مقارنة بين ياريس 2007 ونيو أكسينت 2009

[m6r1282]

محتاااااااار بين الياريس 2007 وأكسينت 2009 مانيوال فول أوبشن

مبدئيا أنا موفر 63 ألف بالعافية وحسب السوق اليومين دول وجدت (الفابريكه وعدادها صغير مانيوال وفول أوبشن) من الإثنين يكون في حدود السعر ده بشويه فصال وحركات .. وتسهيل ربنا قبل كل شيء

لكن أنا فعلا محتار، فاهحكيلكوا مختصرا طبيعة الدنيا عندي والحالة المادية
واختاروا معي

المحافظة المنوفية فالمطبات عبارة عن كباري صغيرة
قطع الغيار عايز ذات جودة عاليه (أصلية أو غيره) وسعرها يكون حنين
موفره في البنزين لوبسافر أسبوعيا من المنوفية للقاهرة مثلا
ماتعطلش كتير (طبعا مع إن هاحافظ عليها) يعني أكثر اعتمادية
الجسم القوي والبويه القوية والباور التمام في عجلة القيادة
أكثرهما تعميرا من ناحية الماتور بالذات ومن ناحية الداخل والجسم الخارجي
وغير ذلك ممايلمسه من يقرأ الموضوع ويهتم لسؤالي
((مع الأخذ في العلم إن ياريس هاتكون 2007 وأكسينت 2009)) دا طبعا على أد اللي معايا من أموال.

مشكورين مقدما

[m6r1282]

ايه ياجماعه مافيش ولا رد حتى الآن
دا نايل موتورز يا جماعه مش منتدى هالاهوئه

[amrelsaqqa]

العربيتين كويسين جدا
الياريس هتكون اوسع وتوفير اكتر في البنزين ( موتور 1300 بتكنولوجيا تويوتا ) ، عفشة هتبقى انعم بكتير من النيو اكسينت
وكمان بما انها يابانى يبقى تستحمل على المدى البعيد اكتر من النيو اكسينت وده لا ينفى تماما ان النيو اكسينت ممتازة وخصوصا الموديل ده
النيو اكسينت فيها ميزة ان صاجها ما شاء الله قوى جدا ، كأنها مش عربية كورى خالص ، بل تتفوق على بعض من اليابانى، بس ما اقدرش اقارنها بالياريس اوى ..

واولا واخيرا انت بتشوف حالة يعنى ممكن ياريس متهانة قصاد نيو اكسينت نضيفة ، او العكس ، فطبعا تركز على حالة العربية اللى قدامك .

[m6r1282]

العربيتين كويسين جدا
الياريس هتكون اوسع وتوفير اكتر في البنزين ( موتور 1300 بتكنولوجيا تويوتا ) ، عفشة هتبقى انعم بكتير من النيو اكسينت
وكمان بما انها يابانى يبقى تستحمل على المدى البعيد اكتر من النيو اكسينت وده لا ينفى تماما ان النيو اكسينت ممتازة وخصوصا الموديل ده
النيو اكسينت فيها ميزة ان صاجها ما شاء الله قوى جدا ، كأنها مش عربية كورى خالص ، بل تتفوق على بعض من اليابانى، بس ما اقدرش اقارنها بالياريس اوى ..

واولا واخيرا انت بتشوف حالة يعنى ممكن ياريس متهانة قصاد نيو اكسينت نضيفة ، او العكس ، فطبعا تركز على حالة العربية اللى قدامك .

جزاك الله خيرا على الرد
بس والله أنا فعلا محتااااااااار جدا في الموضوع ده يعني أنا لو معايا وفر كنت جيبت الاتنين ههههههه
بس بالنسبة لموضوع الصاج ده، تقصد إن صاج الياريس ضعيف ولا دي نقطة تميز في أكسنت عن كل العربيات

لأن فعلا فيه ناس بتتكلم على ضعف صاج وبوية ياريس ودي حاجه صراحه مضيقاني جدا لأن أنا فكرتي عن الياباني غير كده

[احمد فهمى]

الياريس اكثر اعتماديه وعربيه يابانى كما وضح الاخ فلوس اليابانى فى محلها ةقطع غيار معمره جدا

[S O P H O S]

ياريس ...
بردوا -- والله اعلم ..

