هل الالنترا فعلا احسن من الانسر؟؟؟!!! ولا اييييييه؟

[mohamedway]

هل الالنترا فعلا احسن من الانسر؟؟؟!!! ولا اييييييه؟
من كتر اللى باسمعه عن العربيه ده من قوه و نعومه و ثبات بفكر ابيع عربيتى الانسر 1600 مانوال واجيب الانترا اتوماتك عشان البلد بقت زحمه قوى بس سيبكم دلوقتى من موضوع الاتوماتك ده انا عاوز اعرف من حد مجرب العربيتين كويس انهى الاحسن فعلا و هل مستاهله اغير ولا حرام؟!!!

[ahmed moustafa]

يا راجل حرام عليك اتستبدل الذى هو خير بالذى هو ادنى

[nobody]

بص انت لازم تركب وتسوق الالنترا عشان تحدد
هي الالنترا عيبها الوحيد فقط انها كوري
غير كده انا شايف انها احسن و افخم من اللانسر بصراحة
من حيث
1-نعومة الماتور وصوته الهادئ
2-الباور ميه
3-العزل ممتاز
4-مش ناشفة
5- فراملها باللمس
بس ما تضمنش بعد 5 سنسن حتبقى حالتها ايه الياباني معروف عنه انه معمر اكتر من الكوري

[hamada2010]

يا راجل حرررام عليك

دايما اللى فى ايديه نعمه مش حاسس بيهاااااااا داااااايماااااااا

[mohamed ibiza]

حد يبقي في ايده نعمة و يسيبها و يروح لحاجة اقل يعني ربنا انعم عليك بحاجة حلوة تسيبها و تروح للاقل مش كل ما يقال يسمع يا باشا انا رأيي الاتي:

اعتمادية وعمر افتراضي طبعا طبعا لانسر لو علي القوة و الاداء انت عربيتك 122 حصان و الانترا 121 حصان يعني مفيش فرق اصلا الشكل الانترا في رأيي احلي لكن دي اذواق كمان حد يروح لغبور برجليه!! الثبات لانسر معاك ثباتها حلو العربية وزنها 1200 كيلو و العربيةم عروفة ان ثباتها حلو الانترا من اللي سمعته اعتقد انهم زي بعض الصالون الانترا الخامات فيها تعبانة هو شيك لكن مش علي جودة عالية انما عندك نضيف و المحصلة النهائية لانسر طبعا حرام اوي انك تجيب الانترا و تسيب اللانسر

[mohamed ibiza]

بس لو انت نفسيا مش مرتاح للانسر غير عشان متكرههاش و تهملها انما لو انت حاببها لا تستمع للاقاويل الكثيرة

[cobraa2008]

ياااااااااااااااه ايه ده حد يسيب الانسر ويروح لهيونداااااااااي

بس انا من انصار المتسوبيشي با يعني خليك في اللي معاك


زي المثل ما بقول عصفور في اليد ولا غبوررر على الشجرة

[CosmicOne]

I have a Civic 2007
My cousin have Elantra 2008
& we both drived the Lancer 1600 auto & found the Elantra to be better than the lancer
also his friends in work have lancers & when they ride with him they tell him how much better is the Elantra in engine & stability.

[mohamed2002]

بلاش وخليك في الياباني الانسراكيد افضل

[loai-omar]

Lancerrrrrrrrrrrrrrrrrrrrrrrrrrrrrrrrr

بالتأكيد

الواحد بيشوف لانسر من التسعينات ماشاء الله شدا حيلها و مش مشخلله

و ياباني في غير ملكك :)

[fahd_628]

فى رأى اة الألنترا احسن

[Ramy.Gamal]

اولا : كلنا متفقين ان كل عربيه ليها مميزات وعيوب بس انا شايف ان عيوب الالنترا لا تغتفر انما عيوب اللانسر فى حدود المسموح بيها يعنى مثلا لو عملنا مقارنه سريعه :
اللانسر توكيلها ممتاز لا يقارن بغبور
اللانسر اعاده بيعها اعلى بكتير ولو عاوز تبعها بكره هتبعها انهارده
الاعتماديه والعمر الافتراضى وقطع الغيار اللانسر تكسب
بالنسبه لقوه الصاج لو فى اللانسر صاجها ضعيف يبقى الالنترا مفهاش صاج اساسا
والالنترا تكسب فى عزل ونعومه المحرك والباور اخف بس برضه مش وحش اوى فى اللانسر
بالنسبه للشكل ده مسأله اذواق واعتقد استهلاك البنزين متقارب والثبات ايضا
يبقى فى المحصله النهائيه اللانسر تكسب عن جداره

[cobraa2008]

لانسرررررررررررررررررر
لانسرسررسرسرسسررسرسرسرسررررررررررر


على فكرة انا من انصار المتسوبيشي

[zakiali]

للأسف للأخ اللي بيسأل مش هتقدر تغير ثقافة شعب اللانسر عامله زي الموبايل النوكيا كده في مصر بس لو انت مرتاح للألنترا هاتها وميهمكش رأي حد . وده طبعا مش تقليل من قيمه اللانسر لا سمح الله بس كل واحد بيعمل اللي بيريحه في الاخر .










.

[amir]

يا جماعه بلاش تعصب و تحيز لأي ماركه مش بس اللانسر
الناس بتدخل المنتدي للحصول علي اراء و تجارب اصحاب السيارات علشان يقدرو ياخدو قرارهم
تيجو انتو تملو دماغهم من ناحيه عربيه و بعدين الناس تدفع و تشتري و تدعي عليكو؟؟
و بعدين الناس اللي بتقول ان من مميزات اللانسر انها بياعه و جنيه دهب خلافه........
ايه الكلام ده هو احنا لسه عايشين في الزمن السحيق و اهم حاجه ان الفرخه اللي شايلها تبقي كبيره علشان لما اجي اقايضها تجيب بيض اكتر؟؟
يا جماعه و انا راكب العربيه ميهمنيش غير نعومه القياده و راحه الضهر و انا قاعد و شويه حاجات تانيه زي العزل الممتاز و صوت الموتور الواطي و خلافه
انما اقعد اقول شعر في العربيه و هي دون ذلك المستوي يبقي كلامي مش مظبوط
يا جماعه بلاش اتباع سياسه القطيع من دون حكم شخصي علي الامور
انا مجربتش الالنترا الجديده بس معانا لانسر 1600 2007 و احب اقول انها ( بغض النظر عن انها معمره) فهي اكبر مقلب ممكن الواحد يتحط فيه
عربيه عاديه عاديه جدا جدا و كراسيها مش مريحه في المسافات
العزل مش تمام قوي ثبات مشكوك في امره
بس مميزتها:
تكييف
باور
سنتر
4 زجاج كهربائي
كاسيت و سماعات
و فيه مميزات تانيه:
معمره
معبوده الجماهير
جنيه دهب
اه نسيت اسمها لانسر ( ودي اهم ميزه لها في عيون القطيع)