة اوى ولا هى بطيئة اوى و ممكن العربية اللى انت ركبتها يكون فى مشكلة فى وحدات الرفع بتاعتها مثلا و بالنسبة للتنك فدة وسيلة امان ا سيدى علشان فى جمع الدول الأوروبية المحترمة مينفعش تفول و المفتاح جوة العربية و بعدين يا اخى مش لازم انزل يكفينى ادى المفتاح للراجل و اقوله فول 92 لو سمحت و يستحسن انزله علشان ميبقاش مجال للتعالى على الخلق ..


وكزالك الحال في الشنطة .... طيب بلاش كل ده صوت المتور في اللوجن بيقعد يجعر وانتا ماشي .... في الهوندا مش عاوز اقولك يادوبك بتسمع صوت المتور وهو بياخود نفسو على ال ١٢٠

بالنسبة لصوت الموتور معاك ان صوت موتور الهوندا اوطى و ان السحب افضل كتير بس ارجع برضو و اقولك ان اللوجان عربية عائلية و اقتصادية جدا فى البنزين و بتستهلك 8 لتر لكل 100 كيلو و صوت الموتور مش زى مـــــــــــ انت فاكر طبعا ...


وبعدين انتا هتجيب عربية مستعمله بقرشين. ولمن تبيعها بعد سنة سنتين هتبيعها بنفس التمن او هتقل منها شويتين. في اللوجن الجديد. لو جبتها وعلقت نمر تيجي تبيعها هتخسر فيها ٥٠٠٠ جنيه وش ده غير مصاريف الترخيص ولو مشيت فيها شوية. زود ١٠٠٠٠ جنيه تمن استهلاك يعني تجيب العربية ب ٧٠.٠٠٠ جنيه

تيجي تبيعها هتبيعها بحاجة وخمسين. لكن الهوندا انتا جايبها مستعمله وهتبيعها مستعملة مخسيرتش حاجة غير مصاريف صيانتها

اقول كمان ولا كفاية هههههههههههه

على فكرة انا اللوجان جبتها من الطارق اسماعيل بـــــــــــــ 69 و بعتها بعدها بـــــــ 8 شهور و اقسم بالله انها جابتلى 65000 جنيه بس كنت مركبلها فرش جلد و ارضية جلد و دلايات و شوية اكسسورات و ترخيص 3 سنوات و كدة يعنى ...

في قطع الغيار لمن تيجي تشتري اي حاجة. غاليه مثلاً مثلاً ب٦٠٠ جنية هتقول عادي اصلها ياباني لكن في الرينو لمن تجيب حاجة ب ٦٠٠ جنيه هتقول. ينهرررررررررر. ازرق ليه إن شاء الله. .... هيا مارسيدس .

لأ يا معلم هقول عادى اصلها رينو فرنساوى و قطع الغيار معمرة جدا و للعلم قطع الغيار بتاعة اللوجان اغلى من الفيرنا و الانوس بنسبة 15% بس بتعيش اكتر و انا اصلا بشترى عربية زيرو علشان تقعد معايا على الأقل 6 سنوات من غير مغير فيها مسمار ...

الفرنساوي لمن يفتح بوقوا هتفكر تبيعوا وتزحلقوا ولمن يسئلوك هتقول اصلها فتحت بقها .... لكن الياباني برحتوا يامعلم يفتح بوقوا وصدروا كمان. يستاهل .... ومفيش حد هيقولك بعها بقه وغير وهتلك عربية جديدة لانك ابسط كلمه هتقولهالوا دي ياباني وبرقبت الجديد كلوا .
الكلام دة على الميجان مثلا على السينك لكن اللوجان اقتصادية كدة و غير مقعدة تماما و بشهادة الأعضاء ...

وفي الختام. لو عاوز تجيب هاتلك تويوتا هههههههههههههه. اوعه حد يضرب ههههههههه
بس بجد التويوتا يارس افضل من الهوندا من حيث توفر قطع الغيار وسهولة الصيانة .
وعربية بسم الله مشاء الله تمتعك ....

