استشارة و مقارنه

[mesho_2005]

السلام عليكم و رحمه الله و بركاته

معلش انا عارف ان الموضوع ده تقريبا مكتوب فيه كتيييييييييييييير اوى ....بس انا شفت معظم الكلام قدييم ..و مش عن تجربه

شخصيه !!

انا عاوز مساعدة حضراتكم من اللى جربوا و ملاك اللانوس و الافيو !!

باختصار ...انا كان عندى 128 كسر زيرو ...و بعدها فترة لانوس 1 99 ...و بعد حادثة رجعت للفيات تانى

و عاوز اجيب عربيه دلوقتى ..و بعد طووول بحث و تجارب ..وصلت ان الرينج من 70 الى 90 فى مصر ميجيبش حاجه

كويسه تستاهل ...ولو كويسه قطع غيارها و صيانتها صعبه !!و انا مش من القاهرة!!

فهاجيب حاجه (مستعمله )مؤقته ..لمده سنتين تلاته كده وبعدها ابيعها و اجيب حاجه اعلى او اسافر لسه مش عارف!!..

وكانت انسب حاجه عشان تبقى مؤقته و تتباع بسرعه ... اللانوس (دايو مش شيفورليه) أو الفيرنا ...

الفيرنا اصراحه صغيره وواطيه !

انا مبسووط من اللانوس و كل حاجه ...بس مضايقنى حاجات معينه :
1- قعدة السواقه و الرؤيه مش مريحه خالص بالنسبه لى
2- التكييف نص نص
3- الفراااامل بحس انها سايبه ولازم اجيب اخر الدواسه
4- العربيه برضه واطيه و بالاخص لو محمله ناس ورا
5- شكل العربيه تقليدى جدااااااا وزهقان منه

غير كده اى حاجه تانيه مرضيه بالنسبه لى

السؤال : هل الافيو تحل لى الحاجات اللى مضايقانى من اللانوس ؟؟؟ ....
وهل اعادة بيعها كويسه ؟
و مصاريف صيانتها و قطع غياررها ؟

مع اعتبار انى هاشتريها مستعمله برضه كسر زيرو - مش

[shadow84]

طيب ليه ماتدخلش معاهم اللوجان هي ممكن تكون اعلي شويه في اسعار قطع الغيار بس اكيد بتعيش اكتر

[mesho_2005]

حضرتك عندك حق ..انا قعدت ورا اللوجانالنت ع ايام و ليالى ...و تجارب على الواقع ...و اسئلة فى كل حته على الصيانه و قطع الغيار ....و كنت على وشك اجيبها زيرووو .....بس رجعت استخسرت الفلوس ال 72 الف فى اى عربيه فى الفئه ديه !!....و قررت اجيب كسر زيرو لانوس او فيرنا او افيو او لوجاااان ...بس مشكله اللوجان المستعمل ان دايما ضمانها قرب يخلص ..و ده اكبر مقلب ياخده اللى بشترى لوجان مستعمله سنه وللا اتنين ..و يلاقى نفسه بيشترى البوابه او الدبرياج او علبه الدريكسيون او غيرها من حاجات تبووظ مع الوقت

انا عندى امل فى الافيو تبقى سواقتها احلى من اللانوس و فراملها احسن ...غير انها اعلى على الارض ...

[michaelsamir]

طب ماتفكر في اليابانى أفضل مثل تويوتا يارايس 2007 او نيسان صنى 2011 او ميتسوبيشي لانسر 2007 ...

[shadow84]

بص هو انا ماليش تجارب مع الافيو بس من خلال المنتدي في ناس كتير بيشتكو منها انا كان معايا لانوس 2 وكانت مريحاني جدا واقتصاديه وقطع غيرها بقت زي اللادا

[S O P H O S]

طب ماتفكر في اليابانى أفضل مثل تويوتا يارايس 2007 او نيسان صنى 2011 او ميتسوبيشي لانسر 2007 ...

+1111111111

[mesho_2005]

اتا عامل رينج لحد 65 او 70 الف بس بالكتيييييييييييير اوى ........يجيبوا يابانى حالته كويسه و ميتعبنيش ؟؟

[S O P H O S]

اتا عامل رينج لحد 65 او 70 الف بس بالكتيييييييييييير اوى ........يجيبوا يابانى حالته كويسه و ميتعبنيش ؟؟

طبعا ان شاء الله يجيبوا تويوتا ياريس حالة كويسة
موفق ان شاء الله ..

[szaalouk]

حاول تخلليك مع الياباني و ان شاء الله مش حاتندم
عربيات اريح و مقالبها اقل بكتير من الماركات المذكوره

[mesho_2005]

الف شكر ليكم كلكم يا اجدع اعضاء