الكارينز ولا هيونداى ولا تويوتا

[ramymt]

السلام عليكم ورحمة الله وبركاته
انا كنت حجزت عربية كيا كارينز من التوكيل والمفروض هستلم قريب
بس من يومين شوفت الهيونداى ix 20
وبعدين العربية دى شدتنى اوى وحاسس انها عاجبانى وحسيت انى هغير ليها وبعدين فى حد قالى ان التويوتا افانزا منزله شكل جديد وبعدين دى يابانتى واوسع و7 راكب وكده يعنى
فانا بجد فى حيرة رهيبة استنى على الكارينز ولا اغير لهيونداى ولا تويوتا ولا ايه
فياريت لو حد يقدر يفيدنى فى مميزات وعيوب العربيات دى يبقى له جزيل الشكر
مع العلم انى محتاج العربية تكون واسعة من جوه وتكون عفشتها ناعمة اوى عشان انا ظهرى بيوجعنى من السواقة وتكون عربية ما تورها ناعم برده يعنى محتاج عربية تكون عائليه اكتر منها شبابيه
وشكرا

[Hosam_Optrawy]

الاول خرج الافانزا بره الموضوع الا لو محتاج عربيه 7 راكب , غير كدا ملهاش اى ميزه

الكارينز عربيه محترمه واثبتت نجاحها فى السنتين اللى فاتوا ومطلوبه ومنتشره

ix20 عربيه جميله برضه مواصفات اوروبى تقفيل تشيكى وكماليات كتير وعوامل امان ABS EBD و 4 AirBag و ESP , بس مشكلتها انها اول مانزلت مانتشرتش واحنا عندنا العربيه اللى مابتتباعش اول ماتنزل خلاص بيتعلم عليها وصعب اوى يبقى ليها سوق بعد كدا , جايز مانتشرتش عشان سعرها بس هى كعربيه ممتازه اعتقد انها انضف عربيه هيونداى بتنزل مصر , اخيرا هى مش صغيره بس برضه مش اد الكارينز , الكارينز اوسع بفرق ملحوظ , الفرق الاهم برضه ان الكارينز عفشتها الخلفيه Multi-Link اما ال ix20 تعليقها Torsion-Beam ودى نقطه تانيه فى صالح الكارينز مع الوسع , اللى مش فى صالحها ان الشكل الجديد منها نازل السنه الجايه بعد 8 شهور تقريبا

بالتوفيق فى الاختيار

[ramymt]

الاول خرج الافانزا بره الموضوع الا لو محتاج عربيه 7 راكب , غير كدا ملهاش اى ميزه

الكارينز عربيه محترمه واثبتت نجاحها فى السنتين اللى فاتوا ومطلوبه ومنتشره

ix20 عربيه جميله برضه مواصفات اوروبى تقفيل تشيكى وكماليات كتير وعوامل امان abs ebd و 4 airbag و esp , بس مشكلتها انها اول مانزلت مانتشرتش واحنا عندنا العربيه اللى مابتتباعش اول ماتنزل خلاص بيتعلم عليها وصعب اوى يبقى ليها سوق بعد كدا , جايز مانتشرتش عشان سعرها بس هى كعربيه ممتازه اعتقد انها انضف عربيه هيونداى بتنزل مصر , اخيرا هى مش صغيره بس برضه مش اد الكارينز , الكارينز اوسع بفرق ملحوظ , الفرق الاهم برضه ان الكارينز عفشتها الخلفيه multi-link اما ال ix20 تعليقها torsion-beam ودى نقطه تانيه فى صالح الكارينز مع الوسع , اللى مش فى صالحها ان الشكل الجديد منها نازل السنه الجايه بعد 8 شهور تقريبا

بالتوفيق فى الاختيار

الف شكر لاهتمام حضرتك يا باشا
وياترى موضوع العفشة ده يفرق فى الثبات ولا فى نعومة السيارة
وياترى حضرتك قصدك الشكل الجديد اللى هينزل من الكارينز ولا من الهيونداى

[Hosam_Optrawy]

الف شكر لاهتمام حضرتك يا باشا
وياترى موضوع العفشة ده يفرق فى الثبات ولا فى نعومة السيارة
وياترى حضرتك قصدك الشكل الجديد اللى هينزل من الكارينز ولا من الهيونداى

الاتنين

الملتى المفروض اثبت وانعم , بس مش شرط لان فى Torsion Beam ناعم وفى Multi ناشف , بتفرق حسب باقى مكونات العفشه المساعدين والسوست وغيرهم , وال ESP بيساعد على الثبات , حاول تجرب ال ix20

الكارينز هى اللى نزل منها شكل جديد

[esam_ayad]

لو انتا مش من هواة تغيير العربيه قبل عشر سنين ولا حاجه يبقي المقارنه محسومه لصالح هيونداي لأنها أشيك وتقفيل انضف وموتورها ماشي مع جسم العربيه فهتديك العزم التمام.
لو فارق معاك موضوع السبعه راكب يبقي تويوتا.
لو مش من هواة الجري والشد والسحب وسواقتك طبيعيه وهاديه يبقي الكيا وبس