الياريس دى مع احترامى لها و لكل ملاكها عربية لعبة و بتعوف و ضعيفة و خفيفة جدا يعنى عاوزة بنوتة تتعامل معاها ..

اة صحيح نسيت ارد على موضوع المقابلة و الناس المحترمين انا طبعا لو معايا رينو مش هتردد لحظة طبعا و هخودها كفايا العلامة العريقة اللى معايا اللى تسوا ملاين ^_*
@@@@@@@@
وتحياتي

تحياتى ليك يا باشا و كل عام و انت بحير ^_^

[ahmedmohamed7]

لا حول ولا قوة الا بالله
هو احنا خلاص بقينا شعب تفكيره متدنى للدرجه ديه ؟
ده حتى المميزات قلبها عيوب :)

[Y a r i s]

حبيب قلبي يا باشا مهندس سلام امتعني رد حضرتك
احب انا الناس الي بتتناقش بالعقل والمنطق .... وباسلوب متحضر تسلملي يا غالي
بس ملحوظة ضغنططة كده هو. بدون ماحد يضربني هههههههه انا مش من ملاك الهوندا انا كنت من ملاكها بس الان انا اسير حب وعشق التويوتا بجميع انواعها وموديلاتها وفئتها ....
@@@@@@@@@
كما احب ان اسجل اعجابي. واشيد بمدى حب ملاك اللوجن للوجن
بس عاوز اقول كلمتين. هو الانسان ايه غير تاريخ .... ودائماً التاريخ يعيد نفسه
في سنة من السنين شركة رومانية تحالفت مع شركة فرنسية
ونزلوا في مصر هنا عربية تحفه اسمها داتشيا رينوا
الناس جريت عليها واشتريت بالذات لمن كانوا مقدمين حبت تسهيلات من الي قلبك يحبها ونظام قسط
وياعيني كان اكبر ضحية للموضوع ده سواقين التوكوسة الكل اشترى من هنا وكانوا مبسوطين اخر حلاوة
وابتدت الاعطال من هنا .... والناس الغلابة ابتدوا يجروا ورى الشركة الي بعتلهم العربية لكن دون اي جدوى
وبقوا يا عيني مش عارفين يسددوا الاقساط ولا يدفعوا الضرايب الي عليهم ولا التامينات ولا يصلحوا عربياتهم
وكان اكبر مقلب خدوه المصريين في تلك الايام هيا العربية الداتشيا
@@@@@@@@@@@@@@
الان وبعد مر السنين. رجعت لنا الداتشيا بالشكل الجديد
ماعلينا
تعاله بقة نشوف عيوب العربية الحقيقية :
١- مشكلة حرارة تاتي للكبينة الداخلية من اسفل التابلوووووه .
في ناس حسيت بالمشكلة دي واعترفت الشركة بيها ، ومع ذلك في ناس كزبت المشكلة دي وقالت مش صحيح اما انهم مبيحسوس اساساً والحرارة بالنسبة لهم شيء عادي او اما انهم مشويرهم على قد القد يعني يادوبك يطلع من المهندسين للعجوزة ويرجع ههههههه .
المهم بعض الاخوة الافاضل عماليين يخترعوا افتكاسات ويوجدوا حلول لمشكلةالحرارة الي مش عاوزة تنتهي دي ، وكم تمنيت بدل ما يدافعوا عن العربية انهم يوقفوا ايد وحده قدام الشركة ويطالبوها بتعويضات .... لكن تقول لمين !
واخر المتمة عربيات جديدة بقت تلغي خط السخن بتاع التكييف لكن اشك ان المشكلة بتنحل. تماماً
طبعاً واحد هيقولي ايه يعني لمن حرارة تخش جوا الكبينة
هقولوا لا ابداً ولا حاجة مفهاش حاجة ابداً غير انك بتنزل مستوي من العربية او نص سوى هههههه
٢- بالنسبة لشكارتين اسمنت حبيت تشيلهم في عربيتك ولا حتى شنط سفر ، حضرتك انتا لو واحد بس ركب ورى على الكنبة الي ورى تسمع صوت اييييييييء وتزيق جي من المساعد طبعاً التوكيل العبقري اخترع حل للمشكلة دي انو يفك السوسست ويحطها جوا عازل او يلف عليها خرطوم علشان متسمعش تزييق السوسست يا حبيبي والله وانا بكلمك على عربية جديدة زيروا وتقدر ساعتك تروح اي معرض رينوا وجرب تركب ورى واسمع صوت التزييء بنفسك .
