إعـــــــلان

Collapse

.

,
See more
See less

رجاء النصيحة ضروري جدا!!

Collapse
X
 
  • Filter
  • الوقت
  • Show
Clear All
new posts

  • رجاء النصيحة ضروري جدا!!

    يا جماعة يا ريت تنصحوني ضروروي عشان أنا ما بفهمش في المستعمل و حشتري قريب. قدامي العربيات دي:

    أوبترا 2006, عاملة 69000كم , أول يد, فابريكة جوة و رشة برة اكصدام و كبوت و مغيرة التكييف (شغال كويس جدا). العربية خليجي كاملة و فيها جنوط و اير باج - السعر 60,000 جنيه

    ياريس 2006,عاملة 89000, رشة جانبين, كاملة جنوط و فوجات و سبويلر - السعر 65,000 جنيه

    ياريس 2007, عاملة 43000كم , فابريكة برة بس مخبطة و محتاجة تترش, صيانات في التوكيل, مش كاملة (الزجاج مانيوال) - السعر 70,000 جنيه

    ياريس 2008, عاملة 75,000 كم - رشة جوانب, زجاج مانيوال - السعر 71,500 جنيه

    يا ترى انهي عربية تعتبر احسن؟؟ و الأسعار دي أقدر أفاصل فيها؟ و أخلص على كام لكل عربية؟؟
    بصفة عامة هل تفرق كتير سنة الصنع ؟ لأني بصراحة حاسة ان موديلات 2006 تعتبر قديمة شوية و لو جيت أبيعها بعد سنتين و لا حاجة حتخسر جامد وبالتاي ممكن العربية ال2008 أو 2007 تكون أحسن.

    يا ريت تنصحوني بالتفصيل عن المميزات و العيوب سواء حالة العربيات أوالسعر واعادة البيع بعد كدة لأني محتااااااااااااااااااااسة, و جزاكم الله كل خير.

  • #2
    و يا ريت تقولولي بصفة عامة الأوبترا و لا الياريس؟ و الأسباب.

    Comment


    • #3
      لاوجة مقارنة اصلا الاوبترا دي مش كويسة خالص ومشاكلها كتير مش هقولك اني فاهم فيها عشان مكدبش بس يكفي وقت الحر والزحمة بشوفها كتير واقفة وفاتحة الكبود بتاعها لاكن الياريس دي حاجة تانيه خالص تويوتا ولا يعلو عليها كلام بصي خليكي في لانسر بومة او تويوتا ياريس او لانسر مكوة بس بشرط الحاله وسيبك من الاوبترا خالصصصصصصص هتتبهدلي يابنتي والله

      Comment


      • #4
        المشاركة الأصلية كتبت بواسطة amro0000 مشاهدة المشاركة
        لاوجة مقارنة اصلا الاوبترا دي مش كويسة خالص ومشاكلها كتير مش هقولك اني فاهم فيها عشان مكدبش بس يكفي وقت الحر والزحمة بشوفها كتير واقفة وفاتحة الكبود بتاعها لاكن الياريس دي حاجة تانيه خالص تويوتا ولا يعلو عليها كلام بصي خليكي في لانسر بومة او تويوتا ياريس او لانسر مكوة بس بشرط الحاله وسيبك من الاوبترا خالصصصصصصص هتتبهدلي يابنتي والله
        شكرا جدا للرد. أنا اساسا كنت بدور على ياريس في حدود 65000, بس خايفة يتنصب عليا من التجار. اللي لفت انتباهي للأوبترا حالتها و انها مش متهانة و يتهيألي ان سعرها يعتبر حلو مع اني مش متأكدة من تمنها في السوق بالمواصفات دي كام.

        Comment


        • #5
          انا عن نفسي ارشح لحضرتك اليارس اكتر من الاوبترا بشرط الحالة

          Comment


          • #6
            ياريس ...
            [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]

            Comment


            • #7
              طيب يا جماعة كلكم بتقولوا ياريس, يا ترى انهي واحدة في التلاتة شايفينها أحسن كمواصفات مقابل سعر؟ مع الأخذ في الاعتبار اني غالبا حابيع بعد سنة أو اتنين و مش عايزة أخسر فيها كتير.

              Comment


              • #8
                اليارس الي ماشية 45 الف افضل من وجة نظري ولو هتترش مش مشكلة صيانتها كمان في التوكيل يعني عربية مش هتتعبك وتعطل كل شوية عربية عارفة اساسها واية الصيانات الي عاملاها ولكي كامل الاختيار

                Comment


                • #9
                  يا فندم محدش ينفع يشترى عربيه اعتمادا على رشه جوانب و لا لأ و معاها عداد الكيلومتر فقط. رش العربيه مش دليل على اى حاجه يعنى فى ناس بترش العربيه نضافه و فى ناس بترشها نتيجه حادثه و ممكن تكون رشه أجزاء تانيه و ما تقولش و بالنسبه للعداد اللى بيبيع ممكن يلعب فيه و بالنسبه للكيلومتر القليل يا ترى الصيانات كانت بتتعمل بانتظام و فى التوكيل و لا فين؟ يعنى الخلاصه أن مفيش حد يقدر يفيدك بالمعلومات دى فقط بدون ما يعرف حاله العربيه الفعليه و لذلك يجب على حضرتك الاتى :-

                  - خليكى فى الموديل الاحدث و الكيلومتر الأقل على قدر الإمكان فى الاختيار المبدأى
                  - لابد أن حضرتك تكشفى على العربيه اللى اخترتيها مبدأيا فى التوكيل و اطلبى كشف شامل عليها للموتور و العفشه و الدهان و ممكن تسألى فى التوكيل عن تاريخ العربيه و ده لو كانت بتعمل الصيانه فيه حسب كلام البائع و يستحسن كده علشان تبقى مطمنه أن قطع الغيار اللى فيها اصليه و الصيانه تمام و لو كانت حاله العربيه كويسه فعلا بعد الكشف اشتريها أما لو طلع فيها مشاكل تحتاج إصلاح يا أما انزلى سعر البيع مع البائع بتمن قطع الغيار و المصنعيه اللازمه أو تصرفى نظر و بالتوفيق

                  Comment


                  • #10
                    راى الشخصى
                    مع ان اليارس كعربيه لبنت ممتازة
                    بس الاوبترا دى لو اوتوماتيك تبقى عربيه سعرها ممتااااااز
                    لان اول العربيه فبريكا وفيه ايرباجز ومش عارف هل كمان فيها abs ولا لا
                    عربيه واسعه وماتورها قوى وقطع غيارها منتشره جديد واستيراد
                    [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                    -- اللهم ارزقنيها --
                    [/COLOR][/SIZE][/CENTER]

                    Comment


                    • #11
                      ياريس 2008
                      والاهم من العداد حالة الماتور والعربية تبقي سليمة
                      والرش بره فقط ده مقدور عليه
                      انما غير كده لا
                      والله اعلم ..

                      Comment


                      • #12
                        شكرا يا جماعة على الردود. ربنا يوفق للي فيه الخير

                        Comment

                        Working...
                        X