نيسان صنى 2013 أم هيونداى أكسنتrb

[hassan35]

السلام عليكم و رحمة الله و بركاته

ناوى أجيب عربية زيرو إن شاء الله و محتار بين صنى 2013 و هيونداى أكسنت الاتنين أوتوماتيك .. كنت بفكر فى السيراتو لكن هتعدى شوية .. برجاء ابداء الرأى مع ذكر السبب.

شكرا

[S O P H O S]

صني
يكفي التوكيل ووسائل الامان ..الخ
والله اعلم

[Land_Cruiser]

الصنى ممتازه كسعر مقابل امكانيات و فيها امان و ثابته وواسعه و شنطتها كبيره و عمليه و استهلاك بنزين معقول و توكيل محترم. هى بس تخسر قدام الهيونداى فى الشكل الخارجى من وجهه نظرى خاصه ان الكوريين بيهتموا قوى بالشكل الخارجى فى معظم موديلاتهم مما يجذب المستهلكين و يشجعهم على اقتناءها بينما معظم السيارات اليابانى ما بقتش بتركز قوى مع الشكل لكن بتركز على ان العربيه تبقى اعتماديه و قليله الأعطال و طبعا على الماركه كضمان لحد أدنى من الجوده لا يمكن ان تنزل عنه لكى تحافظ على اسمها و سمعتها فى السوق. يعنى و انت بتشترى هتبقى عارف أنى ضامن مستوى جوده معين مش هتنزل عنه فتبقى مطمئن و انت بتشترى ان مفيش مفاجات غير ساره

[Ghosts]

ال Rb شكل أجمل و جودة أعلى ....
يكفى أنها كورى كاملة ....

الصنى تقفيل مصرى وفى أجزاء كتير منها مصنوعة فى الصين ....
أمال هى ب 100000 جنية أزاااااااااى؟؟!! فى عربية سيدان يابانى 1500 سى سى بالسعر دة دلوقتى؟؟!!

أنا سوقت ال Rb كتير عشان أبن خالى شاريها ....
هو أشترى أول فئة أوتو يعنى مفيهاش Abs & Ebd ....
بس بمنتهى الأمانة العربية بتقف بمجرد ما بتلمس الفرامل ....
العربية واسعة وبتاخد 3 ورا مستريحين و الأنتيريور فى منتهى الجمال ....

2012 Hyundai Accent: New Car Review - AutoTrader - YouTube

الفيديو دة بيبين الأنتيريور بتاع الصنى ....
هتحس أنك فى عربية موديل سنة 80 ....

‫نيسان صني 2012 Nissan Sunny‬‎ - YouTube

[SonaSteel]

ال rb شكل أجمل و جودة أعلى ....
يكفى أنها كورى كاملة ....

الصنى تقفيل مصرى وفى أجزاء كتير منها مصنوعة فى الصين ....
أمال هى ب 100000 جنية أزاااااااااى؟؟!! فى عربية سيدان يابانى 1500 سى سى بالسعر دة دلوقتى؟؟!!

أنا سوقت ال rb كتير عشان أبن خالى شاريها ....
هو أشترى أول فئة أوتو يعنى مفيهاش abs & ebd ....
بس بمنتهى الأمانة العربية بتقف بمجرد ما بتلمس الفرامل ....
العربية واسعة وبتاخد 3 ورا مستريحين و الأنتيريور فى منتهى الجمال ....

2012 hyundai accent: New car review - autotrader - youtube

الفيديو دة بيبين الأنتيريور بتاع الصنى ....
هتحس أنك فى عربية موديل سنة 80 ....

‫نيسان صني 2012 nissan sunny‬‎ - youtube

مع احترامي لسعادتك ..... اي حاجة تتقال علي هيونداي الا انها من لمسة فرامل تقف والله لو عملت ايه
انا كنت هالبس بأكسنت في تاكسي لما جيت افرمل علي80 ... زحفت 6 م تقريبا !!!!!

واسعه ... لاطبعا وتاخد 3 مستريحين من غير ركب ... الا لو الكراسي اللي قدام لازقة في التابلوه انا قعدت فيها ورا معرفتش اخرج

الحسنة الوحيييدة للrb الشكل فقط
والماتور طبعا ..... بس علي عربية مبتقفش يبقي البقاء لله
عزلها وحش تماما غير الشخونية اللي بتطلع من تحت الدريكسيون .... وكل ده من مواضيع في هيونداي و مش مشكلة فرديه

وطبعا اغلي من الصني ب20 الف وتوكيل مالوش 30 لازمة

والخامت جووه واحده ..... فرق الشكل لا خامات ولا خلافه

اتمني النصح بحيادية الله يباركلك


لصاحب الموضوع اولا استخارة
ثانيا اي عربية تشتريها متتنازلش فيها عن وسائل امان ختي ايرباج للسواق .....

