اختارولي عن علم ياريس ولا أكسينت

[m6r1282]

محتاااااااار بين الياريس 2007 وأكسينت 2009 مانيوال فول أوبشن

مبدئيا أنا موفر 63 ألف بالعافية وحسب السوق اليومين دول وجدت (الفابريكه وعدادها صغير مانيوال وفول أوبشن) من الإثنين يكون في حدود السعر ده بشويه فصال وحركات .. وتسهيل ربنا قبل كل شيء

لكن أنا فعلا محتار، فاهحكيلكوا مختصرا طبيعة الدنيا عندي والحالة المادية
واختاروا معي

المحافظة المنوفية فالمطبات عبارة عن كباري صغيرة
قطع الغيار عايز ذات جودة عاليه (أصلية أو غيره) وسعرها يكون حنين
موفره في البنزين لوبسافر أسبوعيا من المنوفية للقاهرة مثلا
ماتعطلش كتير (طبعا مع إن هاحافظ عليها) يعني أكثر اعتمادية
الجسم القوي والبويه القوية والباور التمام في عجلة القيادة
أكثرهما تعميرا من ناحية الماتور بالذات ومن ناحية الداخل والجسم الخارجي
وغير ذلك ممايلمسه من يقرأ الموضوع ويهتم لسؤالي
((مع الأخذ في العلم إن ياريس هاتكون 2007 وأكسينت 2009)) دا طبعا على أد اللي معايا من أموال.

مشكورين مقدما

[MohammedAladel]

ياريس

[medododo]

ياريس

[m6r1282]

بشكركم جميعا على الرد السريع

بس أنا حابب إن يكون الرد مسبب ولو بتفصيل بسيط عشان أنا مقتنع بالاتنين جدا وفعلا الياريس كفتها أكثر شويه وعشان يكون اختياري على تفاصيل أكبر .. مشكورين

فلو عندكم إضافات توضيحية يكون جزاكم الله خير

[Samir Elshahawy]

من واحد كان معاه الياريس و دلوقتي معاه هيونداي
هات الياريس مناسبة لك أكثر

[m6r1282]

من واحد كان معاه الياريس و دلوقتي معاه هيونداي
هات الياريس مناسبة لك أكثر

تعرف حضرتك كامنسق لقسم هيونداي وهي ماركت احترمها جدا

إلا إن شاهدتك دي كبيره أو بالنسبة لي لصالح الياريس
ولكن أرجو التفصيل بعض الشيء أو توضيح النقاط التي ذكرت وجه المقارنة عنها في أول المشاركة

ولك كل الشكر والتقدير وتحياتي

[Samir Elshahawy]

محتاااااااار بين الياريس 2007 وأكسينت 2009 مانيوال فول أوبشن

المحافظة المنوفية فالمطبات عبارة عن كباري صغيرة
يبقي عليك و علي الياريس من غير فصال علشان هيا عالية عن الارض و عن تجربة


قطع الغيار عايز ذات جودة عاليه (أصلية أو غيره) وسعرها يكون حنين
الأثنين قطع غيارهم متوفرة و بجودة لكن سعر قطع غيار الياريس أغلي شوية من الأكسنت , كده الاكسنت تكسب في النقطة دي


موفره في البنزين لوبسافر أسبوعيا من المنوفية للقاهرة مثلا
الياريس ممتازة في أستهلاك البنزين لكن الاكسنت صراحة ما أعرفش عنها حاجة اوي لكن هيونداي عموما موفرة برضه


ماتعطلش كتير (طبعا مع إن هاحافظ عليها) يعني أكثر اعتمادية
الأثنين تقريبا واحد في الاعتمادية


الجسم القوي والبويه القوية والباور التمام في عجلة القيادة
- الجسم القوي : أكسنت
- البوية القوية : ياريس
- الباور : الياريس باور كهرباء ناعم جدا و سهل أما الاكسنت هيدروليك أتقل من الياريس
أجمالا في النقاط دي أفضل الياريس عن الاكسنت


أكثرهما تعميرا من ناحية الماتور بالذات ومن ناحية الداخل والجسم الخارجي
العربيتين مواتيرهما واحدة تقريبا من حيث العمر الافتراضي
و بالنسبة للصالون علي حسب الاستخدام
أما بالنسبة للجسم الخارجي برضه علي حسب تعرضها لخبطات أو ماشابه


وغير ذلك ممايلمسه من يقرأ الموضوع ويهتم لسؤالي
((مع الأخذ في العلم إن ياريس هاتكون 2007 وأكسينت 2009)) دا طبعا على أد اللي معايا من أموال.

