اشتري اية بعد مرسيدس e200 موديل 94

[yehiaabdelrhim]

يا جماعة انا بعت عربيتى مرسيدس e200 موديل 94
و عايز اشتري حاجة فى حدود 130-140 اية احين حاجة جديد فى الحدود دى بس ميكونش المستوى بعيد عن المرسيدس و لو مستعمل او كسر زيرو يكون اية
مع العلم العريبية مش هفكر ابيعها قبل 5 سنين و يكون سعر اعادة البيع بتاعها كويس يعنى مخسرش فيها كتير و فى نفس الوقت العربية مفهاش مشاكل كتير
مع العلم ان مش عايز اجرى على قد مانا عايز عربية مريحة و امان على الطريق فى السفر

[mr mostafa]

العربية 94 اللى مع حضرتك لونها ايه وكماليتها ايه وحالتها ايه ولو فى صور لها ممكن حضرتك ترفعهلنا وشكر جداا

[mr mostafa]

مع العلم ان المرسيدس اللى مع حضرتك لا يعلى عليها ولو حضرتك اشتريت حاجة بنفس الثمن بتاعها بعد الــ 5 سنوات هتخسر فيها جامد لكن المرسيدس محاقظ على سعره وكمان العربية اللى مع حضرتك ماكينة ماشاء الله وكاماليات فوق الممتازة

[newcastle]

انت كان معاك معجزه صعب تلاقي حاجه بنفس المستوى ده

[yehiaabdelrhim]

العربية 94 اللى مع حضرتك لونها ايه وكماليتها ايه وحالتها ايه ولو فى صور لها ممكن حضرتك ترفعهلنا وشكر جداا

العربية فضى ميتاليك فابريكة من داخل و رشة اجزاء من خارج - اتوماتيك- 2 ايرباج - abs-ebd-كراسى كهربا و مخادع و ستارة كهرباء - العربية ماشية 175000 كم من غير لعب فى العداد و انا المالك الثانى ليها لمدة 8 سنين - للاسف مفيش صور ليهاز
لو عايز اى استفسار تانى انا تحت امرك ابعتلى على الخاص

[yehiaabdelrhim]

يا جماعة انا عارف ان العربية دى ما شاء الله عليها من افضل العربيات اللى مرسيدس انتجتها حتى الان
بس انا عايز اجدد مش اكتر و دى مجرد فكرة
و لو العربية مجابتش السعر اللى انا عايزه مش هبيع
ياريت تقولولى فى اية جديد كويس فى حدود ال 140000
و المستعمل بردو

[horas3000]

للاسف في الرينج ده مش قادر افكر غير في الفلوينس
هي الوحيده اللي فيها لمسات فخامه
لكن الفرق في القوة و التسارع هيبقي محسوس قوي و هتبقي مخنوق
فلو مش هامك الموضوع ده يبقي ملكش غيرها للاسف

[yehiaabdelrhim]

للاسف في الرينج ده مش قادر افكر غير في الفلوينس
هي الوحيده اللي فيها لمسات فخامه
لكن الفرق في القوة و التسارع هيبقي محسوس قوي و هتبقي مخنوق
فلو مش هامك الموضوع ده يبقي ملكش غيرها للاسف

بص يا باشا انا نازل من المرسيدس لظروف خاصة و ان شاء الله لما ربنا يكرمنى هركب مرسيدس تانى
و بعدين انا اصلا اغلب مشاويرى داخل البلد يعنى مفيش مجال للجرى انا اصلا بجيب المرسيدس بالعافية فى الشوارع بتاعتنا الجميلة اللى مليانة مطباط دى . غير كدة بقى الواحد معاه اسرة يعنى الوقت بتاع الشباب و الجرى و الغرز خلاص انتهى. بس ميمنعش بردة انى عايز يبقى معايا عربية لو احتجت سحب فى اى ظرف تساعدنى.
و اهم حاجة بنسبالى انى عايز عربية مصاريفها مش كتير و لما اجى ابيعها مخسرش فيها جامد زى ال رينو و السوبارو و الفورد .
انا فى ناس نصحتنى ب البريليانس الجديدة ال v5 و رحت اتفرجت عليها بصراحة العربية جميلة و فيها كل الكماليات فى المرسيدس و يمكن اكتر كمان مع فرق الخامات طبعا لصالح المرسيدس بس التقفيل و الخامات فيها احسن من الكورى بكتير و عن تجربة. و كل ده + الموتور الميفيك بتاع متسوبيشى الناس كلها بتشكر فية.
انا محتار بصراحة و مش عارف اعمل اية خصوصا انى بالكتير ان شاء الله 3 سنين و هبيع

[horas3000]

ربنا يبارك لكيا باشا و بعدي ظروفك دي علي خير

بص مش هقولك غير خد بصه كده علي الفلوينس و علي سعر المستعمل منها و انت تعرف انها مش بتخسر كتير زي ما هو معروف

و بكل تاكيد مش هتخسر زي البريليانس اللي الناس موهومه بشكل ال x1 و لسه متجربتش عشان يتم الحكم عليها كويس

عموما ربنا يقدم لك اللي فيه الخير

[al_manara]

هوندا سيفيك .

[blazer]

الفلونس الى كانت ب 140 بتتباع دلوقتى ب 100
فهى بتخسر طبعا كتير بس دا ميمنعش انها سياره ممتازه جداااااااا

انت ممكن تدور على فلونس 2010او سيفيك 2010 كسر زيرو عشان تحقق المعادله الصعبه :d

[yehiaabdelrhim]

السفيك مشكلتها معايا انها واطية و انا ببقا محمل العربية و مش هتنفع معايا غير كدة العربية ما شاء الله مفهاش عيوب و سحبها عالى جدا.
بالنسبة للفلوانس انا مش عايز اجيب حاجة مصاريفها عالية و ناس قليلة بتشتغل فيها برة التوكيل و قطع الغيار طبعا و غير كدة انا هبيع قريب فا مش عايز اجيب حاجة و اخسر فيها 30 او 40 الف بعد سنة
فى ناس بتنصحنى ( اوكتافيا 2010 او جيتا 2009 عشان مشكلة الفتيس فى 2010 )
اية رأى الناس هنا؟
و زى ما قولت انا سواقتى مش بشد و بغرز عشان عارف ان فى ناس هتقولى ان الاوكتافيا سحبها مش عالى

[yyy]

مش هتلاقي بالسعر دا حاجه في مستوي المرسيدس

كل ال هتلاقيه هيبقي مستوي اقل منها

[khaled_legend]

لا توجد سياره في نفس مستوي جوده المرسيدس