يا ترى من وصل لل100 الاول!!

[sa3dawy]

انا جبت الارقام دى يا جماعة بعد بحث طويل على النت واغلبها من سايت اسمه whatcar اعتقد ان اغلبكم سمع عنه
....الغريب بقى ان اكتشفت ان تساارع الياريس يعتبر اكتر من ممتاز بالمقارنة بعربيات تانيه 1600 سى سى وتستهلك بنزين اكتر من الياريس كمااان؟
...صحيح التوب سبيد هتبقى اعلى ممكن بحاجة بسيطة فى حالة الموتور الاكبر بس انا مركز هنا على من 0 الى 100 عشان اعتقد ان دى المتاح فى الغالب هنا فى الطرق المصرية.......ودى الارقاااام

Proton Gen2 .. Gets From 0 To 60 miles in 12.6 seconds
Seat Leon .. Gets From 0 To 60 miles in 11.7 seconds
Subaru Impreza .. Gets From 0 To 60 miles in 13.7 seconds
Hyundai I30 .. Gets From miles in 11.1 seconds
Toyota Yaris .. Gets 0 To 60 From 0 To 60 miles in 11.5 seconds
Hummer H3 .. Gets From 0 To 60 miles in 12 seconds
Suzuki Swift .. Gets From 0 To 60 miles in 10 seconds!!!
Daihatsu Sirion 1.3 .. Gets From 0 To 60 miles in 11.4 seconds
Daihatsu Sirion 1.5 ..Gets From 0 To 60 miles in 11.1 seconds

على فكرة دى الياريس ال 1300 شووور مش ال 1500

[tutankhamoun]

فيه مقياسين للسرعات
أول مقياس و هو الأشهر
من 0 إلى 100
و الثاني من 100 إلى سرعة يتم تحديدها

فعلا الياريس ممكن تطلع بسرعة في الأول و توصل لسرعة 100 أسرع من عربيات 1600 و ده راجع لأسباب كتيرة

العربية وزنها أخف من العربيات 1600 كلهم تقريبا
موتور الياريس موتور محترم و قوي مع أنه 1300
عزم العربية متساوي تقريبا مع العربيات دي
إنما فوق 100 ........... مين اللي هايحافظ على سرعته
العربية أم حصان أكبر و يجيب سرعات أعلى برضه العربية أم حصان أكبر

وبس الحاجات دي لها سلبيات على العربية

زي
الثبات اللي بيتأثر بوزن العربية على السرعات العالية
المحافظة على تلك السرعة العالية لفترة طويلة بدون إجهاد للمحرك
و ده مش متوفر في العربيات 1300 سي سي علشان المحرك صغير

يعني أنا مثلا
واحد صاحبي كان مصمم يسابقني بالياريس
المهم أنا وافقت و أشترطت إن يكون السباق طوالي بدون أن نكسر على بعض

في الأول لقيت الياريس ( ما شاء الله ) نطت من جنبي و أنا لسه بأطلع
المهم طبعا أنا وشي أحمر جوه العربية و جاب ألوان
الغيار الأول و الثاني و أديتها الثالث لغاية 120 .............. ما شفنيش بعدها
و الرابع ............ و عينك ما تشوف الا النور

بس أنا متأكد إن الياريس لو فيها موتور 1600 من بتوع تويوتا
العربية محدش هايشوفها لأن وزنها خفيف شويه

هاتطير و لذلك أنا أعتقد إن الياريس أم موتور 1500 طيارة
بس مش عارف هل هي بنفس الوزن أم أثقل
بس بقى الثبات ............. الثبات و الإتزان على الطريق هو المشكلة ( و دي عن تجربة )
في السرعات العالية ......... فوق 120 تقريبا
العربية بتبدأ تحدف على قدام شوية و لو فيه مطب هواء العربية بتنط ............ ( حسيت إن أنا قاعد في عربية صغيرة )
بس أنا شايف إن ده مش عيب
لأن العربية تصميمها الأساسي للمدن و توفير البنزين
و ده رأيي الشخصي علشان محدش يزعل و ممكن يكون غلط

[OlaOsman]

انا جبت الارقام دى يا جماعة بعد بحث طويل على النت واغلبها من سايت اسمه whatcar اعتقد ان اغلبكم سمع عنه

....الغريب بقى ان اكتشفت ان تساارع الياريس يعتبر اكتر من ممتاز بالمقارنة بعربيات تانيه 1600 سى سى وتستهلك بنزين اكتر من الياريس كمااان؟
...صحيح التوب سبيد هتبقى اعلى ممكن بحاجة بسيطة فى حالة الموتور الاكبر بس انا مركز هنا على من 0 الى 100 عشان اعتقد ان دى المتاح فى الغالب هنا فى الطرق المصرية.......ودى الارقاااام

