محتاج رايكم ياصقور بخصوص الجوك والنترا2013

[مدحت البلبيسى]

السلام عليكم وكل عام وانتم بخير انا طبيب من الشرقية بشركة ادوية ومشرف على على 4محافظات الشرقية ومحافظات القناة الثلاتة وانتقل مابينها خلال الاسبوع بمعدل متوسط 3000كيلو شهرى متزوج ولى طفل شهرين المهم انا محتار مابين الالنترا2013 ونيسان جوك انا قصدت بالمقدمة انى اوضحلكم ظروف عملى انا محتاج سيارة عملية وقطع غيارها متوفرة ومعمرة وتستحمل الجرى والشد والسفر يوميا وطرق الشرقية وانا معجب بالاثنين وزوجتى معجبة بشكل الجوك وامكانيها وانها يابانى وانا متردد ومتخوف من عدم انتشارها وانا جربت الهيونداى 6 سنوات بس ماركبتش نيسان انا عارف ان الجوك صغيرة بس انا وزوجتى وطفلى ولن اغير السيارة قبل 5 سنوات ياريت بجد ارائكم تفيدونى بينها عشان اخد القرار الاخير لانى معجب بالاتنين وياريت الى عندة اسباب يقولها يبقى جزاة الله خيرا على فكرة الحيرة وحشة قووووى ربنا ما يوقعكوا فيها خاصة لو كانوا الاتنين يزغللوا العين شكرا

[Youssef.Awad]

بصراحة يا دكتور .. الاجابة هاتكون 99% جوك بما ان حضرتك عرضت موضوعك فى قسم نيسان ههههههههههههه
بجد الالانترا مش بتاعت الكلام ده خالص وهاتتبهدل حك من تحت فى المطبات بالمناطق المذكورة لأنى مشيتها زراعى وصحراوى وركبت العربية وعارف امكانيتاها كويس
لو معايا فلوس الاتنين طبعا الاختيار هايكون جوك والانتشار قليل عشان اصلا الشحنات القليلة اللى بتوصل مصر غير كافية لملى شوارع البلد
ولو ممكن تزود كمان شوية تجيب قاشقاى يكون افضل فى جزئية الوسع الداخلى والمستقبل العائلى
بس خد بالك العربيتين بالحجز والاستلام مش قبل شهرين ثلاثة او اكتر
يعنى ما يكونش فيه ضرورة ملحة فى الشراء دلوقت
واختيار اخير من رأيى السكودا اوكتافيا بنفس الفئة السعرية وتستحمل كل اللى حضرتك بتقوله ده من متطلباتك فى العربية

[BassamHafez]

حضرتك بتقارن عربيتين من فئات مختلفه تماما وكمان تكنولوجيا مختلفه تماما

لازم تبقى عارف كل عربيه فيها ايه مش موجود في التانيه ولازم تركب الاتنين عشان تقدر تحدد لان الموضوع مش موضوع شكل وبس

[ahmad--ezzat]

مفيش وجه مقارنه يا فندم

جوك طبعا افضل ف كل حاجه الا نقطه الانتشار

[مدحت البلبيسى]

شكرا ا/يوسف

شكرا استاذ يوسف على ردك انا كان نفسى فى القشقاى بس امكانياتى ماتسمحش دلوقتى باكتر من 160انا كنت ناوى اجيب النتراهاى لاين143.5الف بس مراتى شافت الجوك وشكلها وانها يابانى ووسائل الامان وكماليتها الكتير بتقنعنى بيها مقابل 15 الف وان الوسع مش مهم على اساس ان احنا لسة عندنا طفل عمرة شهرين ومش هنغير قيبل 3 سنين والناس تقولى اليابانى معمر وقطع الغيار بتقعد وقت طويل وخاصة شغلى بيستهلك العربيةوالى عاجبنى كمان انها عالية وبتهيالى اثبت من النترا بس كمنى مجرب هيونداى وشكلها تحفة وقطع غيارها متوفرة متردد فكنت عاوز اخد اراء الناس ومتشكر لردك بجد كل رد هيفيدنى ويشجعنى كدة الكفة مالت للجوك يامسهل يارب

[مدحت البلبيسى]

حضرتك بتقارن عربيتين من فئات مختلفه تماما وكمان تكنولوجيا مختلفه تماما

لازم تبقى عارف كل عربيه فيها ايه مش موجود في التانيه ولازم تركب الاتنين عشان تقدر تحدد لان الموضوع مش موضوع شكل وبس