[kliken]

الصنى افضل توكيل و عوامل امان و سعر اقل و اوسع من الداخل
الاكسنت افضل شكل

[tutankhamoun]

الصني أفضل علشان فيها كل حاجة و أرخص 20 ألف جنيه ...
الصني شكلها فعلا كئيب قوي .......... إنما عربية ممتازة بصراحة .
الأر بي عربية ممتازة برضه و شكلها حلو .......... و لكن غالية قوي قوي قوي .

[lenasam]

مع احترامي لسعادتك ..... اي حاجة تتقال علي هيونداي الا انها من لمسة فرامل تقف والله لو عملت ايه
انا كنت هالبس بأكسنت في تاكسي لما جيت افرمل علي80 ... زحفت 6 م تقريبا !!!!!

واسعه ... لاطبعا وتاخد 3 مستريحين من غير ركب ... الا لو الكراسي اللي قدام لازقة في التابلوه انا قعدت فيها ورا معرفتش اخرج

الحسنة الوحيييدة للrb الشكل فقط
والماتور طبعا ..... بس علي عربية مبتقفش يبقي البقاء لله
عزلها وحش تماما غير الشخونية اللي بتطلع من تحت الدريكسيون .... وكل ده من مواضيع في هيونداي و مش مشكلة فرديه

وطبعا اغلي من الصني ب20 الف وتوكيل مالوش 30 لازمة

والخامت جووه واحده ..... فرق الشكل لا خامات ولا خلافه

اتمني النصح بحيادية الله يباركلك


لصاحب الموضوع اولا استخارة
ثانيا اي عربية تشتريها متتنازلش فيها عن وسائل امان ختي ايرباج للسواق .....

استااااااااذ

[Ghosts]

مع احترامي لسعادتك ..... اي حاجة تتقال علي هيونداي الا انها من لمسة فرامل تقف والله لو عملت ايه
انا كنت هالبس بأكسنت في تاكسي لما جيت افرمل علي80 ... زحفت 6 م تقريبا !!!!!

و الأكسنت اللى كنت هتلبس بيها فى تاكسى دى كانت قديمة ولا جديدة؟؟!!
يمكن كان فى مشكلة فى الفرامل فى الموديلات اللى فاتت ودلوقتى أتعالجت ....

و بعدين أنا مش هستفيد حاجة لما أكدب على الأستاذ صاحب الموضوع وأقولة أن العربية بتقف من لمسة فرامل ....
أنا كلامى مبنى على تجاااااااااارب فعلية مش على تجارب سابقة فى موديلات قديمة ....

واسعه ... لاطبعا وتاخد 3 مستريحين من غير ركب ... الا لو الكراسي اللي قدام لازقة في التابلوه انا قعدت فيها ورا معرفتش اخرج

هو أية دة اللى لأ طبعآ؟؟!!
حضرتك معرفتش تخرج من العربية عشان واضح من صورتك اللى على البروفيل أنك مليان حبيتين يعنى المشكلة مش فى العربية ....

بس علي عربية مبتقفش يبقي البقاء لله
عزلها وحش تماما غير الشخونية اللي بتطلع من تحت الدريكسيون .... وكل ده من مواضيع في هيونداي و مش مشكلة فرديه

مع كامل أحترامى لكلام سيادتك بس ولا حاجة من اللى أنت بتقولها دى موجودة فى ال RB ....

وطبعا اغلي من الصني ب20 الف وتوكيل مالوش 30 لازمة

الصنى ب 100000 و تقفيل مصرى وال RB الأوتو أول فئة ب 107000 كورى بالكامل ....
و محدش يقولى الكورى زى المصرى ....
أحنا هنضحك على بعض؟؟!!

ولو التوكيل ملوش 30 لازمة زى ما بتقول ... فى مراكز معتمدة مغطية كل مصر على درجة عالية من الكفاءة ....

والخامت جووه واحده ..... فرق الشكل لا خامات ولا خلافه

أية معناة الكلام دة؟؟!!
أنت تقصد أن خامات تابلوة الصنى زى ال Rb؟؟!!

اتمني النصح بحيادية الله يباركلك

ياريت حضرتك تسوق ال RB الأول وبعدين أبقى قول رأيك فيها عشان تقدر تحكم عليها بحيادية ....

[Ghosts]

الصني أفضل علشان فيها كل حاجة و أرخص 20 ألف جنيه ...
الصني شكلها فعلا كئيب قوي .......... إنما عربية ممتازة بصراحة .
الأر بي عربية ممتازة برضه و شكلها حلو .......... و لكن غالية قوي قوي قوي .