Proton Gen2 .. Gets From 0 To 60 miles in 12.6 seconds
Seat Leon .. Gets From 0 To 60 miles in 11.7 seconds
Subaru Impreza .. Gets From 0 To 60 miles in 13.7 seconds
Hyundai I30 .. Gets From miles in 11.1 seconds
Toyota Yaris .. Gets 0 To 60 From 0 To 60 miles in 11.5 seconds
Hummer H3 .. Gets From 0 To 60 miles in 12 seconds
Suzuki Swift .. Gets From 0 To 60 miles in 10 seconds!!!
Daihatsu Sirion 1.3 .. Gets From 0 To 60 miles in 11.4 seconds
Daihatsu Sirion 1.5 ..Gets From 0 To 60 miles in 11.1 seconds

على فكرة دى الياريس ال 1300 شووور مش ال 1500

طيب معلش سؤال يمكن بدائي شوية.. ايه ميزة التسارع أصلا؟

[vet mitcho]

التسارع من 0 -100 ده عباره عن حسبة يدخل فيها القوة الحصانية مع الوزن ((كعاملان اساسيان))
وممكن طبعا الجير بوكس يفرق كتير

وممكن الارقام المعلنة تكون اكبر من الحقيقية و على سبيل المثال السيات ليون تسارعها في الحقيقة اقل من الرقم المعلن عنه ((شريف جربها جابت على ما اتذكر 10,7 ثووان كما ذكر)) لان الجير بوكس بتاعها نسبه قصيرة
وانا جربت الامبريزا و بالفيديو جابت 10,5 تقريبا باستخدام الفتيس D\R ذو النسب القصير ايضا في فيديو حطيته في المنتدى هنا قبل كده

وبعدين كما ذكر توت التسارع مش كل حاجة في العربية و الا كانت الناس سابت البي ام الفئة الاولى و الجولف و جابت هيونداي جيتز عشان تسارعها اكبر
المهم الستابيليتي بعد ال 120 بيبقى عامل ازاي في الطريق و في المنحنيات

وبعدين اشمعنى يعني اليارس تعالى شوف الهوندا سيتي ال 1500 VTech بفتيس CVT بتجيب الميه في حوالي 8,5 يعني احسن من عربيات 2000 سي سي عادية تانية
و في الاخر برضه العربية مش تسارع بس
و طبعا الكلام ده لا يقلل من اليارس لانها عربية كويسة جدا..... بس جوه المدينة

[hazem_khidr]

انا جربت الياريس من صفر الي 100 كم و كان معايا واحد صاحبي بستوب وتش
جبت ال 100 علي التالت و في حدود 12 ثانيه
و اعجبت بيها جدا
ال 132 كنت بجيبها في 10 ثوان و كسور بس موتور 2000 و تكنولوجيا قديمه
الهوندا السيفيك 2007 1800 سي سي جابتهم في 10 ثواني برضه.
يعني الياريس تعتبر كويسه جدا
و دا زي ما اخويا توت قال راجع لقوه عزم الموتور و خفه العربيه

[Ahmed Anwer]

الياريس اللي في انجلترا الهاتشباك مش السيدان

[SAbuhashem]

كل العربيات دي ملهاش علاقة ببعضها لا في الموتور ولا في الوزن ولا في أي حاجة !!

بعدين دي أرقام نظري بس وعملي بتبقى أقل من كدة أو أكتر من كدة حسب اللي بيسوق وحالة الهوا والكاوتش والطريق ومعاملات تانية كتير

Thanks
Eng.Sherif Shaker

[sa3dawy]

انا متفق معاكوو جميعا ان العربية الاقوى هتسبق بعد ال100 او ال120
بس بردووا انتوو عارفين ان هنا الناس فى مش بيوصلو لأكتر من 100 او 120 كتيرر

[cobraa2008]

Proton Gen2 .. Gets From 0 To 60 miles in 12.6 seconds

اه الحمد الله انا استريحت كده اصل انا الادا بتاعتي جابت 100 كيلو في 12 ثانية بس
اه على فكرة انت مستبعد عربيات كتيييييييير في نفس الفئات على العموم اليارس محترمة بس موش على سرعات عالية ياعني 140 وكتير عليها هات حس انك في مراجييح

[cobraa2008]

:arghh:

انا متفق معاكوو جميعا ان العربية الاقوى هتسبق بعد ال100 او ال120
بس بردووا انتوو عارفين ان هنا الناس فى مش بيوصلو لأكتر من 100 او 120 كتيرر

لا عادي يا عني انا اقل سرعة بمشي عليها هي 120 لا في ناس في مصر كتييييييير بتعدي السرعة ده

[sa3dawy]

:arghh:
لا عادي يا عني انا اقل سرعة بمشي عليها هي 120 لا في ناس في مصر كتييييييير بتعدي السرعة ده

انا قصدى جوة المدينة !! :)
حتى على السرعات العالية الياريس مش مراجيح اوى كدا على فكرة !!!
ثبات حلو جدا لحد 140 مثلا