٣- واحد ايضاً من اعضاء نايل موترز كان رايح الساحل الشمالي ومش فاكر بالزبط اتقطع عندوا سلك الدبرياج او الفرامل مش فاكر المهم. اكتشفنا ان الاسلاك المهمة دي مصنوعه من ماديت البلاستيك واقر ملاكها بذالك .
٤- عربية جيدة المفروض في بعض الاجزاء بتيجي حته وحده. لكن العتب بتعها جي على حتتين. يعني متلحم واي حد مبيفهمش في السمكرة. يقدر يشوف اللحام ظاهر. وجلي حتى باللليل يعني انا هشتري عربية عتبتها متلحمه. والناس بتقولك عادي. ماشي عادي .
٥- حتت الثبات ناس كتير اختلفت عليها ناس بتجادل وتقولك ثابته وناس عقلانية بتقولك مش. ثابته .... ده انا بستغرب بعض الانتحاريين من الشباب الصغير جربوا يسوقوها على ١٦٠ و١٨٠ كمان .... وهيا اساساً اساساً متقدرش تعمل بيها مناورة على ١١٠ علشان تفادي قفص يوستفاندي واقع على الدريق ولمحتوا انتا فجئة قدامك يعني لو لفيت او كسرت الدريكسيون فجئة. ممكن تتقلب لاقدر الله
٦- قطع غيارها مش اغلى من الدايو او الفيرنا بنسبة ١٥٪ لا ابداً حضرتك قطع غيارها. توازي سعر قطع غيار الياباني ( يارس او هوندا سيتي )
٧- زاوية ميل البرفريز الامامي غير ديناميكية بالمرة وطول مانتا ماشي جميع الحشرات في الطريق تتفعص على القزاز قدامك ( عدم اللمؤخزة)
٨- مساحات العربية الامامية غير متناسبة مع حجم البرفريز . ولا يغطي اكثر من ٥٠٪ وسرعتها ايضاً لاتتناسب مع المطر وتعد بطيئة وغير عملية .
٩- مقاومتها للهواء. .... كبيرة جداً ومش انسيابية .
١٠- صوت ضجيج المتور عالي جداً ( كراكة امامك ) مش متور. <عدم اللمؤخزة > ومع احترامي الكامل للسيارة ولكل مالكيها .
١١- دخول نسبة من العادم داخل الكبينة. .... والدلليل مدى اتساخ السقف الداخلي لها من داخل الكبينة بخلاف العربيات الاخرى .
١٢- اماكن ازرار الشبابيك في اماكن غريبة عجيبة يصعب الوصول اليها الا بالتعود .
١٣- سرعة فتح وقفل الشبابيك بطيئة جداً بخلاف العربيات الكوري والياباني والالماني .
١٤- لو راكب العربية ومش قافل السينتر لوك ممكن اي حد وانتا واقف في الشاراة يفتح الشنطه ويخطف اي حاجة منها ويجري لان زرار فتح الشنطة ورى في الشارع .
١٥- نظام تشفير الحماية بتاع مفتاح الكونتاكت اونطة في اونطة .... انا اتجديت واد في الحرفين انوا يشغلها من غير مفتاح اتحديتوا على اتنين عناب. وقالي هشغلها بمفك. وحتت موس قطر وقلتلوا بشرط. انك متكسرش اي حاجة ولا تخربها وفعلا فك العلبة البلاستيك الي تحت الدريكسيون بالمفك وعمل قفلة مع سلكين الكونتكت بالقطر ولف عليه شريط اللحام. وقالي يالله بأه انا ماشي وهخود لفة بالعربية عقبال ما توصي على اتنين عناب ههههههههههههه. بس وحياة ابوك خلي الواد يجبهم ساقعين .
١٦- لايوجد فيها بور نهائي .... ولا بور .... ولا هاف بور ..... ولا ربع بور حتى . بس هما بيقولك بور علشان تتباع .