[Habd]

العربيتين حلوين فيهم كل مواصفاتك حتى جودة قطع الغيار موجودة فيهم بس الياريس هاتوفر معاك ف البنزين اكتر و البوية بتاعتها هاتبقى احسن من النيو اكسنت حسب طلبك يبقى اتوكل ع الله ف الياريس

[m6r1282]

بشكر الجميع

بشكر الجميع على حسن التعاون والإجابات المفيدة الوافية وإن شاء الله بقي شيئين:

-1 بالنسبة للباور الكهربا هل فيه مشاكل في الياريس زي ما ظهر في الأكسنت 2006 و 2007 ؟؟
-2 والأمر الثاني أنا إن شاء الله نويت واستخرت على ياريس فادعوا لي، ولما أجيب إن شاء الله هابلغكم باللي أنا لمسته فعلا مع السيارة وربنا يكرمني في واحده حالتها حلوه وصاحبها يكون صادق ..

[m6r1282]

تم الشراء

السلام عليكم ورحمة الله وبركاته

أولا: أنا صدعتكم بسبب شرائي للسيارة فبشكركم جميعا على حسن تعاونكم معي بالإجابات المفيدة لأنها وضحت لي حاجات كتيره.

ثانيا: أنا ربنا وفقني في شراء نيو أكسنت 2010 عداد 55000 ومن سوق السيارات بمدينة نصر ومش متهانه خالص من جوه بالذات، والمكنة ماشاء الله مالهاش حل في الجري، أنا بتخض منها لأن قبل كده كان معي 1300 وأوتوماتيك .. وأول مره أسوق 1600 فما بالك لما يكون نيو أكسنت و 2010 وسمراء كمان هههههه

ثالثا: وده الأهم، ليه أنا فضلت النيو أكسنت عن الياريس بعد المعاينة الفعلية، رغم إنها كانت رقم واحد لما كنت رايح أشتري وأغلب الناس قالت لي الياريس أفضل ::

- أولا لا اعتراض عندي أبدا على الياباني بس خبير السيارات اللي كان معي في الشراء مانصحنيش بيها خالص رغم إنه معاه كورولا 2002 بسبب (قطع الغيار غير متوفره بالشكل المرضي واستيرادها قليل وكمان السعر غالي (هو كان شغال لفترة قريبة في البهي بتاع قطع الغيار في طنطا) - الضعف الخارجي وغيره)

- الضعف الواضح في الاكصدامات والصاج صراحة مستفز ويضايق إن عربية ياباني محترمة زي كده وتكون ضعيفه من بره

- حوض العربية غير إنه ضيق وتحس إن الحاجة اللي فيه داخلة على الطابلوه شويه إلا إني مش عاجبني رصة ولا هندام محتوى الحوض (دي حاجه نفسيه عندي لازم الحوض يكون شكله منظم والدنيا واضحه) ، وكمان المكنه ساقطه أوي لتحت وده بيضايق الصنايعيه

- حسيت إن فرق المساحة الداخلية مش كبير بين النيو أكسنت والياريس لكن الجودة والراحة الداخلية الياريس تكسب بدون نقاش

- مالقيتش مانيوال فول أوبشن حالة كويسه لكن الأوتوماتيك كان فيه حاجات كويسه بس طبعا سعرها عالي على اللي كان معي

- الكابود بتاع الياريس إنه ميله كبير كده مع ضعف الاكصدام صراحه يخليك تخاف لأنك مش شايفه ومعرض للخبط على الأقل في أول كام يوم كده

- بالنسبة للأكسنت الحالة العامة طبعا أفضل وإن كان المعروض منها قليل جدا في السوق يعني حوالي 10 أو 11 فقط ودي نقطه في صالح النيو أكسنت

- أكسنت صاج فعلا محمل لدرجة تحس إنه قريب من الياباني

- أكسنت كشكل أشيك بكتير من جوه والتابلوه لا كبير ولا صغير

- الياريس جوده أفضل بنسبة كبيره من الداخل عن الأكسنت لكن التقفيل في الاتنين تمام

هذا ماتيسر أن أذكره لكم جزاءا لمساعدتكم لي
وأي استفسار أنا موجود وتحت أمركم

أخيرا ادعوا لي بالبركه وأن يكفيني الله شرها

[amrelsaqqa]

