قاشقاي ولا سبورتج ولا سوبارو ولا حاجه تاني ؟؟

[mm_nader]

السلام عليكم
الى اهل الخبره انا ليا كام شهر محتار بصراحه وقررت اني اركب عربيه كروس اوفر انا معلوماتي عنها بسيطه خالص ومعرفش الكروس افضل ولا السيدان بس شكل الكروس عاجبني خصوصا اني طويل ف انا شايف ان الدخول والخروج من العربيه هايكون اسهل المهم انا بعد ما كنت مقتنع بالفلوانس ك سياره سيدان قررت اشتري الكروس اوفر وعاوز حد ينصحني
قاشقاي ولا سبورتاج ولا سوبارو وعاوز اسأل ال سبويلر ال ف السقف موجود ف القاشقاي ولا لا ؟ لاني بسافر كتير واحيانا بعوز احمل حاجه من فوق واسف للاطاله ولكم جزيل الشكر

[Hosam_Optrawy]

مبدأيا قبل الدخول فى المقارنة الفنية

السبورتاج عليها حجز بالشهور وكذلك القاشقاى وعشان تستلم فورى تدفع اوفر برايس وياريت ماتعملش كدا , ال XV انتشارها قليل واعتقد متوفره بسهوله حتى لو هاتحجزها هاتبقى فتره بسيطه

السبورتاج المفروض بنزين 95 بس معظم اللى جابوها بيحطوا 92 , القاشقاى 92 , السوبارو المفروض 92 برضه بس ركيبة السوبارو بيقولوا يفضل 95 خصوصا لو بتحرق كتير

اسعار السبورتاج 176 - 190 - 215 , القاشقاى فئه واحده ب 175 , ال xv ب 190 و 215

السبورتاج اوسعهم , اكبر فترة ضمان , اوسعهم فى الانتشار

ال XV اعلاهم عن الارض , اقلهم فى الانتشار واعادة البيع

القاشقاى الوسط مابينهم

بالتوفيق فى الاختيار

[enas007]

والله شوف برده بيجو 3008 سعرها مانيوال 175,000 و أوتوماتيك تبدامن 180.000 الي 200.000 ..... بصراحه هيه من جوه عربيه محترمه جدا انا قعدت في القشقاي والفرق كبير كمان مساحات التخزين فيها واسعه جداااااااا و موتور قوي تيربو 156 حصان
عيبها ان الاحسن ليها بنزين 95 بس 92 شغال عادي وعلي فكره التوكيل اتحسن كتيير و بالتوفيق

[hugan]

لو مش عندك عقده الصيني
البريليانس الجديده تحفه وسعرها اقل من الموديلات المطروحه
حوالي 40000 جنيه

[Land_Cruiser]

اعتقد ان الاختيار هيكون منحصر بين الاسبورتيج و القشقاى لو بتتكلم عن ال SUV . السوبارو xv هتتعب حضرتك فى قطع الغيار و فى سعر اعاده البيع و بيعها اكيد هيبقى تقيل جدا زيها زى السوبارو عامه و ان كان ده مش سببه عيب فى العربيه و لا حاجه فالعربيه محترمه جدا و ليها مكانتها فى العالم كله لكن عندنا مش ماشيه فى السوق و الوكيل بتاعها مش عارف يعملها الدعايه الكفايه و لا الاهتمام الكافى اللى يليق بيها.الاسبورتيج واسعه و عاليه عن الارض و تصميمها جديد و جذاب و موتورها مناسب لحجمها و الطلب عليها كبير و ضمان كيا خمس سنوات فدى من النقاط لصالحها و القشقاى كمان عربيه ممتازه تقفيل انجليزى و عاليه عن الارض و تصميمها جميل و فيها كل الكماليات اللى هتحتاجها و سقف بانوراما و ليها شويه كماليات حلوه ممكن تشوفها فى المواضيع اللى معموله عنها و فيها قضبان تحميل اللى حضرتك قلت عليها بس هى ضمانها ٣ سنوات و توكيل نيسان ممتاز . المشكله فى القشقاى و الاسبورتيج موضوع الاوفربرايس و ان كان فى القشقاى اقل و حتى لو حجزت من التوكيل القشقاى ممكن تستلم بعد ٣ شهور بينما الاسبورتيج موضوع الانتظار ده بيصل إلى سته شهور

