Tweet
اعضاء منتدي نايل موتورز الكرام كل عام وانتم بخير
محتار في عربية من التلاتة دول
:اوبترا 2007-2008
النترا 2007-2008
صني 2007-2008
كلهم اوتوماتيك في حدود مبلغ من 70 - 74 الف
ترشحولي انهي عربية في دول وشكرا لردكم مقدما
تحياتي
-
:
اوبترا 2007-2008
النترا 2007-2008
صني 2007-2008
كلهم اوتوماتيك في حدود مبلغ من 70 - 74 الف
ترشحولي انهي عربية في دول وشكرا لردكم مقدما
تحياتي
[CENTER][IMG]http://www.nilemotors.net/Nile/eyesweb1_color/post/eyesweb1.gif[/IMG]
[B][SIZE=3][COLOR=Blue]Dr.mango 2008 [/COLOR][/SIZE][/B]
:36_1_37[1]:
[/CENTER] -
خليك فى الصنى اكثرهم اعتماديه و توكيل محترم بشهاده ملاكها
و لو الكورى و اليابانى نفس السعر اشترى اليابانى طبعا
بس لو انت مرتاح لعربيه اكثر من الثانيه اشتريها علشان متندمش نفسك
و فى جميع الاحوال اعمل استخاره و ربنا يوفقك للخير -
النترا او صنىComment
-
خليك فى الأوبترا لأنها اريح و اوسع من الصنى لأن عفشة الصنى ناشفة اوى و بلاعة بنزين و الكنبة الخلفية ضيقة جدا ...Comment
-
بالنسبة ليا الصني افضل
وتيجي بعدها الالنترا
والله اعلم ..Comment
-
صنى ثم اوبترا ثم الانترا[COLOR=black]Y2Y1500 سابقا[/COLOR]Comment
-
التلات عربيات دول أنا مجربهم كتير جدا .. و تقريبا مافيش أسبوع غير و أسوق واحده فيهم ...
لو أوتو ... يبقى سحب الصني ممتاز ، بعديه سحب الإلنترا ، و الأوبترا سحبها في الأوتو أقل منهم ..
العفشة و قوة التحمل ... الصني وحش بس مش طرية زي الإلنترا و الأوبترا ..
الصالون ... إلنترا هي الأوسع من الداخل ، بعدها الأوبترا بعدها الصني .. بس الفروق مش كبيرة خالص زي مانت متخيل .. يعني برضه الصني بتاخد 5 أشخاص مستريحين ، لكن مشكلة الأطوال هي اللي بتعمل أزمة أحيانا مش أكتر ..
الاعتمادية و الصيانة .. الصني عمرها مازعلتني ... الإلنترا هي الأسوأ .. أوبترا في العادي يعني ..
الثبات و الأمان .. برضه الصني ماتتقارنش بيهم خصوصا لو طقم جنوط 16 عريض .. أوبترا أفضل من إلنترا ..
* أنا لو مكانك هفكر في الصني أكيد ... و مدام قدامي اختيار مضمون مش هجرب حاجة تانية ..Comment
-
انا لما كنت بقارن ، كنت بفكر في الصنى بس لما قعدت فيها من ورا لقيتها ضيقة بطريقة مستفزة ، رجلى اتحشرت بين الكرسى والكنبة وانا جاى انزل منها !
وفي الاخر بخلص في كورولا 2001 ! عربية زي الفل
لو مش هيهمنى الكنبة يبقى الصنى افضلهم ، ومعلوماتى عن الالنترا انها عربية محترمة وكنت بفكر فيها بشدة ، مش عارف الناس بتشتم فيها في الموضوع ده ليهComment
-
الصني فعلا ضيقة من ورا خصوصا لطوال القامة ... غير كده بصراحه عربية ماتتعايبش غير إن شكلها قدم شوية لكن صاجها محترم بيخلي شكلها مايبانش عليه العمر خالص ..المشاركة الأصلية كتبت بواسطة amrelsaqqa مشاهدة المشاركة
الإلنترا مش سيئة للدرجة دي .. بس يمكن من كتر انتشارها بقيت بشوف فيها عيوب كتير ممكن تكون العيوب من سوء الاستخدام لإنها منتشرة ، لكن فيه حاجات ملفتة جدا ..
لما ألاقي عند ميكانيكي واحد 6 عربيات في يوم واحد بيغيروا دسك و اسطوانه إلنترا موديل سنة فاتت ، و لما عربية واحد صاحبي ماشية 30 ألأف كيلو و صياناتها في التوكيل و تجيب بلي دبرياج و العملية تفتح لمشاكل أكبر .. و اللي كان بيضايقني إن أي مشكلة من دي بتحصل بتعمل مضاعفات كتير ... على عكس الياباني معايا بوما و جوز أختي تويوتا .. ممكن نمشي بيها 60 ألف كيلو و هي عايزه تغير مساعد مثلا و العربية عمرها ماتعمل أي مضاعفات ، أو مثلا يكون فيه مشكلة كبيرة في التبريد و أفضل ماشي بيها 15 ألف كيلو و عادي جدا ولا تزعل الموتور في حاجة و بعد مانضف الردياتير ترجع زيرو .... و لإني مهندس ميكانيكا و دخلت مراكز صيانة كتير كمهندس يعني فشوفت استهبال كتير بصراحه من عربيات كوري .. ممكن يكون من كتر انتشارهم مع سوء الاستخدام هو اللي خلى الشكل سيء كده .. لكن ده برضه يخليني دايما أبقى قلقان من صناعاتهم !!!
