محتاج استشاره وعلى مهلوكوا

[esmailzaki]

سلامو عليكو انا دى اول مشاركه ليا فى المنتدى ولكن انا متابع المنتدى من فتره طويله و عاجبنى لدرجه انى بدخل كل شويه عليه اشوف ايه الجديد او افتح مواضيع قديمه اقرها تانى
المهم عشان مطولش عليكوا انا كنت عايز اخد رايكوا فى حاجه كده انا كنت عايز اشترى عربية واعملها تاكسى وان شاء الله الموضوع ده هيبقى على دخلت الصيف الجاى انا من مطروح وطبعا من متبعتى الكتير للعربيات وانا فى اعدادى بقى عندى خبره كويس اوى فيها بس الصراحه العربيات القديمه او اللى مستعمله انما الجديد له هيبه يابيه
ودلوقتى انا مختار شويه عربيات عايز رايكوا فيهم :
- اسبرانزا m11
- جريت وول c30
- byd f3
-جيلى اميجراند 7
طبعا اللى هيقرا هيقولى ده كلوه صينى ياعم بس هقول حاجه دى العربيات اللى شايفها انها اد تمنها فى السوق واد فلوسى كمان
فانا عايز بقى كل واحد يعصر دماغه كويس ويقولى عوصارت تفكيره كده عشان دى هتبقى زيرو وتقسيط وهتلف طول النهار فى الشارع و طبعا انا مش هبهدلها ومش هركب حد عليها غيرى بس عايز بقى ارائكوا فى الحوار الطويل ده وشكرا ليكوا مقدما

[esmailzaki]

ما شاء الله كل دى مشاهدات ومحدش بيرد يعنى لو مكسلين تكتبوا ممكن تشاوروا
ولو مستقلين بموضوع التاكسى بلاش قولوا رايكوا على انها ملاكى بس هتبقى عربيه فحت وردم شكرا

[Land_Cruiser]

اعتقد f3 byd هى الاختيار المطلوب لان الماركه دى اكتسحت عالم التاكسيات و اكيد ده لانها من انسب الحاجات اللى تناسب هذا الاستخدام كسعر و خدمه شاقه و الدليل هو الانتشار بهذه ألطريقه ك تاكسى و موضوع ان عربيه تنتشر ده دلاله على انها كويسه و قطع غيارها هتبقى متوفرة و ناس كتيره هتلاقيها بتشتغل فى تصليحها بره التوكيل

[esmailzaki]

شكرا على ردك