مطلوب سيارة زيرو بالمواصفات التالية ....

[مواطن مصرى]

السلام عليكم و رحمه الله و بركاته

كل سنه و انتم طيبين بمناسبه العيد جعله الله على الامه الاسلاميه عيد سعيد ...

انا عايز منكم ترشيح عربيه زيرو من موديلات 2013 لنسيبى ..

مش مهم ماركتها او صناعتها (كورى - يابانى - المانى - ..) لانى حاولت ترشيح اكثر من عربيه له و كل ما نيجى نفكر فى عربيه و نشوف مواصفاتها و كمالياتها نتعقد لانه عنده مجموعة متطلبات اساسية لازم تكون موجوده فى العربية و مالقاهاش فى العربيات اللى ليها شعبيه زى السيراتو و اللانسر شارك و الهيونداى النترا الجديدة ..

المهم مواصفات الراجل اللى لازم تكون موجودة فى العربيه هى :

1- لازم يكون فيها Immoblizer و مينفعش تدور الا بمفتاحها الاصلى

2- لازم يكون فيها اثنين Air Bags واحده للراكب وواحده للسائق (مش 6 و 8 زى السيراتو الخليجى او 10 زى الجيتا) ..

3- لازم يكون الفرامل ABS + EBD

4- لازم الفرامل الامامية و الخلفية تكون طنابير

5- لازم يكون فيها ريموت كونترول مزود بسنتر و انذار لقفل العربيه عن بعد و تدى صوت لو حد لمسها او حاول يفتحها

6- لازم يكون فيها Fog Lights نوره كويس فى السواقة بالليل

7- لازم يكون فيها جنوط سبور 15 او 16 بوصه بالكثير قوى

8- لازم تكون عاليه عن الارض بمقدار 15-16 سم على الاقل و عفشتها قوية و تستحمل السفر رايح جاى على الطريق الصحراوى بتاع الصعيد من سوهاج للقاهرة مرتين شهرياً و تمشى فى الطرق الداخلية لمراكز سوهاج بمطباتها و جبالها بدون مشاكل

9 - يفضل ان تقبل تموينها ببنزين 90 بدون اضرار لان بنزين 92 مش موجود فى سوهاج بكثرة زى القاهرة

10 - يفضل ان يكون توكيلها له مركز خدمه فى الصعيد (اسيوط - سوهاج - قنا - ..) مش كل ما نيجى نعمل لها صيانه او حدثت اى مشكله يجيب العربيه و ييجى القاهرة

مش مهم بالنسباله الكاسيت نوعه ايه او فيها زينون او فيها سنسور للمطر و الشمس او حتى انها تقول بابا و ماما ... الراجل عايز عربيه عمليه و قوية يستخدمها فى تحركاته فى سوهاج و السفر للقاهرة

الميزانية اللى محددها : 150 - 200 الف جنيه حد اقصى

مع مراعاة انه نازل من مرسيدس زلمكة 230 موديل ثمانينات هلكها معاه شغل و سفر 10 سنين متواصله مقالتش لا لغايه ما موتورها فوت و حالتها تعبت فباعها بحالتها و مقضيها مواصلات لغايه ما ربنا يكرمه بعربيه احلامه ...

فى انتظار ارائكم مع مراعاه توافر المواصفات 1 حتى 8 فى العربيه و بالنسبه لموضوع البنزين و التوكيل هنحاول نقنعه ...

مع خالص الشكر مقدماً و كل عام و انتم بخير مره اخرى ...

[IronHead]

بسم الله الرحمن الرحيم
الاجابه فنتازيا :-)

[NaderNabil]

الإجابة فانتازيا إن شاء الله
و يفضل الفئة السبورت اللي قبل الهايلاين سعرها 191000 تقريباً

و ربنا يوفقك للخير

[elsharief]

كل الكلام الى انت قلته هتلاقيه فى اى نوع بالسعر ده
فيه امبريزا جديدة نازلة بتلت فئات بداية من 150 الى 180
وفيه رينو فلونس اعلى فئة 162 بس ديه سمعت ان فيه نتشة خفيفة فى الفتيس بتاعها
وفورد فوكاس
السكودا فانتازيا
بس طالما كان راكب مرسيدس المانى يبقى ميركبش غير المانى (بناء على كلام ناس غيروا بعد مرسيدس مرتاحوش غير فى الالمانى )
فاحسن حاجة بعد المرسيدس السكودا
- سكودا اوكتافيا فانتازيا 2012 تيبترونيك
174,900 جنيه مصرى

- سكودا اوكتافيا فانتازيا 2012 تيبترونيك كومبى
178,900 جنيه مصرى

- سكودا اوكتافيا فانتازيا 2012 تيبترونيك سبورت
190,900 جنيه مصرى

[مواطن مصرى]

بسم الله الرحمن الرحيم
الاجابه فنتازيا :-)

شكرا لمشاركتك بالنصيحه و ان شاء الله هنروح نشوفها عملى فى احد المعارض ..