[AHMED REFAT]

عيوب الاسبورتاج والقشقاى طول فترة الحجز واستلام فورى باوفر برايس عالى بيصل فى الاسبوتاج الى 25 الف و30 كمان فى بعض المعارض وخاصة الهاى لاين منها
عمليا الاسبورتاج تتفوف فى المقارنة لكونها كورى - اسعار قطع غيارها مدى توفرها وتواجدها خارج التوكيل - سعر اعادة البيع وسرعة البيع سيكون كله فى صالح الاسبوتاج
القشقاى عربية ممتازة نيسان تقفيل انجليزى .. من عيوب النيسان سعر اعادة البيع مش حلو قوى - العربية دى كل قطع غيارها وكيل فقط وغير منتشر بالاسواق زى الكورى - كمالياتها اقل من الاسبوتاج الهاى لاين فى حاجاتكتير واهمها الجهاز الاكترونى للثبات esp .
السوبارو عربية ما لهاش حل تقنيا وعمليا .. اما سوقيا فسيارة فاشلة من الجهات وانا بقول سوقيا خد بالك .. سعر اعادة البيع وحش جدا جدا .. قطع غيار غالية جداجدا وتوكيل بس انسى انك تلاقى منها بره التوكيلوبالذات الموديلات الزيرو القديم فيه منه فى الحرفيين بس الجديد عليك وعلى ابو غالى وما ادراك ما ابو غالى فى الصيانة وقطع الغيار .. بيعها صعب وبيتقال عليها على البطاقة يعنى بتكتب عليك زى الرقم القومى كده .. لا انصحك بها تمام لضياع القيمة المالية لها .. لكن كعربية بصراحة مالهاش حل ..
كل المقارنات ستكون فى صالح الاسبوتاج ..صلى استخارة وربنا يوفقك الى ما يحب ويرضى

[محمد بدر]

اعتقد ان الاختيار هيكون منحصر بين الاسبورتيج و القشقاى لو بتتكلم عن ال suv . السوبارو xv هتتعب حضرتك فى قطع الغيار و فى سعر اعاده البيع و بيعها اكيد هيبقى تقيل جدا زيها زى السوبارو عامه و ان كان ده مش سببه عيب فى العربيه و لا حاجه فالعربيه محترمه جدا و ليها مكانتها فى العالم كله لكن عندنا مش ماشيه فى السوق و الوكيل بتاعها مش عارف يعملها الدعايه الكفايه و لا الاهتمام الكافى اللى يليق بيها.الاسبورتيج واسعه و عاليه عن الارض و تصميمها جديد و جذاب و موتورها مناسب لحجمها و الطلب عليها كبير و ضمان كيا خمس سنوات فدى من النقاط لصالحها و القشقاى كمان عربيه ممتازه تقفيل انجليزى و عاليه عن الارض و تصميمها جميل و فيها كل الكماليات اللى هتحتاجها و سقف بانوراما و ليها شويه كماليات حلوه ممكن تشوفها فى المواضيع اللى معموله عنها و فيها قضبان تحميل اللى حضرتك قلت عليها بس هى ضمانها ٣ سنوات و توكيل نيسان ممتاز . المشكله فى القشقاى و الاسبورتيج موضوع الاوفربرايس و ان كان فى القشقاى اقل و حتى لو حجزت من التوكيل القشقاى ممكن تستلم بعد ٣ شهور بينما الاسبورتيج موضوع الانتظار ده بيصل إلى سته شهور