مميزتها :
١- سعر مناسب جداً جداً لاي اسرة مصرية .
٢- مناسبة جداً لشوارع مصر ومطبتها وبلعتها لانها عالية بغباء .
٣- واسعه جداً من الداخل ( الكبينة )
٤- شكلها الى حد ما شيك ومعقول .
٥- شنطتها واسعه جداً وتوازي شنة المارسيدس والاكوتفيا بس لاهيا مارسيدس ولا اكوتافيا .
٦- فيها واحد اير باج يتيم .... بس في الهوندا عندك اتنين ايرباج. .... وايرباج ايرباج حقيقي يعني حبت مخدات تبقى نفسك تفتحهم تنام عليهم. وتغفلك حبه كده .
&&&&&&&&&&&&&&&&&&&&
كده بقه انا عرضت كل عيوبها عن تجربة وعرضت مميزتها
ممكن نختلف في اشياء وممكن نتفق في اشياء
لكن مما لا شك فيه انها عربية ممتازة لاي اسرة مصرية. وبتشكل تنوع في السوق
لكن انا كاخ لكم بقول ليه نطلع فلوس مصر برة مصر طيب مانجيب عربية. ياباني مستعملة مثلاً
( هوندا ستي او تويوتا يارس او ديهاتسو سيريون. او نيسان صني )
اي عربية من دول حتى لو كانت مستعملة فكفائتها توازي كفائة عربية لوجن جديدة بل قد تكون اكفئ واحسن
والاربع عربيات دول انا جربتهم واستخدمتهم وطحنتهم. ومقالوش حتى اي ولا فتحوا بوقهم
مش عاوز اقولك من كام شهر كنت رايح اجيب شوية خلطات للحمام لقيت حتت دين عربية يارس متجنطة
فجي اسئل صاحبها انتا جبت الجنوط الحلوة دي منين
اتضح انو وا سباك وشاري العربية علشان الشغل ومحمل عليها مواسير. وسيراميك وبلاوي زرقه
ههههههههههههههه. جايبها علشان الشغل سبحان الله وكلينها ولعه الساباكيين .
€€€€€€€€€€€€€€€€€€€€
اوعه حد يزعل من كلامي او يفتكر اني متحامل على العربية لا لا اطلاقاً
وانما بقول كلامي. عن تجربة شخصية وتجربتي الفردية
وطبعاً رايكم احترموا واقدروا واشيلوا على العين وعلى الراس
!!!!!!!!!!!!!!!!!!!!!!!!!!!
حبايب قلبي جميعا ً
وتحياتي وكل عام وانتم بخير

[M_SALLAM]

حبيب قلبي يا باشا مهندس سلام امتعني رد حضرتك
احب انا الناس الي بتتناقش بالعقل والمنطق .... وباسلوب متحضر تسلملي يا غالي
بس ملحوظة ضغنططة كده هو. بدون ماحد يضربني هههههههه انا مش من ملاك الهوندا انا كنت من ملاكها بس الان انا اسير حب وعشق التويوتا بجميع انواعها وموديلاتها وفئتها ....