[مواطن مصرى]

الإجابة فانتازيا إن شاء الله
و يفضل الفئة السبورت اللي قبل الهايلاين سعرها 191000 تقريباً

و ربنا يوفقك للخير

شكرا لمشاركتك بالنصيحه و ان شاء الله هنروح نشوفها عملى فى احد المعارض ..

[مواطن مصرى]

كل الكلام الى انت قلته هتلاقيه فى اى نوع بالسعر ده
فيه امبريزا جديدة نازلة بتلت فئات بداية من 150 الى 180
وفيه رينو فلونس اعلى فئة 162 بس ديه سمعت ان فيه نتشة خفيفة فى الفتيس بتاعها
وفورد فوكاس
السكودا فانتازيا
بس طالما كان راكب مرسيدس المانى يبقى ميركبش غير المانى (بناء على كلام ناس غيروا بعد مرسيدس مرتاحوش غير فى الالمانى )
فاحسن حاجة بعد المرسيدس السكودا
- سكودا اوكتافيا فانتازيا 2012 تيبترونيك
174,900 جنيه مصرى

- سكودا اوكتافيا فانتازيا 2012 تيبترونيك كومبى
178,900 جنيه مصرى

- سكودا اوكتافيا فانتازيا 2012 تيبترونيك سبورت
190,900 جنيه مصرى

بالنسبه للرينو فلوانس : احنا استبعدنا البيجو 408 و الفورد فوكاس الرينو فلوانس من المقارنه لانها تعمل بكفاءه اكثر مع بنزين 95 و ممكن تقبل بنزين 92 لكن فيه ضرر على الموتور و الحساسات و اصلا بنزين 92 مش متوفر فى سوهاج بدرجه كبيره زى القاهره فما بالك بالـ 95 بغض النظر طبعا عن ان تفويلته بمبلغ و قدرة ...

هل الامبريزا الجديده تقبل بنزين 90 - 92 بدون مشاكل ... ؟!
هل تمت تجربتها فى مصر و ايه ردود فعل الناس بعدها ؟!
اخبار قطع غيارها ايه ؟!
صعب جدا الواحد يخاطر بـ 180 الف جنيه فى عربيه لسه نازله مصر اول مره ...

الفانتازيا كذا حد رشحها و ان شاء الله هنروح نشوفها عملى فى احد المعارض ..

شكرا لمشاركتك بالنصيحه ...

[Ahmed_Adham]

مادام ركب مرسيدس خليه ميغيرش ويدور على حاجه مستعمله فى حدود ميزانيته c180 مثلا أو يجيبها جديده يدفع اللي معاه ويقسط الباقي.

[elsharief]

بالنسبه للرينو فلوانس : احنا استبعدنا البيجو 408 و الفورد فوكاس الرينو فلوانس من المقارنه لانها تعمل بكفاءه اكثر مع بنزين 95 و ممكن تقبل بنزين 92 لكن فيه ضرر على الموتور و الحساسات و اصلا بنزين 92 مش متوفر فى سوهاج بدرجه كبيره زى القاهره فما بالك بالـ 95 بغض النظر طبعا عن ان تفويلته بمبلغ و قدرة ...

هل الامبريزا الجديده تقبل بنزين 90 - 92 بدون مشاكل ... ؟!
نوع الوقود على حسب نسبة الانضغاط اللى مكتوبة على الموتور او الكتالوج compression ratio
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11
وممكن 10 وكسر تستخدم 92 وهيبقى كويس جدا
واعرف ناس بيحطوا خلط يعنى تلت 95 وتلتين 92 بس عند ال 11 الافضل95
و فى حالة انك محطتش المطلوب
مش هتحصل على العزم وعدد الأحصنة الموجود في الكتالوج
ممكن يحصل التصفيق و الموتور يسقف و بيبقى صوته صوت تكتكه هو ده التصفيق اللي يزيد عندك وبيسبب
صوت اهتزاز وتذبذب شديد للمحرك وخاصة عمود الكرنك والمكابس ويقصر عمر الموتور اكيد و زيادة في إستهلاك النزين وممكن صوت الموتور يرتفع بس تحس بيه لو ودنك خفيفة
وفى حالة انك تحط اعلى من المطلوب السيارة ممكن تعطيك أداء أفضل
ولو محستش بفرق خليك فى المطلوب والسيارة ووفر فلوسك
هل تمت تجربتها فى مصر و ايه ردود فعل الناس بعدها ؟!
اخبار قطع غيارها ايه ؟!
انا ناوى عليها ان شاء الله بس فى حكاية قطع الغيار مش متاكد بس الشارك سعر قطع غيارها غالى والكورولا برده

الفانتازيا كذا حد رشحها و ان شاء الله هنروح نشوفها عملى فى احد المعارض ..
مش هتلاقى احسن من الالمانى وممكن تبص على فولكس جيتا بس معرفش عنها حاجة وهتلاقى الخبرا هنا اللى يقولولك

[محمد بدر]

بالتوفيق ان شاء الله الفانتازيا ممتازة
وعلى فكرة الخليجى 2012 - أول فئة اوتوماتيك 170 ألف جنيه وممكن التاجر كمان يضيف ليها الجنط الأصلى وتدفع 3000 جنيه على 4 جنوط فقط - ويحتفظ هو بالجنط والطاسه الأصليين
وتم تنفيذ الموضوع ده عند تاجر فى السويس من حوالى شهرين

[Hossam_hassan4]

Renault duster ??!!

