مازدا 323 ولا سيتروين Ax ??

[Ahmed Hamdy]

سلام عليكم يا جماعة ..
العربيتين دول فى حدود 25 ألف ..
أنه أحسن ؟؟
أنا شايف المازدا ميزتها انها اكبر وفيها شنطة بس موديلات قديمة 82 - 83 ..
السيتروين اصغر بس فيها كماليات أكتر و موديلات قريبة شوية 94 - 95 ...

مع ملاحظة أن تكون أيا منهما بتكييف على الاقل ..

ايه رأيكم ؟؟؟

[mohamed2002]

المازدا خلاص تقدر تقول بقيت موديل قديم وحتجبها ممكن تتعبك
السيتروين قطع غيار غالية ونادره بعض الشئ ,سعر اعادة البيع وحش لكن عربية ناعمة ومعقولة


كمل عليهم شوية وهات لك سويفت موديل حديث ,انتشار,قطع غيار متوفرة ومعمرة ,استهلاك بنزين رائع ,سعر اعادة البيع ممتاززز

بالتوفيق

[iBiZa]

1.3l 323 Mazda:
صالون واسع
شنطة واسعة
استهلاك بنزين جيد جدا
ممكن تجيب ال180 (تقفل العداد) لو حالتها كويسة
ثبات رائع حتى ال150
قطع غيار متوفرة
اسعار قطع الغيار متوسطة
مفيش كماليات

Citroen AX 1.4l:
صالون ضيق
يعتبر مفيش شنطة
استهلاك بنزين جيد جدا
بتجرى بطريقة غريبة, وممكن تجيب غلى التانى 80 او 100 (عشان وزنها خفيف)
ثبات عالى (بس مجربتش اسافر بيها)
قطع غيار متوفرة
اسعار قطع الغيار متوسطة
مش اى ميكانيكى بيحب يمد ايدة فيها عشان حوضها مليان
تكييف - سنتر - 2 زجاج كهرباء امامى - زجاج حرارى خلفى.

[hazem_khidr]

اشتري دماغك
هات المازدا
عربيه جميله جدا و برقبه السيتروين