اكيـــــــــــــــــــد طبعا التويوتا معروفة من زمان و عربيات محترمة جدا و عندك عربيات بتنافس الفانتازيا و الجيتا و هى التويوتا كـــــــــــــــــــاميرى ..

@@@@@@@@@
كما احب ان اسجل اعجابي. واشيد بمدى حب ملاك اللوجن للوجن
بس عاوز اقول كلمتين. هو الانسان ايه غير تاريخ .... ودائماً التاريخ يعيد نفسه
في سنة من السنين شركة رومانية تحالفت مع شركة فرنسية
ونزلوا في مصر هنا عربية تحفه اسمها داتشيا رينوا
الناس جريت عليها واشتريت بالذات لمن كانوا مقدمين حبت تسهيلات من الي قلبك يحبها ونظام قسط
وياعيني كان اكبر ضحية للموضوع ده سواقين التوكوسة الكل اشترى من هنا وكانوا مبسوطين اخر حلاوة
وابتدت الاعطال من هنا .... والناس الغلابة ابتدوا يجروا ورى الشركة الي بعتلهم العربية لكن دون اي جدوى
وبقوا يا عيني مش عارفين يسددوا الاقساط ولا يدفعوا الضرايب الي عليهم ولا التامينات ولا يصلحوا عربياتهم
وكان اكبر مقلب خدوه المصريين في تلك الايام هيا العربية الداتشيا

عند حق شركة داشيا فعلا من افشل شركات صناعة السيارات فى العالم ... افشل من الادا وحياتك و اتفق معاك فى هذا الأمر ..


@@@@@@@@@@@@@@
الان وبعد مر السنين. رجعت لنا الداتشيا بالشكل الجديد
ماعلينا

فعلا اللوجان بتنزل فى رومانيا و المغرب بأسم داشيا ..
فى مصر و السعودية باسم رينــــــــــــــــــــو ..
فى امريكا الجنوبية نيســــــــــــــــــــان ابريو ..
فى الهند باسم ماهيندرا لوجـــــــــــــــــــان ..
فى ايران توندار 90 ..

و طبعا هى اسماء تجارية محببة فى كل بلدة من بلدان العالم و لكن بيبقى مكتوب على فبريكة العربية made by renault ....


تعاله بقة نشوف عيوب العربية الحقيقية :
١- مشكلة حرارة تاتي للكبينة الداخلية من اسفل التابلوووووه .
في ناس حسيت بالمشكلة دي واعترفت الشركة بيها ، ومع ذلك في ناس كزبت المشكلة دي وقالت مش صحيح اما انهم مبيحسوس اساساً والحرارة بالنسبة لهم شيء عادي او اما انهم مشويرهم على قد القد يعني يادوبك يطلع من المهندسين للعجوزة ويرجع ههههههه .
المهم بعض الاخوة الافاضل عماليين يخترعوا افتكاسات ويوجدوا حلول لمشكلةالحرارة الي مش عاوزة تنتهي دي ، وكم تمنيت بدل ما يدافعوا عن العربية انهم يوقفوا ايد وحده قدام الشركة ويطالبوها بتعويضات .... لكن تقول لمين !

عندك حق و اتفق معاك تماما فى سخونية فعلا جوة العربية و لكن بتحس بيها لما تمشى لمسافات طويلة يعنى من هنا للقاهرة مثلا او من هنا لمطروح و هى مش زى مـــــــــــــــ انت فاكر بتسلق جوة العربية لأ هى شخونية بسيطة و لكن ملحوظة و مع تشغيل المكيف بتنتهى تماما و عن تجربة و على فكرة المشكلة لا يوجد ليها حل و لكن اتعلجت فى الأوتو ..

واخر المتمة عربيات جديدة بقت تلغي خط السخن بتاع التكييف لكن اشك ان المشكلة بتنحل. تماماً
طبعاً واحد هيقولي ايه يعني لمن حرارة تخش جوا الكبينة
هقولوا لا ابداً ولا حاجة مفهاش حاجة ابداً غير انك بتنزل مستوي من العربية او نص سوى هههههه

لسة متكلم فى الكومنت السابق و لا تعليــــــــــــــــــــــــــق ..