الكلام ده محترم جدا
ركز فى السيارتين دول (سبورتاج ،، قشقاى) ومتشتتش نفسك ومش هتندم
حتى لو اختيارك كان فى صالح القشقاى
بس انا ارشح لك السبورتاج بصفتى من مالكيها وانتمائى طبعا ليها
وممكن تعمل حاجة تانية وتعيش تجربتى
تحجز سيارة منهم وفى خلال فترة الحجز تكون قارنت براحتك وفى الآخر تستقر على السيارة

[محمد بدر]

عيوب الاسبورتاج والقشقاى طول فترة الحجز واستلام فورى باوفر برايس عالى بيصل فى الاسبوتاج الى 25 الف و30 كمان فى بعض المعارض وخاصة الهاى لاين منها
عمليا الاسبورتاج تتفوف فى المقارنة لكونها كورى - اسعار قطع غيارها مدى توفرها وتواجدها خارج التوكيل - سعر اعادة البيع وسرعة البيع سيكون كله فى صالح الاسبوتاج
القشقاى عربية ممتازة نيسان تقفيل انجليزى .. من عيوب النيسان سعر اعادة البيع مش حلو قوى - العربية دى كل قطع غيارها وكيل فقط وغير منتشر بالاسواق زى الكورى - كمالياتها اقل من الاسبوتاج الهاى لاين فى حاجاتكتير واهمها الجهاز الاكترونى للثبات esp .
السوبارو عربية ما لهاش حل تقنيا وعمليا .. اما سوقيا فسيارة فاشلة من الجهات وانا بقول سوقيا خد بالك .. سعر اعادة البيع وحش جدا جدا .. قطع غيار غالية جداجدا وتوكيل بس انسى انك تلاقى منها بره التوكيلوبالذات الموديلات الزيرو القديم فيه منه فى الحرفيين بس الجديد عليك وعلى ابو غالى وما ادراك ما ابو غالى فى الصيانة وقطع الغيار .. بيعها صعب وبيتقال عليها على البطاقة يعنى بتكتب عليك زى الرقم القومى كده .. لا انصحك بها تمام لضياع القيمة المالية لها .. لكن كعربية بصراحة مالهاش حل ..
كل المقارنات ستكون فى صالح الاسبوتاج ..صلى استخارة وربنا يوفقك الى ما يحب ويرضى

بارك الله فيك وجعل الله مساعداتك للأخوة الأعضاء فى ميزان حسناتك
أوجزت فأنجزت

[S O P H O S]

كراي قشقاي
والله اعلم ..

[koheya]

بس لية حضرتك صرفت نظر عن الفليوانس مع انها اوبشن اكتر واوسع بكتير وارخص ب15 الف عن القشقاى لانى بصراحة بقارن ما بينهم زى حضرتك ولغاية دلوقتى الفليوانس كسبانة

[mm_nader]

بس لية حضرتك صرفت نظر عن الفليوانس مع انها اوبشن اكتر واوسع بكتير وارخص ب15 الف عن القشقاى لانى بصراحة بقارن ما بينهم زى حضرتك ولغاية دلوقتى الفليوانس كسبانة

انا قلت اركب عربيه عاليه شويه بس ازاي الفلوانس اوسع ؟؟ حضرتك متأكد من المعلومه دي ؟ وشكرا لمرور حضرتك

[mm_nader]

مبدأيا قبل الدخول فى المقارنة الفنية

السبورتاج عليها حجز بالشهور وكذلك القاشقاى وعشان تستلم فورى تدفع اوفر برايس وياريت ماتعملش كدا , ال xv انتشارها قليل واعتقد متوفره بسهوله حتى لو هاتحجزها هاتبقى فتره بسيطه

السبورتاج المفروض بنزين 95 بس معظم اللى جابوها بيحطوا 92 , القاشقاى 92 , السوبارو المفروض 92 برضه بس ركيبة السوبارو بيقولوا يفضل 95 خصوصا لو بتحرق كتير