مشكورين مقدما

من خلال المتطلبات اللي حضرتك ذكرتها :
- الياريس = 5 / 6
- أكسنت = 4 / 6

أضف الي ذلك مميزات الياريس اللي أعرفها و متأكد منها من تجربة أكثر من 3 سنوات :
1- عفشة ناعمة
2- عزل صوت ممتاز
3- رؤية جيدة جدا من جميع الاتجاهات
4- صالون واسع (اوسع من الكورولا)
5- توكيل محترم
6- سعر أعادة بيع معقول نظرا لنجاح العربية و الطلب عليها في السوق
7- سحب ممتاز بالرغم من أنها 1300 سي سي

أهم عيوب الياريس :
1- وزن خفيف يجعلها غير ثابتة في السرعات العالية خاصة مع وجود هواء لكن لو انت مش بتجري جامد مش هايكون ده بيمثل مشكلة بالنسبة لك
2- صاج خفيف بيتأثر بأقل شئ

ده رايي و شايف أنك تستخير ربنا قبل كل شئ و تحاول تجرب تقعد في العربيتين و تشوف راحتك في مين أكثر

و ربنا يوفقك أن شاء الله

[m6r1282]

الشكر متكرر وموصول

من خلال المتطلبات اللي حضرتك ذكرتها :
- الياريس = 5 / 6
- أكسنت = 4 / 6

أضف الي ذلك مميزات الياريس اللي أعرفها و متأكد منها من تجربة أكثر من 3 سنوات :
1- عفشة ناعمة
2- عزل صوت ممتاز
3- رؤية جيدة جدا من جميع الاتجاهات
4- صالون واسع (اوسع من الكورولا)
5- توكيل محترم
6- سعر أعادة بيع معقول نظرا لنجاح العربية و الطلب عليها في السوق
7- سحب ممتاز بالرغم من أنها 1300 سي سي

أهم عيوب الياريس :
1- وزن خفيف يجعلها غير ثابتة في السرعات العالية خاصة مع وجود هواء لكن لو انت مش بتجري جامد مش هايكون ده بيمثل مشكلة بالنسبة لك
2- صاج خفيف بيتأثر بأقل شئ

ده رايي و شايف أنك تستخير ربنا قبل كل شئ و تحاول تجرب تقعد في العربيتين و تشوف راحتك في مين أكثر

و ربنا يوفقك أن شاء الله

والله أنت أتحفتني بالرد ده وشفيتني
كده رسمي هاختار الياريس وربنا يعينني عليها
مع مضايقتي من ضعف صاجها ده لأن أنا كان معي صني 2003 كان لازم أرفع الكابود بإديا الإتنين من تقله

وفعلا الاستخاره خير دليل لفعل الخير والحمد لله
وإن شاء الله هاتكون ياريس هي اللي اقتنيها إن لم يكن في القدر شيء آخر

[m6r1282]

سؤااااااااااااال

سؤااااااااااااااااااااااال

هو جنط الياريس الأصلي 14 ولا 15 يا جماعه ؟؟
وهل المانيوال كله فيه abs + ebd ؟؟
وهل فعلا سير الكاتينه حديد (جنزير) ؟؟

[Samir Elshahawy]

سؤااااااااااااااااااااااال

هو جنط الياريس الأصلي 14 ولا 15 يا جماعه ؟؟
وهل المانيوال كله فيه abs + ebd ؟؟
وهل فعلا سير الكاتينه حديد (جنزير) ؟؟

و لو أن ده قسم هيونداي لكن هأرد عليك علشان تويوتا حبايبنا و غاليين علينا أوي

-الجنط الاصلي 15
- الياريس المانيوال فيها أي بي اس (علي ما أفتكر لكن مالكي الياريس يفيدوك أكثر لأن كان معايا الاوتوماتيك)
- السير جنزير