[مواطن مصرى]

استكمالا لمتابعه الموضوع ...

لقينا فى معرض اسمه ناشيونال موتورز فى اسيوط سياره كيا سيراتو موديل 2013 خليجى (سعودى) بالمواصفات التاليه :


1- فيها Immoblizer و مينفعش تدور الا بمفتاحها الاصلى

2- فيها اثنين Air Bags واحده للراكب و واحده للسائق

3- الفرامل ABS + EBD

4- الفرامل الامامية و الخلفية طنابير

5- Keyless Entry مع ريموت كونترول بانذار مع الكلاكس (فى حاله فتح الابواب فقط و يمكن تطويره بتركيب جهاز انذار كامل بـ 350 جنيه )

6- Fog Lights نوره متوسط مش عالى و مش واطى

7- جنوط سبور 16 بوصه

9 - تستخدم بنزين 92 و ممكن 90 مش هتقول لا

10 - الفتيس اوتوماتيك 6 غيار ستيبترونيك

11- فيها بعض الكماليات الاخرى مثل : الكاسيت فيه مدخل USB - IPOD مع تحكم من الدركسيون Multifunction - المرايات كهرباء - حساسات للركن Parking Sensors

سعر السياره 117500 بعد فصال شديد ,,,

طبعا من غير ضمان لكن المعرض اكد لنا ان فيه 3 شركات بيدوا ضمان على السيارات الخليجى بالسنه مقابل مبلغ من 900 الى 1200 جنيه (منهم شركه رشحها لنا اسمها امان الشرق) ده غير طبعا اننا هنأمن عليها فى شركه تأمين محترمه ضد السرقه و الحوادث

و بالنسبه للصيانه المعرض اكد لنا انه معرض لشركه كبرى و هو المستورد لكل السيارات اللى عنده مش مجرد معرض و خلاص و هو عنده كذا مركز خدمه (اقربهم لينا فى طريق منقباد - اسيوط) و اسعاره اقل من اسعار التوكيل فى المصنعيات لكن بنفس قطع الغيار الاصليه ده غير ان فيه 3-4 مراكز خدمه فى القاهره و الاقصر شغاله فى صيانه السيارات الخليجى و لها سمعه و اسم (منهم مركز تكنو اللى عامل اعلان هنا فى نايل موتورز) لو مش عايزين نعمل صيانه عنده

فحضراتكم ايه رأيكم فى العربيه دى ؟!

نفس المواصفات اللى الراجل طالبها و زياده كمان + سعر كويس جدا جدا بس الواحد مقلق من موضوع خليجى و من غير ضمان دى عربيه بـ 120 الف جنيه مش خلاط او موبايل صينى ..

و ايه رأيكم فى موضوع تشترى ضمان على حسابك ده و هل الكلام ده بجد و الا نصب

و هل السيراتو الموجوده فى التوكيل (EIT) فيها نفس المواصفات دى ؟! و الفئه اللى فيها نفس المواصفات دى بكام ؟!

فى انتظار الرد ....

[alu]

نصيحه ياباشا انزل وبص وشوف الفانتازيا الاول وانا واثق من انك هتعجب جدا بها

[elsharief]

و ايه رأيكم فى موضوع تشترى ضمان على حسابك ده و هل الكلام ده بجد و الا نصب
لازم تروح تسأل الاول على شراء الضمان وعلى قطع الغيار لان قريت كذا مشكلة من ناس اشتروا خليجي ومش لاقيين قطع الغيار و التوكيل ملوش دعوة بيهم لانها مش عربيته

و هل السيراتو الموجوده فى التوكيل (eit) فيها نفس المواصفات دى ؟! و الفئه اللى فيها نفس المواصفات دى بكام ؟!
لا السيراتو خليجي بيبقى فيها مواصفات اكتر بسعر اقل

فى انتظار الرد ....
من كلام الناس فى قسم كيا انصحك بلاش كيا خااااااااااالص
وياريت تقرا بنفسك الصفحة الاولى والتانية


وربنا يوفقك و تلاقى اللى انت عايزه

[مواطن مصرى]

نصيحه ياباشا انزل وبص وشوف الفانتازيا الاول وانا واثق من انك هتعجب جدا بها

نزلنا و شوفناها و رفضناها للاسباب التالية :
1- تعمل بنزين 95 و ممكن 92 بس هيعمل مشاكل و طبعا فى سوهاج مفيش حاجه اسمها 95
2- مفيهاش ايموبلايزر و لا يمكن تركيب انذار لانك هتخرج من الضمان
3- العفشة كويسه جدا لكن العربيه واطيه على الارض و متفنعش فى طرق سوهاج
4- مفيش مراكز صيانه فى الصعيد