انا عارف امكانيات الاتين والاتنين عجبنى وركبت الالنترا بس ماركبتش الجوك ومجربتش نيسان قبل كدة مع ان كماليات وامان الجوك لاتقارن مع الالنترابس عايز خبرة وراى الناس وشكرا على الرد

[مدحت البلبيسى]

مفيش وجه مقارنه يا فندم

جوك طبعا افضل ف كل حاجه الا نقطه الانتشار

انا خايف من قطع الغيار وشكرا على الرد

[abono]

انا عارف امكانيات الاتين والاتنين عجبنى وركبت الالنترا بس ماركبتش الجوك ومجربتش نيسان قبل كدة مع ان كماليات وامان الجوك لاتقارن مع الالنترابس عايز خبرة وراى الناس وشكرا على الرد

سلام عليكم يا دكتور:

إشاء الله ربنا يهديك للإختيار الصحيح بس الجوك عربية ممتازة من كلام الجروب عنها فضلا عن احد الزملاء هنا معاه وحدة و بيشكر فيها اوى و دة تقرير مفصل عن السيارة http://www.nilemotors.net/Nile/287210-a.html اهداء العضو المحترم و المنسق العام لقسم نيسان عن السيارة و يا رب يفيدك و يسعدك فى القرار.

أخوك Abono

[buddha]

جـــوك ..... تقفيل فى uk
طبعا ولا نص كلــمة(محمد فوائد)

الخوف فقط من قطع الغيار(لكن شد ومطبات وتحمل)

[Youssef.Awad]

انا خايف من قطع الغيار وشكرا على الرد

اطمنك نيسان مش بتجيب عربيات تبيعها وتخلع
طالما باعت عربية فى مصر يبقى التوكيل ملتزم بتوفير قطع الغيار
انما طبيعى مش هاتتوفر برة بالصورة الكبيرة لموديلات هيونداى
ومن ناحية مقارنة الاسعار .. انا شايف اسعار قطع غيار نيسان اوفر وامتن واطول عمرا من كورى كتير
يادكتور الشركة دى بتعمل تيل فرامل فى عربياتها يتدرس للشركات التانية

[zangry]

جوك طبعا يادوك ... الانترا دى تعبانة :d

[buddha]

جوك طبعا يادوك ... الانترا دى تعبانة :d

باشا اكيد نيسان طبعا منتهى التقنية
بس هيونداى( النتـــرا) ممتازة
النترا دى ملهاش دعوة بباقى عربيات هيونداى عشان بيطبق عليها معايير سلامة ومتانة اوروبية
والعربية الالنترا انتشرت فى امريكا واوروبا موخرا نظرا لنجاحها

انا جربت النترا بصراحة فيها شغل كويس

[Youssef.Awad]

جوك طبعا يادوك ... الانترا دى تعبانة :d

وما تستاهلش الفلوس دى كلها بامانة .. غبور بيستهبل ع الاخر
ده انا مرة اجرتها غصب عنى مضطر عشان ماكانش فيه عربيات غيرها فى السعودية
غير كده بأجر اما صنى (شكل الاسكالا) او كورولا

[abono]

اطمنك نيسان مش بتجيب عربيات تبيعها وتخلع
طالما باعت عربية فى مصر يبقى التوكيل ملتزم بتوفير قطع الغيار
انما طبيعى مش هاتتوفر برة بالصورة الكبيرة لموديلات هيونداى
ومن ناحية مقارنة الاسعار .. انا شايف اسعار قطع غيار نيسان اوفر وامتن واطول عمرا من كورى كتير
يادكتور الشركة دى بتعمل تيل فرامل فى عربياتها يتدرس للشركات التانية

على فكرة الكلام دة صح جدا فاكر يا يوسف لما كنا اعدين يوم الوقفة قولتلك إية ولدى معاه نيسان صنى موديل 2007 اوتوماتيك غير التيل الامامى بعد 70000 كيلو و التوكيل قال هوا لسة فية بس حنغيرة علشان عدى علية 3 سنين للنضافة يعنى و الخلفى لسة زى ما هوا العربيات النيسان تمنها فيها اوى و عن تجربة

[zangry]

باشا اكيد نيسان طبعا منتهى التقنية
بس هيونداى( النتـــرا) ممتازة
النترا دى ملهاش دعوة بباقى عربيات هيونداى عشان بيطبق عليها معايير سلامة ومتانة اوروبية
والعربية الالنترا انتشرت فى امريكا واوروبا موخرا نظرا لنجاحها

انا جربت النترا بصراحة فيها شغل كويس

حضرتك جربتها هنا فى مصر ولا في امريكا !!

اللى هنا حاجة واللى هناك حاجة تانية خااالص :d