كورولا ولا لانسر ... ؟؟؟

[halika76]

كورولا 2006 هيدروماتيك 1300 cc عداد 65000 كيلو فابريكا من الداخل ورشه بره نظافة

لانسربومه 2008 هيدروماتيك 1300 cc عداد 50000 كيلو فابريكا من الداخل والخارج

العربيتين معرفه وعارف أصحابهم وإستخدامهم وبنفس السعر ... وبفكر أخد واحده منهم ؟

أخد نادية ولا سوسو :) ومحدش يقولى بلاها نادية وبلاها سوسو

[wael30003]

بدون تفكير

كورولا

[kliken]

كورولا افضل كتير جدا

[Ahmed_Adham]

كورولا 2006 و 2007 ويمكن 2005 كمان من أحسن موديلات الكرولا بشهاده كل اللي اشتروهم.

[Motaz.Habib]

يباشا كورولا احسن و استخير بردو

[alnmr79]

كورولا طبعا ولو كانت ال1600 كانت تبقى قنبله

[tarekmomo]

الكرولا تكنولوجيا اعلى بس 1300 اتوماتيك فى العربيتين مع التكيف والحمولة السحب هيبقى ضعيف شوية

[S O P H O S]

ما شاء الله
الرجالة قالوا كل شئ ..

[grandh135]

كورولا ولانسر

كورولا احسن فى تلك المقارنة التى ذكرتها

[M_SALLAM]

كورولا اكـــــــــــــــــيد افضل ..

[TOOLA]

لو اللانسر كانت 1600 كان ممكن نقكر شوية فى الموضوع, لكن ال 2 1300 فمفيهاش تفكير, الكورولا افضل بمراحل لو الحالة كويسة.

[esam_ayad]

ايه ياباشا
اخترت ايه ولا لسه بتفكر؟

[halika76]

ايه ياباشا
اخترت ايه ولا لسه بتفكر؟

لا والله معدش فيه فرصة للإختيار ... صاحب الكورولا رجع فى كلامه مش لاقى عربية مستعملة يجيبها أحسن من إللى معاه فرجع عن البيع :(
بعد ما كنت خلاص ناويت أخلص فيها ... بس أنا كنت مصلى إستخارة فالحمد لله على كل حال

الحيرة الوقت أخد اللانسر ولا أصرف نظر أنا كمان والله محتار وزهقت

[esam_ayad]

لو انتا هادي اوي في سواقتها ومايهمكش موضوع الطلعه البطيئة وصوت الموتور العالي مع الطلعه لو دوست بنزبن جامد يبقي توكل علي الله واشتريها

[halika76]

لو انتا هادي اوي في سواقتها ومايهمكش موضوع الطلعه البطيئة وصوت الموتور العالي مع الطلعه لو دوست بنزبن جامد يبقي توكل علي الله واشتريها

والله يا أستاذ عصام ... لو المشكله فقط فى الطلعه وقوة السحب بالنسبه لى مقدور عليها لإنها عربية أسرة ومشاوير مش شد وجرى وتنطيط

لكن أنا مش هيا دى مشكلتى وتخوفى ... أنا خايف يكون الموتور ضعيف ومايستحملش ومايعمرش

أنا كنت راكب جولف3 model 95 1400cc وكانت زى الفل رغم إنها قديمه بس موتور ولا كلمه وفضلت معايا 7 سنين

ولسه جايب كورولا 1300cc بس 2003 auto أول السنة وكانت زى الفل بردو بس إتزنقت وبعتها ...