بيجو 504 vs فيات 131, الزمن الجميل للسيارات !!!!!

[MASERATI]

السلام عليكم و رحمة الله و بركاته

و أنا بقلب عاليوتيوب النهاردة, لقيت اللينك ده لمطاردة بين عربيتين, بيجو 504 و فيات 131.

أنا عارف أن فيه ناس هتخش تقول, ايييييييييه القرف ده ؟؟؟؟؟, بس أنا عن نفسى مش شايفه قرف, أنا شايفهم عربيات محترمة فى أيام (آواخر السبعينات و أوائل التمانينات), أما كانت الدنيا حالها أحسن من دلوقتى بكتيييييييييييييييير, فعلا, عربيات بتفكرنى بزمن جميل.

اللينك أهوه:

Peugeot 504 vs FIAT-131 (Le Professionnel) - YouTube

[shouk_1987]

لا يا باشا و لا تريقة و لا حاجة
والله فيديو جامد ده حتى ال 31 علّمت على البيجو صح
دول بيطلعوا علر الرصيف و يعرّضوا و هما نازلين عادى مافيش أى مشاكل
عربيات تخش فى الحيط عادى
تسلم يا باشا

[hassanin_lada]

الفيديو مش لاقيه او بمعني اللينك مش موجود اصلا .. بعد اذنك حطه مره تاني والف شكر ليك وعلي فكره ال 504 و ال131 مالهمش حل وعربيات بمعني الكلمه

[egyptiandiver]

100 / 100

[hassanin_lada]

الفيديو يارجاله

[S O P H O S]

تسلم ايدك يا باشا ..

[hassanin_lada]

للدرجاتي انا شفاف :d

[MASERATI]

السلام عليكم و رحمة الله و بركاته

ألف شكر لمروركم الكريم.

فعلا, الزمن ده رغم أنى كان عندى بتاع 5 سنين أيامها, بس بحس أن الدنيا كانت أحسن من دلوقتى بكتير, رغم, أن أيامها لا كان فيه نت و لا كان موبيلات و Smart phones و لا أى حاجة من التكنولوجيا اللى موجودة دلوقتى, بس كانت الدنيا أروق من دلوقتى بكتير أوى.

و للأخ الفاضل Bkaltalamana, أنا أرسلتلك اللينك بتاع الفيديو تانى عالخاص.

و شكرا تانى لمروركم الكريم.

[hassanin_lada]

الف شكر ليك ياباشا هو طلع من الyoutube i هو اللي كان معلق بس الحمدلله اشتغل بس الفيديو باين انه من فيلم فامش مقياس لاداء العربيه

[د. علاء ابراهيم]

الف شكر ليك ياباشا هو طلع من الyoutube i هو اللي كان معلق بس الحمدلله اشتغل بس الفيديو باين انه من فيلم فامش مقياس لاداء العربيه

]ده صحيح
الفديو من فلم
و ال 504 فى الحقيقة افضل من ال 131 فى اغلب الحالات و ال131 ما تقدرش تسبق ال 504 الا فى حالة لو كانت ال 504 موديل l او ال 131 الموديل التربو( 131 كان نازل منها موديل تربو حكاااايه كان بيسبق المرسيدس 200 التمساحة ايامها)
و فى النهاية العربيتين محترمين جدا بس للاسف راحت عليهم ( و بالزات ال 504 اقتنائها اصبح مشكلة الايام دى)

[hassanin_lada]

فعلا لصعوبة تواجد قطع الغيار وارتفاع اسعارها

[waleedabbas]

تسلم يا باشا جامد فعلا والعربيتين محترمين وجامدين بس الفيات هنا مع البطل لكن في الحقيقة طبعا البيجو تقطعها

[MASERATI]

تسلم يا باشا جامد فعلا والعربيتين محترمين وجامدين بس الفيات هنا مع البطل لكن في الحقيقة طبعا البيجو تقطعها

السلام عليكم و رحمة الله و بركاته

تحس فعلا أن المخرج كان عاوز كده, طاب ماكااااااااااااااااااان من الأول, يدى البطل العربية ال504 و يدى الفيات ال131 للاتنين التانيين, تلاقيه قال لنفسه كده برضه, بس بعد مالعربيات اتكسرت.

[mazagngi2010]

برنس الفيديو ده

[BUNSH]

جوجـــــــــــــــــو (كـــــان عندنا واحدة الله يمسيها بخير) ... بجــــــد كانت حمــــــالة قاسية وفعلا 504 ديــــــــــــــــــــــة اسطورة لن انســـــــــــاكى
وشكـــــرااا على فيديو ..