٢- بالنسبة لشكارتين اسمنت حبيت تشيلهم في عربيتك ولا حتى شنط سفر ، حضرتك انتا لو واحد بس ركب ورى على الكنبة الي ورى تسمع صوت اييييييييء وتزيق جي من المساعد طبعاً التوكيل العبقري اخترع حل للمشكلة دي انو يفك السوسست ويحطها جوا عازل او يلف عليها خرطوم علشان متسمعش تزييق السوسست يا حبيبي والله وانا بكلمك على عربية جديدة زيروا وتقدر ساعتك تروح اي معرض رينوا وجرب تركب ورى واسمع صوت التزييء بنفسك .
٣- واحد ايضاً من اعضاء نايل موترز كان رايح الساحل الشمالي ومش فاكر بالزبط اتقطع عندوا سلك الدبرياج او الفرامل مش فاكر المهم. اكتشفنا ان الاسلاك المهمة دي مصنوعه من ماديت البلاستيك واقر ملاكها بذالك .

معاك فعلا لما بتكون رافع الهاند بريك و فى ناس كتير لسة بيركبوا ورا بتسمع صوت تزيق لكن غير كدة لأ و انا فعلا حصل معايا موضوع التزيق بسبب انى غسلت العربية بالجاز من تحت و لما روحت للتوكيل رعبولى حتى خرطوم صغيرة 10 سم من فوق و تحت فى كل ياى من الأمام فقط لكن من الخلف مفيش مشاكل و على العموم اهى المشكلة اتحلت و بعدين هى مش مشكلة هو صوت مستفز و اتحل و الحمد لله ...

و بالنسبة لواير بتاع البنزين و الدبرياج هيبقى على سيلك باستيك ازاى يعنى ناقص تقولى دة على خيط صـــــــــــــــــــــــــــوف !!!

الدبرياج على واير عادى زى بقيت العربيات و بينى و بينك كدة افضل مكون على حساس لأن الأسبرانزا فيها عيب فى الفتيس بسبب ان الدبرياج على حساسا و لازم تعدى الـــــــــــــــــ 4 rbm و انت بتنقل علشان متحسش بخشونة الفتيس و حوارات كدة و لكن ما عليانا خلينا فى موضوعنا احسن ...


٤- عربية جيدة المفروض في بعض الاجزاء بتيجي حته وحده. لكن العتب بتعها جي على حتتين. يعني متلحم واي حد مبيفهمش في السمكرة. يقدر يشوف اللحام ظاهر. وجلي حتى باللليل يعني انا هشتري عربية عتبتها متلحمه. والناس بتقولك عادي. ماشي عادي .

باشا الحتة دى فى اخر العتبة من الخلف لسهولة فك الرفرف الحلفى لو اتخبط جامد مثلا و هتلاقى فوق فى السقف حتة لحام و دة علشان بقى سهل تفوره و تلحمه تانى و على فكرة موجود فى النيسان صنى و اهو يا سيدى المناقشة فادتك بنقطةن مكنتش تعرفها ههههههههههههههه ..


٥- حتت الثبات ناس كتير اختلفت عليها ناس بتجادل وتقولك ثابته وناس عقلانية بتقولك مش. ثابته .... ده انا بستغرب بعض الانتحاريين من الشباب الصغير جربوا يسوقوها على ١٦٠ و١٨٠ كمان .... وهيا اساساً اساساً متقدرش تعمل بيها مناورة على ١١٠ علشان تفادي قفص يوستفاندي واقع على الدريق ولمحتوا انتا فجئة قدامك يعني لو لفيت او كسرت الدريكسيون فجئة. ممكن تتقلب لاقدر الله
٦- قطع غيارها مش اغلى من الدايو او الفيرنا بنسبة ١٥٪ لا ابداً حضرتك قطع غيارها. توازي سعر قطع غيار الياباني ( يارس او هوندا سيتي )

الثبات جميل جدا لغاية 160 بعد كدة لازم تكون ماسك الطارة بأيدك الأتنين بس برضو بتبقى ثابتة و راسية على الطريق جدا و اكيد طبعا محدش يعرف ياخد غرزة على الطريق على الـــــــــــــــ 110 دة اسمه انتحار راسمى فاهمى ناظمى فاوزى ...

