نيسان صنى ولا لانسر

[momo44]

السلام عليكم
كل عام وانت بصحة وسلامة
انا ليا صديق عايز يجيب عربية زيرو ومحتار بين الصنى واللانسر
محبتش افتى
قلت اسألكم تقولولى مميزات وعيوب كل عربية فيهم
والرأى الشخصى لكم
وشكراااااااااااااااااااا

[mahamede]

الصنى : بتتجمع وبتتقفل فى مصر

اللانسر : بتتجمع وتتقفل فى اليابان

ولك أنت الأختيار ,, أنا يعنى جبتلك من الأخر ,, تحياتى .........

[MohammedAladel]

إنت بتتكلم فى زيرو دلوقتى الصنى الشكل الجديد واللانسر شارك أو بومة
عموما لانسر شارك تكسب

[egyseadragon]

الصنى : بتتجمع وبتتقفل فى مصر

اللانسر : بتتجمع وتتقفل فى اليابان

ولك أنت الأختيار ,, أنا يعنى جبتلك من الأخر ,, تحياتى .........

والمرسيدس بتتجمع في مصر وال-bmw برضو

أنا معي الصني الموديل إلي قبل الجديد...وبالنسبة لي اللانسر أحسن..أما الصني الجديده ما أعرفش

[medoghaly]

في رايي الصني كمالياتها اعلي و سعر كويس و شكل جديد انما بسعر الصني هتجيب لانسر فاضية يا اما لو هتجيب سوبر اكشن يبقي الشارك احلي من الاتنين ياباني و فخمة

[mahamede]

والمرسيدس بتتجمع في مصر وال-bmw برضو

أنا معي الصني الموديل إلي قبل الجديد...وبالنسبة لي اللانسر أحسن..أما الصني الجديده ما أعرفش

عارف والله يافندم ان البى ام والمرسيدس بتتجمع فى مصر ,, بس لو حضرتك دخلت مصنع المرسيدس والبى ام ودخلت المصنع بتاع النيسان ,, أنتا بنفسك هتحس بالفرق بين لما تجمع المرسيدس والبى ام فى مصر ولما تيجى تجمع النيسان فى مصر ..........

[beckeryahia]

عارف والله يافندم ان البى ام والمرسيدس بتتجمع فى مصر ,, بس لو حضرتك دخلت مصنع المرسيدس والبى ام ودخلت المصنع بتاع النيسان ,, أنتا بنفسك هتحس بالفرق بين لما تجمع المرسيدس والبى ام فى مصر ولما تيجى تجمع النيسان فى مصر ..........

والله انا نفسي ادخل اتفرج , هو ينفع؟؟؟

[Land_Cruiser]

لازم صديق حضرتك يحدد هو ايه احتياجاته و يشوف هت توافر فى اى عربيه فيهم. الموضوع اكبر من انه يكون مجرد تقفيل بلد معين و خلاص

[kfarouk]

انا كان معايا الانسر 2009 بومة هاف سبورت و بعتها و دلوقتي معايا الصني الشكل الجديد
بصراحة الانسر عربية محترمة جدا و انا حاسس بعد ما سوقت الاتنين ان الانسر اثبت و عضمها انشف بس النيسان الجديدة انعم عامة انا لو كان معايا تمن الانسر كنت جبت لانسر تاني
الي اقدر اقوله العربية النيسان حلوة جدا على قد سعرها و اوسع طبعا من الانسر و التكييف احسن لكن مثلا الفرامل الاي بي اس احسن في الانسر
عامة خليه يستخير بس نصيحة لو مش فارقة معاه الفلوس يجيب لانسر على الاقل هاف سبورت البومة

[Amr2004IBM]

الصنى : بتتجمع وبتتقفل فى مصر

اللانسر : بتتجمع وتتقفل فى اليابان

ولك أنت الأختيار ,, أنا يعنى جبتلك من الأخر ,, تحياتى .........

مع احترامى لراى حضرتك انته كده مافتهوش
عايز تنصحه تقوله راى موضوعى علمى مبنى على مقارنه حياديه تظهر عيوب ومميزات كل سياره على حده
وساعتها تقدر تقوله (ولك أنت الأختيار )
لكن انك تقول دى بتتجمع فى اليابان ودى فى مصر وخلاص
يبقى اته بتتكلم زى تجار السيارات الى ميعرفوش يفكو الخط والمهم انه يبيع وخلاص
لكن احنا هنا فى المنتدى ناس مثقفه وعيزه تتعلم وتكتسب خبرات على اسس علميه او تجارب واقعيه
وهو ده الفرق بينا و بين بره
تقبل تحياتى وكل احترامى ( وهذا تذكير وليس نقدا)
اما بنسبه للاخ الكريم صاحب الموضوع
انصحك انك تخش قسم المقارنات الى بيمتاز بيه المنتدى وتستخدم خاصيه البحث وتقرا كويس علشان تقدر تختار وانته مقتنع تمام الاقتناع بعد استخاره الله سبحانه وتعالى
اتمنالك التوفيق وحسن الاختيار

[S O P H O S]

لانسر ..