خلاصة الكلام عن الإلنترا ...
عربية طرية و ناعمة من جوه جدا بالنسبة لموديل 2007 - 2010
موتورها قوي
واسعه من جوه
لكن ثباتها سيء على السرعات العالية بالنسبة للفءة السعرية بتاعتها
الباور بتاعها عايز تعود لإه خفيف بزيادة طول الوقت
عايزه صاحبها يكون مهتم بيها دايما و يشيك عليها من وقت للتاني علشان يتجنب أي مشاكلComment
-
مش عارف اقولك ايهالمشاركة الأصلية كتبت بواسطة dawns_mist مشاهدة المشاركة
بس انت كدة خليتنى مرتاح اوى لشرائى الكورولا بعد ما كنت بقول ياريتنى كنت اجيب النترا برة وجوة وموديل حديثComment
-
إلنترا زي ماقولت لحضرتك .. لو حالتها كويسه و انت هتسوقها لوحدك مش 20 حد هيسوقها .. و هتهم بيها .. هتبقى تمام معاك .. و عربية مش وحشه والله أبدا .. لكن أنا بعيب عليها في نقطة الثبات على السرعات العالية بصراحه .. لو انت مش بتحب تجري هتبقى مناسبة ليك بإذن الله ..المشاركة الأصلية كتبت بواسطة amrelsaqqa مشاهدة المشاركة
لكن لو هتدفع في كورولا مبلغ كبير و عربية 2001 يبقى ده غلط كبير جدا ..
بصراحه أنا مستحيل أشتري كورولا بأسعار أغلى من فئتها في المستعمل ...
الأيام دي بشوف ناس بتشتري كورولا 2007 بـ 100 ألف و أكتر .. الناس اتهبلت !!!
الكورولا فافيش فيها غلطة ... لكن برضه فيه عربيات كتير مافيهاش غلطة و يمكن أحسن منها كمان و أسعارها أقل بالتالي أنا مش بميل أبدا للكورولا القديمة ...
إلنترا صفقة أفضل في رأيي من الكورولا القديمة ...Comment
-
المشاركة الأصلية كتبت بواسطة Dawns_Mist مشاهدة المشاركةالمشاركة الأصلية كتبت بواسطة Dawns_Mist مشاهدة المشاركة
بصراحة ده اكتر كلام منصف وعادل جدااااااااااا فى المقارنة بين ال3 عربيات دى فى المنتدى ده من اول اشتراكى فيه ..
الف مليون تحية ليك فعلا يا باشمهندس ..
وانت جبت الخلاصة اللى كتير من اصحاب الكورى مش قادرين يصدقوها او حتى يسمعوها ..
ربنا يباركلك[COLOR=black]Y2Y1500 سابقا[/COLOR]Comment
-
ألف شكر ليك يا أفندم على الإطراء الجميل ده .. والله حضرتك اللي كلك ذوقالمشاركة الأصلية كتبت بواسطة youssef.awad مشاهدة المشاركة
بصراحة ده اكتر كلام منصف وعادل جدااااااااااا فى المقارنة بين ال3 عربيات دى فى المنتدى ده من اول اشتراكى فيه ..
الف مليون تحية ليك فعلا يا باشمهندس ..
وانت جبت الخلاصة اللى كتير من اصحاب الكورى مش قادرين يصدقوها او حتى يسمعوها ..
ربنا يباركلك
و أنا تحت أمر حضرتك ، و ربنا يوفقك و تجيب عربية كويسه تعيش معاك من غير ماتتعبك و يباركلك فيها و يكفيك شرها ..
* على فكرة الكلام اللي أنا قولته ده ناس كتير جدا لما بقوله بيقعدوا يقولولي اني متحامل على الكوري و إني متعصب للياباني و إني عمري ما سوقت كوري ولا أعرف حاجة عنه ... مع إن مافيش ولا واحد في جمهورية مصر معاه رخصة سواقة و ماساقش كوري !! و مع إني كمان على المستوى العلمي بحاول أدقق و أتعلم دايما و أكون منصف لإن ده مجال دراستي .... بس هتعمل إيه للمصريين العاطفيين جدا في الحكم على الأشياء !!!
- عموما مش هطول عليك .. و كل سنة و انت طيب بمناسبة العيد ولو إنها جت متأخر شوية
Comment
-
شكرا جدا لاعضاء منتدي نايل موتورز الكرام علي ردودكم المفيدة وفي انتظار المزيد من الاراء علشان اخد قرار خلال اسبوع
لان التلاتة دول محيرني جدااااااااا 
[CENTER][IMG]http://www.nilemotors.net/Nile/eyesweb1_color/post/eyesweb1.gif[/IMG]
[B][SIZE=3][COLOR=Blue]Dr.mango 2008 [/COLOR][/SIZE][/B]
:36_1_37[1]:
[/CENTER]Comment
-
الصنى افضلهم و لكن استهلاك بنزين عالى و كنبة خلفية ضيقة
,و عندى اقتراح لو ينفع تزود المبلغ شويتين و تجيب لوجان اوتوماتيك زيرو ,, و الزيرو زيرو بردواComment
Comment