يا جماعة........عايز حد يفيدني

[Moustafa Al-mansy]

السلام عليكم......

أنا معايا حوالي من 90 ألف الي 100 ألف و عايز أجيب عربية جديدة.........

حد ممكن يفيدني أجيب اية...........

[Ahmad Allawy]

انت عايز تركب عربية ايه..؟؟
الماني؟
ولا اوروبي عموما..؟؟
ولا ياباني او كوري؟؟
زيرو ولا مستعمل؟
مانيوال ولا اوتو؟؟
حدد كده احتياجاتك و قولنا و نفكر سوا..

[Moustafa Al-mansy]

هو فية حاجة ألماني في الحدود دي

[Ahmad Allawy]

زيرو..؟؟ ولا مستعمل..؟؟
لو زيرو يبقي مفيش عندك غير الابيزا او الكوردوبا..
107 الف.. اوتوماتيك..كاملة..
لو مانيوال هتبقي اقل من ال100
الابيزا هاتش باك.. و الكوردوبا سيدان.. بس صغيرة شوية..

[iBiZa]

لو مستعمل ارشحلك الBora و دية كاملة موديل 2001 مثلا ب90,000

[Moustafa Al-mansy]

أنا عايز زيرو........

أعتقد ان الكوردوبا حلوة بس مافيش أختيارات تانية للمقارنة

[محمد المصرى]

الكوردوبا حلوة جدا انا ركبتها رائعة

بس عيبها عند اعادة البيع هتخسر فيها جامد

[Moustafa Al-mansy]

وبعدين هي السيات ألماني!!!!!!!

و خاي بالكم ياجماعة اني بسافر كتييير.....

و لو حد يقدر يقولي مواصفات كوردوبا يبقي كتر خيرة......

[Ahmad Allawy]

الكوردوبا اسباني..
بس كلها فولكس.. موتور و عفشة و شاسيه.. وكل حاجة..
يعني من الاخر فولكس متنكرة في شكل و تقفيل في منتهي الشياكة..
اكتر واحد ممكن يفيدك فيها محمد ابيزا.. هتلاقيه منتشر في قسم سيات..
او دور هناك علي مواصفات السيات ابيزا 2008 وهي نفسها مواصفات الكوردوبا..

[Moustafa Al-mansy]

يا جماعة اية رأيكم في سوبارو امبريزا

[Ahmad Allawy]

السوبارو اغلي من كده بشوية..
يعني ممكن توصل لحد 135 في اعلي الفئات..
وبعدين عربية صغيرة جدا مش واسعة خالص..
و شنطتها صغيرة جدا جدا

[Mustafa_Farouk]

Imprezaالعربية مساحتها الداخلية كويسة بس الشنطة حجمها صغير جداً، هي ممكن تكون كويسة ليك، كل واحد ودماغو. متشوف gen-2, الفابيا الجديدة اسعره بتبتدي من ١٠٠٠٠٠ جم .

[Moustafa Al-mansy]

بالمقارنة بين الفابيا الجديدة و الكوردوبا مين يكسب..........