محتار ما بين كيا ريو سيدان خليجي 2013 و هوندا سيتي 2013

[java-123]

اهلا يا شباب اخباريعكم ايه
انا كنت عاوز اجيب كيا ريو سيدان خليجي 2013 شكلها عجبني جدااا و كماليتها عجباني و فيها كل اللي بتدور عليه
بس في واحد ابن حلال نصحني بالهوندا سيتي :) عشان ياباني و توكيل و قطع غيارها متوفره اكتر و ثابته علي الارض اكتر

ياريت توضحولي الكلام ده صح ولا ايه؟؟
برضه كنت عاوز اعرف اخبارهم ايه بالنسبه للنقط دي:

- خدمه ما بعد البيع..علما باني هدخل الريو في شركه ضمان اسمها تريبل ايه
- الثبات علي الارض
- سعر قطع الغيار
- التكييف وعلاقته بالسحب
- علوها بالارض عشان المطبات و كده
- مزايا و عيوب كل واحده

وجزاكم الله خيراااااااااااااااا مقدما :)

[S O P H O S]

ريو .. كراي فقط
والله اعلم

[A.Adel]

لو ال rio دي اللي بـ 138
أنا رأيي الإتنين مبالغ جدا في سعرهم و فيه حاجات كتير أحسن

زي cerato أو شارك أو فلوينس أو الانترا

[Hosam_Optrawy]

الريو هاى لاين وكيل سيدان ب 123 الف فيها : 2 ايرباج - ABS EBD - Immobilizer - مثبت سرعه - فتحة سقف - بلوتوث - تحكم فى السى دى من الطاره - مرايات ضم باشارات LED - جنوط سبور 15 مقاس 185/65

السيتى اسعارها 132 و 143 , هاتلاقى فيها نفس مواصفات الامان , ومعنديش فكره عن الكماليات بس غالبا نص الحاجات اللى فى الريو مش هاتبقى فيها

اللى يميز السيتى الموتور اقوى والفتيس 5 سرعات

العربيتين نفس الحجم والارتفاع عن الارض تقريبا

الانتشار وقطع الغيار اكيد فى صالح الريو , السيتى مش منتشره خالص ولا هاتنتشر