و قطع الغيار ارجع و اقول انها اغلى من الانوس و الفيرنا بنسبة 15 % و قد كلمتى لأنها كانت عربيتى وحافظ كل شبر فيها ..


٧- زاوية ميل البرفريز الامامي غير ديناميكية بالمرة وطول مانتا ماشي جميع الحشرات في الطريق تتفعص على القزاز قدامك ( عدم اللمؤخزة)

ملاحظتش الموضوع دة نهـــــــــــــــــــــــــــــــائى ..

٨- مساحات العربية الامامية غير متناسبة مع حجم البرفريز . ولا يغطي اكثر من ٥٠٪ وسرعتها ايضاً لاتتناسب مع المطر وتعد بطيئة وغير عملية .

خلاص يا عم لو مديقاك اوى كدة غير مساحات الموضوع مش معضلة كيميائية يعنى ههههههههههههههه .

٩- مقاومتها للهواء. .... كبيرة جداً ومش انسيابية .
١٠- صوت ضجيج المتور عالي جداً ( كراكة امامك ) مش متور. <عدم اللمؤخزة > ومع احترامي الكامل للسيارة ولكل مالكيها .

اختلف معاك تماما ... لأن وزن العربية 980 كيو و عربية بالوزن دة خفيفة جدا و المفروض انها تبقى ريشة على الطريق و تعوم بسرعة جدا و لكن اللى مدى ثبات كبير للعربية التصميم الزكى و الأنسيابى من شركة رينو العريقة ..
و الموتور والله عادى جدا مش كراكة خــــــــــــــــــــــــالص ..

١١- دخول نسبة من العادم داخل الكبينة. .... والدلليل مدى اتساخ السقف الداخلي لها من داخل الكبينة بخلاف العربيات الاخرى .

دة علشان لون السقف ابيض و انت عارف ان الألوان دى مش بتنفع فى ملدك خصوصا الجل و الكريمات اللى بتتحط فى الشعر اللى بتبقع السقط و الولد الصغير بيبقى ايده مليانة شكولاتة و تلاقيه عمال يمكسك فى السقف هههههههههههههههههه ..


١٢- اماكن ازرار الشبابيك في اماكن غريبة عجيبة يصعب الوصول اليها الا بالتعود .

اتكلمنا فيه قبل كدة و معروف مش حاجة جديدة يعنى ..

١٣- سرعة فتح وقفل الشبابيك بطيئة جداً بخلاف العربيات الكوري والياباني والالماني .

اتكلمت برضه فيه قبل كدة ..

١٤- لو راكب العربية ومش قافل السينتر لوك ممكن اي حد وانتا واقف في الشاراة يفتح الشنطه ويخطف اي حاجة منها ويجري لان زرار فتح الشنطة ورى في الشارع .

عندك حق و علشان كدة انا كنت فاصل السنتر عن الشنطة ..

١٥- نظام تشفير الحماية بتاع مفتاح الكونتاكت اونطة في اونطة .... انا اتجديت واد في الحرفين انوا يشغلها من غير مفتاح اتحديتوا على اتنين عناب. وقالي هشغلها بمفك. وحتت موس قطر وقلتلوا بشرط. انك متكسرش اي حاجة ولا تخربها وفعلا فك العلبة البلاستيك الي تحت الدريكسيون بالمفك وعمل قفلة مع سلكين الكونتكت بالقطر ولف عليه شريط اللحام. وقالي يالله بأه انا ماشي وهخود لفة بالعربية عقبال ما توصي على اتنين عناب ههههههههههههه. بس وحياة ابوك خلي الواد يجبهم ساقعين .

