كيا سول أم مازدا 3+ رينو فلوانس

[abdoooo]

تحياتى لجميع الاعضاء الكرام , وأسجل اعجابى الشديد بالمنتدى وبأعضاءة , أرجو الاستفادة من خبراتكم والمساعدة فى الاختيار بين السيارات الاتيه

أولا \ كيا سول.....
1- اللى مخوفنى منها وارجو من الاعضاء ان يفيدونى باستفاضة عنها .... مدى ثبات السيارة ع السرعات العالية و المنحنيات مع الوضع فى الاعتبار ان السيارة عالية عن الارض مما قد يؤثر فى ثبات السيارة سلبا , يعنى ممكن اجيب بيها لسرعة كام وانا مطمن (سؤال هااام جدا )
2-وهل يمكن تركيب ديفندر للكيا سول
3- هل كون السيارة كورى ده شئ يعيب السيارة

ثانيا \مازدا 3
1- على عكس كيا سول اللى مخوفنى من هذة السيارة انها واطية جدا ع الارض , فهل ده بيأثر جامد الاحتكاك بالمطبات ام ان هذا العيب ممكن التغاضى عنة
2- هل ضيق الكنبة الخلفية شئ مزعج ام مقبول

ثالثا \ كنت بفكر في الرينو فلوانس لكن كبر حجم السيارة اشعرنى بانها غير شبابية بالمرة لشاب مثلى , كما اننى سمعت انها ليست جيدة فى المناورات والشد والغرز

شكرا مقدما لكم

[kholio]

احسنهم في رأيي المازدا 3 عربية شبابية ورياضية ومبنية على شاسيه فورد فوكاس يعني ثبات عالي وفرامل ممتازة وعوامل امان ومن كلامك ان سواقتك جري وغرز والمازدا فيها متطلبات السواقة الرياضية

بالنسبة لموضوع الكنبة الخلفية ممكن تتعايش معاه عادي لانها مش ضيقة اوي

[moody_687]

لو من النوع اللى بتبيع كتير ومش تحب تقعد العربية معاك يبقى الترتيب كالاتي
كيا ثم المازدا ثم الفلونس
اما لو من النوع اللى بتقعد معاك العربية يبقى
الفلونس ثم المازدا ثم الكيا
وبصراحة الكيا لا تقارن بتلك العربيات عن تجربة وكنت ف حادث والحمدلله الواحد نجى منه بسيراتو 2011 فراملها مش بتمسك وتلم العربية بسرعة ومعرفش بقى السول نظامها ايه
نصحيتي ياالمازدا يا الفلونس وعاما العربيات اللى بتنفع ف الغرز الهاتش باك عشان اسهل زى الميجان 3 والاسترا

[S O P H O S]

سول ومازدا
وعموما اميل للسول حاليا
والله اعلم ..

[Land_Cruiser]

فلوانس هتلاقى فيها امان و كماليات و رفاهيه و موتور وواسعه و شكل حلو و توكيل معقول و شنطه كبيره و الشكل اذواق طبعا بس هى كبيره شويه فعلا و طلعتها الاولى تقيله حبتين و التكييف ضعيف مقارنه بالاسيوى و باختصار هى ممكن تكون مناسبه لأسره بعكس ألمازدا هتلاقيه سياره شبابيه اكتر و كنبتها صغيره و كذلك الشنطه و التوكيل بتاعها اقل من رينو وواطيه على الارض اما السول فهى سياره هاتشباك و ده تصنيفها بس بجنوط كبيره و بالنسبه لسعر اعاده البيع هتلاقى التلاته مش قد كده فده مش هيبقى مجال للمقارنه قوى

[abdoooo]

شكرا kholio و moody_687 و S O P H O S و Land_Cruiser على الرد , ولقد استفدت من مشاركتكم كثيرا

للى ركب مازدا 3 هل موضوع ان السيارة واطية شئ مؤرق بالاحتكاح بالمطبات, وكمان انا كان معايا رينو لوجان وكنت برفع الكرسى ع الاخر قكنت بحس بارتفاع ملحوظ ع الارض فلما اغير لمازدا 3 فهل هحس انى راكب ع الارض , ولا الموضوع مش زى ما انا متخيل

اما السول فبحب علوها ع الارض ويا سلام لو ركبت ديفندر مش هشيل هم التجاريح والخبطات الامامية والخلفية . ومش هحس باختلاف عن سياراتى القديمة لوجان من حيث الارتفاع عن الارض , لكن نرجع برضوا لقصة عدم ثبات السيارة نظرا لارتفاعها

فعلا الموضوع محير

[yassoss]

تحياتى لجميع الاعضاء الكرام , وأسجل اعجابى الشديد بالمنتدى وبأعضاءة , أرجو الاستفادة من خبراتكم والمساعدة فى الاختيار بين السيارات الاتيه

أولا \ كيا سول.....
1- اللى مخوفنى منها وارجو من الاعضاء ان يفيدونى باستفاضة عنها .... مدى ثبات السيارة ع السرعات العالية و المنحنيات مع الوضع فى الاعتبار ان السيارة عالية عن الارض مما قد يؤثر فى ثبات السيارة سلبا , يعنى ممكن اجيب بيها لسرعة كام وانا مطمن (سؤال هااام جدا )
2-وهل يمكن تركيب ديفندر للكيا سول
3- هل كون السيارة كورى ده شئ يعيب السيارة

ثانيا \مازدا 3
1- على عكس كيا سول اللى مخوفنى من هذة السيارة انها واطية جدا ع الارض , فهل ده بيأثر جامد الاحتكاك بالمطبات ام ان هذا العيب ممكن التغاضى عنة
2- هل ضيق الكنبة الخلفية شئ مزعج ام مقبول

ثالثا \ كنت بفكر في الرينو فلوانس لكن كبر حجم السيارة اشعرنى بانها غير شبابية بالمرة لشاب مثلى , كما اننى سمعت انها ليست جيدة فى المناورات والشد والغرز

شكرا مقدما لكم


لا تقلق من الثبات في السياره السول
انا عندي سيراتو و سول .... صحيح السيراتو اكثر تبات لكن السول ثابته تماما مافيش اي مشاكل