وأنا أية اللى يخلينى أركب عربية شكلها كئيب قوى؟؟!!
هو الواحد مننا بيشترى عربية كل يوم؟؟!!

ال rb مش غالية قوى قوى لأن أول فئة ب 107000 جنية ....
يعنى الفرق بينها وبين الصنى 7000 جنية بس ....

[tutankhamoun]

وأنا أية اللى يخلينى أركب عربية شكلها كئيب قوى؟؟!!
هو الواحد مننا بيشترى عربية كل يوم؟؟!!

ال rb مش غالية قوى قوى لأن أول فئة ب 107000 جنية ....
يعنى الفرق بينها وبين الصنى 7000 جنية بس ....

أولا هو الشكل يا أستاذ جوست أذواق لأن فيه ناس عاجبها شكل الصني قوي .
ثانيا الفرق مش صغير
أول فئة من الأكسنت ......... فاضية و مفيهاش عوامل أمان .... يبقى ما تتقارنش أصلا بالصني من ناحية السعر .

[M_SALLAM]

اكيــــــــــــــــــد طبعا الصنى و يكفى انها يبانى و من انتاج شركة نيسان و بالنسبة للأستاذ بتاع الــــــــــــ rb اللى بيقول ان الهيونداى تتفوق عليها فى التقفيل اقوله انت غلطان لأن البى ام دلوقتى بتتقفل فى مصر ..

و بالنسبة لسيارات هيونداى عموما انا لا اقتنع بيها نهــــــــــــــائى و لا اقتنع بالسيارات الكورية عموما يعنى ..

[Ghosts]

و بالنسبة للأستاذ بتاع النيسان اللى بيقول أنى غلطان عايز أقولة أن كل واحد حر فى وجهة نظرة ....
وعايز أقولة كمان أن المرسيدس بردوة بقت تتقفل فى مصر و عشان كدة بقى فيها عيوب صناعة ....

[shaddadfalcon1]

الصني احسن بكتيير وان كان عشان 1500 فانا سامع انه جامد وسحبها حلو والناس بتجيب بيه 180 وبتعدي غير انه موفر في البنزين
ان كان علي الشكل فميش كلام ان الاكسنت شكلها احلي من بره ومن جوه بس النيسان برده مع التعود شكلها بيحلو في عين اللي بشوفها بجد وخصوصا انللون الأسود منها تحس انه ليه برسيتيج جامد مووت

الأكسنت مش عارف ليه بحسها تاكسي

[tutankhamoun]

و بالنسبة للأستاذ بتاع النيسان اللى بيقول أنى غلطان عايز أقولة أن كل واحد حر فى وجهة نظرة ....
وعايز أقولة كمان أن المرسيدس بردوة بقت تتقفل فى مصر و عشان كدة بقى فيها عيوب صناعة ....

و حضرتك يا أستاذ جوست عرفت منين أن البي أم و المرسيدس المتقفلين في مصر فيهم عيوب ؟؟؟؟
ياريت يا باشا تخف حدة الهجوم على الصناعة المصرية شوية علشان هي البلد مش ناقصة و خربانة خلقة و محتاجين كل مليم يقعد في البلد مش يخرج براها أو خارجها .
مصنع نيسان في مصر مملوك لشركة نيسان و ادارته كلها يابانية
و العربية ما شاء الله ممتازة وتقفيلها حلو و جميل و مش عارف ليه بعض الناس بتقول على التقفيل من غير ما تجرب .

أنا شوفت عربيات مصنوعة في المانيا (ألمانيا - عارف يعني ألمانيا - يعني تقريبا عند المصريين قديسة صناعة السيارات ) و كانت معيوبة ...و فين في السوق الأوروبي .

وارد أن أي صناعة يطلع منها عيوب لأن اللي صانعها إنسان ..... و الأنسان بيعمل غلطات ... شئ طبيعي .
علشان كدا أخترعوا حاجة أسمها الضمان .

حتى الرولز رويس اللي بتتقفل و تتصنع يدوي ....... بيطلع فيها عيوب و بتتصلح عادي يعني .

المهم مقصد كلامي .... قلل حدة هجومك على الصناعة المصرية .... لأن أكيد أكيد أنت عايش في مصر و أهلك و أهلي شغالين في شركات مصرية عايزة تلاقي زباين و تشتغل و تقبض مرتب أخر الشهر .

لو كلنا بقى أشترينا وشجعنا نشتري من برة بس ... أنا و حضرتك و كل موظف هايقعد في بيتهم .

مشكلة نقد حضرتك أنه تعميم غير صحيح .

تقبل تحياتي و يومك سعيد .