كدب .... كدب ... كدب ... كدب لأن العربية فيها امبولايزر و مستحيل رينو تخاطر بسمعتها علشان عربية رخصة زى اللوجان ..

١٦- لايوجد فيها بور نهائي .... ولا بور .... ولا هاف بور ..... ولا ربع بور حتى . بس هما بيقولك بور علشان تتباع .

بالفعل العربية مش باور العربية هـــــــــــــــــــــــــاف باور بس مدى ثبات محترم جدا على الطريق ولا انت عاوزنها زى الألنترا باور خفيف ريشة و الثبات زفت على الطريق بعد الــــــــــــــ 120 !!!!!!!!!!!!

مميزتها :
١- سعر مناسب جداً جداً لاي اسرة مصرية .
٢- مناسبة جداً لشوارع مصر ومطبتها وبلعتها لانها عالية بغباء .
٣- واسعه جداً من الداخل ( الكبينة )
٤- شكلها الى حد ما شيك ومعقول .
٥- شنطتها واسعه جداً وتوازي شنة المارسيدس والاكوتفيا بس لاهيا مارسيدس ولا اكوتافيا .
٦- فيها واحد اير باج يتيم .... بس في الهوندا عندك اتنين ايرباج. .... وايرباج ايرباج حقيقي يعني حبت مخدات تبقى نفسك تفتحهم تنام عليهم. وتغفلك حبه كده .

هو فى اير باج حقيقى و اير باج هزار يعنى مثلا الأير باج اللى عندك لو حصل حادث تكطلع بسرعة و تلحق و انا الأير باج بتاعتى بعد الحادث اقعد اصحيها و اقولها اطلعى يا حلوة ... اطلعى يا بيضة ههههههههههههههههههه و بعدين انا مش خاف مننها لأنها انتاج شركة رينو العريقة ...

&&&&&&&&&&&&&&&&&&&&
كده بقه انا عرضت كل عيوبها عن تجربة وعرضت مميزتها
ممكن نختلف في اشياء وممكن نتفق في اشياء
لكن مما لا شك فيه انها عربية ممتازة لاي اسرة مصرية. وبتشكل تنوع في السوق
لكن انا كاخ لكم بقول ليه نطلع فلوس مصر برة مصر طيب مانجيب عربية. ياباني مستعملة مثلاً
( هوندا ستي او تويوتا يارس او ديهاتسو سيريون. او نيسان صني )
اي عربية من دول حتى لو كانت مستعملة فكفائتها توازي كفائة عربية لوجن جديدة بل قد تكون اكفئ واحسن
والاربع عربيات دول انا جربتهم واستخدمتهم وطحنتهم. ومقالوش حتى اي ولا فتحوا بوقهم
مش عاوز اقولك من كام شهر كنت رايح اجيب شوية خلطات للحمام لقيت حتت دين عربية يارس متجنطة
فجي اسئل صاحبها انتا جبت الجنوط الحلوة دي منين
اتضح انو وا سباك وشاري العربية علشان الشغل ومحمل عليها مواسير. وسيراميك وبلاوي زرقه
ههههههههههههههه. جايبها علشان الشغل سبحان الله وكلينها ولعه الساباكيين .
€€€€€€€€€€€€€€€€€€€€
اوعه حد يزعل من كلامي او يفتكر اني متحامل على العربية لا لا اطلاقاً
وانما بقول كلامي. عن تجربة شخصية وتجربتي الفردية
وطبعاً رايكم احترموا واقدروا واشيلوا على العين وعلى الراس
!!!!!!!!!!!!!!!!!!!!!!!!!!!
حبايب قلبي جميعا ً
وتحياتي وكل عام وانتم بخير