اسعار السبورتاج 176 - 190 - 215 , القاشقاى فئه واحده ب 175 , ال xv ب 190 و 215

السبورتاج اوسعهم , اكبر فترة ضمان , اوسعهم فى الانتشار

ال xv اعلاهم عن الارض , اقلهم فى الانتشار واعادة البيع

القاشقاى الوسط مابينهم

بالتوفيق فى الاختيار

بارك الله في وشكرا للافادة

[mm_nader]

والله شوف برده بيجو 3008 سعرها مانيوال 175,000 و أوتوماتيك تبدامن 180.000 الي 200.000 ..... بصراحه هيه من جوه عربيه محترمه جدا انا قعدت في القشقاي والفرق كبير كمان مساحات التخزين فيها واسعه جداااااااا و موتور قوي تيربو 156 حصان
عيبها ان الاحسن ليها بنزين 95 بس 92 شغال عادي وعلي فكره التوكيل اتحسن كتيير و بالتوفيق

بارك الله في وشكرا للافادة بس حضرتك متأكد من الاسعار دي ؟؟؟؟ انا شفت اسعار اعلى بكتير بتبدي من 215

[AHMED REFAT]

بارك الله فيك وجعل الله مساعداتك للأخوة الأعضاء فى ميزان حسناتك
أوجزت فأنجزت

جزاك الله خيرا على هذا الرد الطيب وهذا الدعاء الكريم .. جزانى الله واياك الخير كله ان شاء الله .. وجعلنا بنيانا مرصوصا يشد بعضه بعضا

[MTAK]

والله انا برضه فى نفس الحيره و نفس المقارنة

بس حكايه الاوفر برايس دى موقفانى عن الكيا تماما لانى مش معقول ادفع ففى عربيا كيا مع احترامى لها 240 الف

و كمان يكونوا اوفر برايس

ما يهمنى ليس سعر اعاده البيع و لكن يهمنى الاعتماديه على مدار السنوات علشان كده خايف من الصينى

الكيا فيها كل حاجه بس مش ناوى احجز و يشتغلوا بفلوسى و يعملوا بها ارباح
او ادفع زياده مبلغ لا يستهان به فى ظروفنا الحاليه

القاشقاى مش محتاج اتكلم عليها لانى راكب تيدا بقالى 5 سنين و عارف يعنى ايه نيسان و توكيلها بس مشكلتى معاها برضه الاوفر برايس و كمان احساسى ان العربيه فقيره داخليا (و اعتقد انهم عملوا كده علشان ينزلوا بالسعر شويه)

السوبارو انا ماسوقتهاش بس من زمان بيقولوا عليها موتور و عفشه مفيش بعد كده و مشكلتها انها فقيره داخليا ايضا بس شوفتها النهارده ماحستش اوى بفقرها الداخلى يعنى اعلى من القاشقاى

و نش عارف اعمل ايه بس اللى واجهنى ساعة ما اشتريت التيدا 2007 و كان بقالها شهور فى السوق

انك مش هاتعرف تبيعها و قطع غيارها مش متوفره و كمان قليله

و كنت ارد و اقول العربيه لسه مابقالهاش شهور يبقى ازاى احكم على اعاده بيع و قطع غيار

انا معكم ان حاجه السوبارو غاليه بس السؤال الاهم من هذا هل قطع الغيار دى معمرة و لا بتتغير كل شويه

لانها لو معمره يبقى مفيش مشكله - انا باغير تيل بـ 450 جنيه و صاحبى معاه لانوس بيغيره بـ 220 فى التوكيل
بس انا قاعد به 75 الف و هو مابيكملش 30 الف

وجهة نظرى السوبارو xv افضل

و ارجو لو حد تانى له رأى اخر يفيدنا به حيث ان الموضوع صعب اوى القرار فيه