مبرووووووووووك يا باشا
جبت ال2010 دى بكام ؟ ال63 الف جابوا ولا اضطريت تزود شوية ؟ وفبريقة برة وجوة ولا راشة اجزاء وهل كشفت عليها كويس وشفتها من تحت قبل ما تشتريها ولا لا ؟

انا اصلا كنت بدور على واحدة وكل ما ما اجمع شوية فلوس يطيروا :d

واخبارها معاك ايه في الثبات وفي العفشة ؟

الف الف مبروك وربنا يكفيك شرها ويديك خيرها

[m6r1282]

رد

مبرووووووووووك يا باشا (الله يبارك فيك)
جبت ال2010 دى بكام (64000) ؟ ال63 الف جابوا ولا اضطريت تزود شوية ؟ وفبريقة برة وجوة ولا راشة اجزاء وهل كشفت عليها كويس وشفتها من تحت قبل ما تشتريها ولا لا ؟
- اللي فابريكة بالكامل مانيوال بتتكلم في 70000 والأوتوماتيك بتوصل لـ 80000 أصلك بتشتري هيونداي مش مرسيدس والعك ده أنت في مصر ياعزيزي

انا اصلا كنت بدور على واحدة وكل ما ما اجمع شوية فلوس يطيروا :d
- ههههههههه بس على فكره العربية دي نادر ماتلاقيها اللي معاه مش بيبيعها عشان فعلا محترمه ومكنه قوية وصاج كويس والداخل بتاعها مرضي لحد كبير

واخبارها معاك ايه في الثبات وفي العفشة ؟
- مسروعه في الجري والعفشه رياضي ماشاء الله عليها وناعمه بنسبة 80 % كامتوسط السيارات اللي في الفئة دي (طبعا شوية النشوفيه دول بيعطوك ثبات) وأنا مازيدتش بيها عن 110 فعلا كنت خايف منها لأن سحبها قوي لأنها 1600 وتقنيه تمام لكن حتى 110 زيه زي 50

الف الف مبروك وربنا يكفيك شرها ويديك خيرها
-آمين وربنا يكرمك ويرزقك بسيارة كويسه ودايما استخير

[S O P H O S]

ما شاء الله ..

[m6r1282]

ما شاء الله ..

الله يكرمك يارب
والله فعلا كان نفسي أكون تيوتاوي ولكن أبى الله إلا أن أكون هيونداوي والحمد لله على كل قدره

[m6r1282]

مبرووووووووووك يا باشا
جبت ال2010 دى بكام ؟ ال63 الف جابوا ولا اضطريت تزود شوية ؟ وفبريقة برة وجوة ولا راشة اجزاء وهل كشفت عليها كويس وشفتها من تحت قبل ما تشتريها ولا لا ؟

انا اصلا كنت بدور على واحدة وكل ما ما اجمع شوية فلوس يطيروا :d

واخبارها معاك ايه في الثبات وفي العفشة ؟

الف الف مبروك وربنا يكفيك شرها ويديك خيرها

- نسيت أقولك ان العربية من أول نظره كده سواء بره أو جوه تحسها جديده أو كسر زيرو وفرشها كالجديد
- لكن هي كان مكسور فيها فانوس شمال أمامي وتم تغييره
- والكابود كان متني من الخبطه سنه ورجعت على البارد
- والاكصدام الأمامي متغير، ولكن حاطط فيه فوانيش شبوره زينون تحفه
- الحوض زي الفل سواء جسم أو ميكنه
- والكاسيت اللي فيها أصلي لكن فيه مشكلة أنه مابيطلعش صوت خالص لكنه شغال بس الصوت مش بيطلع فده هاكشف عليه
- الشنطه كان فيها تريحية بسيطة بتخلي الباب لما يتفتح مش بيطلع على طول ولكن سليم تماما
- فيه بعض عفره في الرفارف من الأمام اللي هوا (رش نظافه خفيف بحرفه) مايكشفهوش إلا خبير وبالنسبة للأساسيات الخبير اللي كان معي بيقول الدنيا جديده العربية معاها شويه مش عاوزه مصاريف
- التاجر مغيرلها زيت وصاحبها مغيرلها طقم سيرفيس على حد قولهم

وعلى فكره عشان كده هي بـ 64000 بس بعد فصال لأن الجسم سليم تماما والحمد لله، (وأحسن حاجه تشتري حاجه عارف عيبها وسعرها على أد حالتها)

أخيرا ادع لي بالبركه مره أخرى