الالنترا والتيدا

[M.ABDOU]

السلام عليكم
اعضاء قسم هيونداى المحترمين

انا عملت سابقا موضوع شبه ده فى قسم نيسان كنت بسأل لو مع حضرتك مثلا مبلغ تقريبا 130 الف جنيه وتقدر تجيب بيهم مثلا سياره تيدا بكل المواصفات abs and ebd air bag 2 وطبعا فتيس اوتوماتيك مفيش عليه اى مشاكل وعربيه تم تجربتها سنين وبيقولوا مفيهاش اى مشاكل بس شكلها يمكن عاادى جدا ومفيهوش اى جديد من بره او من جوه

او تغير رايك وتجيب الالنترا الجديده شيك جدااااا من بره وواسعه برضه من جوه وشيك وماتور وفتيس لحد الان مفيهووش مشاكل لكن عوامل الامان مش كتير وتوكيل سيىء لو مكانى تفكر فى ايه بصراحه

يا ريت احد الاعضاء يكون قدر يسوق الاتنين وجربهم اكون شااكر جدااااااااااا

[MohammedAladel]

لو مكان حضرتك لا دى ولادى بس لو الاختيار محصور بينهم يبقى التيدا الهاتش باك عشان شكلها مقبول لكن التيدا السيدان شكلها سئ جدا وقمة الغباء فى التصميم

[M.ABDOU]

لو مكان حضرتك لا دى ولادى بس لو الاختيار محصور بينهم يبقى التيدا الهاتش باك عشان شكلها مقبول لكن التيدا السيدان شكلها سئ جدا وقمة الغباء فى التصميم

اومااال تختاار ايه؟

[AshTurbo]

طيب .... ألنترا 2 أيرباج و abs هتزود 2500 لو هتجيب 2012 أو 4500 لو هتجيب 2013 وأنت دارس العربية وعارفها مش محتاج أحكيلك عليها وعلى مميزاتها والصناعة كوري .

التيدا فيها ميزتين عن الألنترا ال ebd والتوكيل الأفضل الى حد ما عن غبور ولكن فيه أيضاً عيبين وهم أن الشكل قديم وتقليدي وأن الصناعة مكسيكي مش ياباني وبصراحة انا ركبت التيدا مسوقتهاش كانتريور الألنترا فارقة بكتير كتصميم ووسع والماتريال بصراحة في التيدا معجبتنيش يمكن ماتريال الألنترا أنضف .

الموضوع في أيديك .

[MohammedAladel]

والله أختيار السيارة بيختلف من شخص لآخر أنا استبعدت الإلنترا عشان شعبيتها وحاسس فى شكلها إن هيونداى مزوداها قوى متحس روعة التصميم أيوة فيها شغل بس مش أنيقة دا ميعيبش العربية لكن أنا بهتم بشكل العربية قوى فى الاختيار والتيدا قلت رأيى فيها لكن هما كعربيتين كويسين جدا
لو مكان حضرتك وعربية زيرو هيبقى فيه
شارك اول فئة عاملة 124900 بعد الخصم بالموتور الجديد بس عوامل امان متهيقلى مفيهاش إيرباج والله أعلم لكن بالنسبة لى أفضل من إلنترا والتيدا
رينو فلوينس زيرو أول فئة برضه أو كسر زيرو هاى لاين
فورد فوكس أفضلهم بالنسبة لى طبعا بس هى أغلى

[Samir Elshahawy]

الأخ الكريم / صاحب الموضوع

حضرتك طلبت في موضوعك المقارنة من شخص يكون ركب العربيتين و جربهم
أنا بالطبع معايا الالنترا و برضه ركبت التيدا أكثر من مرة و سافرت بيها و لكن كراكب عادي و ليس كسائق لها لذا سأخبرك عن أنطباعاتي في مقارنة سريعة بين العربيتين من حيث :

(1).. الصالون و داخل السيارة :
- التيدا أوسع من الالنترا كطول و أرتفاع سقف لكن الالنترا أوسع كعرض من الداخل
- الشنطة في العربيتين تقريبا نفس الاتساع
- الخامات في التيدا افضل من الالنترا لكن تابلوه الالنترا أكثر تطورا في الشكل و العدادات أكثر حداثة
- الراحة في الجلسة داخل السيارتين تقريبا واحدة

(2).. العزل :
العزل في الألنترا أفضل قليلا من التيدا

(3).. نعومة العفشة و الاحساس بالمطبات :
الألنترا أنعم من التيدا و أحساس المطبات اقل

(4).. التكييف :
تكييف التيدا جيد جدا كسائر السيارات اليابانية و لكن الألنترا تكييفها ايضا جيد جدا
يعني الاحساس بحرارة الجو في السيارتين تقريبا يكاد يكون منعدما بفضل التكييف في السيارتين

(5).. الأرتفاع عن الأرض :
التيدا أعلي من الألنترا عن الارض و بالتالي فرص احتكاكها بالمطبات اقل من الألنترا

طبعا الشكل الخارجي لن أتحدث عنه لأنها مسألة أذواق أما المحرك و النواحي الفنية ايضا لن أذكرها لأنه لم تتح لي فرصة قيادة التيدا من قبل

[mohamed_mesho3]

نيسان تيدا
مجرد رأى

[S O P H O S]

نيسان تيدا
مجرد رأى

+11111111111

[szaalouk]

تيدا تيدا تيدا

[MohammedAladel]

تيدا شكلها بايخ جدا