[m6r1282]

شكرا شكرا

و لو أن ده قسم هيونداي لكن هأرد عليك علشان تويوتا حبايبنا و غاليين علينا أوي

-الجنط الاصلي 15
- الياريس المانيوال فيها أي بي اس (علي ما أفتكر لكن مالكي الياريس يفيدوك أكثر لأن كان معايا الاوتوماتيك)
- السير جنزير

تعرف حضرتك إن نايل موتورز دايما بيختار منسقين الأقسام صفة أساسية فيهم أنهم محترمين جدا
بجد مش مجاملة ، بكرر شكري ليك تاني يا باشمهندس سمير على الأدب والأخلاق وعلى ردك على سؤالي

[m6r1282]

تم الشراء

السلام عليكم ورحمة الله وبركاته

أولا: أنا صدعتكم بسبب شرائي للسيارة فبشكركم جميعا على حسن تعاونكم معي بالإجابات المفيدة لأنها وضحت لي حاجات كتيره.

ثانيا: أنا ربنا وفقني في شراء نيو أكسنت 2010 عداد 55000 ومن سوق السيارات بمدينة نصر ومش متهانه خالص من جوه بالذات، والمكنة ماشاء الله مالهاش حل في الجري، أنا بتخض منها لأن قبل كده كان معي 1300 وأوتوماتيك .. وأول مره أسوق 1600 فما بالك لما يكون نيو أكسنت و 2010 وسمراء كمان هههههه

ثالثا: وده الأهم، ليه أنا فضلت النيو أكسنت عن الياريس بعد المعاينة الفعلية، رغم إنها كانت رقم واحد لما كنت رايح أشتري وأغلب الناس قالت لي الياريس أفضل ::

- أولا لا اعتراض عندي أبدا على الياباني بس خبير السيارات اللي كان معي في الشراء مانصحنيش بيها خالص رغم إنه معاه كورولا 2002 بسبب (قطع الغيار غير متوفره بالشكل المرضي واستيرادها قليل وكمان السعر غالي (هو كان شغال لفترة قريبة في البهي بتاع قطع الغيار في طنطا) - الضعف الخارجي وغيره)

- الضعف الواضح في الاكصدامات والصاج صراحة مستفز ويضايق إن عربية ياباني محترمة زي كده وتكون ضعيفه من بره

- حوض العربية غير إنه ضيق وتحس إن الحاجة اللي فيه داخلة على الطابلوه شويه إلا إني مش عاجبني رصة ولا هندام محتوى الحوض (دي حاجه نفسيه عندي لازم الحوض يكون شكله منظم والدنيا واضحه) ، وكمان المكنه ساقطه أوي لتحت وده بيضايق الصنايعيه

- حسيت إن فرق المساحة الداخلية مش كبير بين النيو أكسنت والياريس لكن الجودة والراحة الداخلية الياريس تكسب بدون نقاش

- مالقيتش مانيوال فول أوبشن حالة كويسه لكن الأوتوماتيك كان فيه حاجات كويسه بس طبعا سعرها عالي على اللي كان معي

- الكابود بتاع الياريس إنه ميله كبير كده مع ضعف الاكصدام صراحه يخليك تخاف لأنك مش شايفه ومعرض للخبط على الأقل في أول كام يوم كده

- بالنسبة للأكسنت الحالة العامة طبعا أفضل وإن كان المعروض منها قليل جدا في السوق يعني حوالي 10 أو 11 فقط ودي نقطه في صالح النيو أكسنت

- أكسنت صاج فعلا محمل لدرجة تحس إنه قريب من الياباني

- أكسنت كشكل أشيك بكتير من جوه والتابلوه لا كبير ولا صغير

- الياريس جوده أفضل بنسبة كبيره من الداخل عن الأكسنت لكن التقفيل في الاتنين تمام

هذا ماتيسر أن أذكره لكم جزاءا لمساعدتكم لي
وأي استفسار أنا موجود وتحت أمركم

أخيرا ادعوا لي بالبركه وأن يكفيني الله شرها