مقارنة بين تيدا و باسات و بورا و لانسر

[dodopop2]

يا جماعة عايز ارائكم الفنية انا بختار ما بين:-

1- نيسان تيدا 2009-2010
2- فولكس باسات 2002
3- فولكس بورا 2005
4- متسوبيشى لانسر 2008 بوما

ارجو الافادة لان بجد دماغى هتضرب

[S O P H O S]

كراي بلاش رقم 2 و3
شلهم افضل
مجرد راي ..

[SYD]

كراي بلاش رقم 2 و3
شلهم افضل
مجرد راي ..

دة تعصب عنصري
عايزه يشيل الألماني ويسيب الياباني ؟؟؟

انا شايف ان الأختيارات مش عادلة
بتقارن موديلات 2008 و 09 بموديل 02 و05

وكمان الفئة السعرية مش واحدة ؟؟
انت بناء علي اي اساس عملت التوليفة دي من الأختيارات ؟؟؟؟

الفيصل الوحيد - انت حابب انهي ركوبة ؟؟؟ والحالة العامة للسيارة

في رأيي الشخصي - بورا بحالة تمام احسن من تيدا او بومة موديل 2009 - كعوامل أمان وركوبة ومصاريف تشغيل ومتعة قيادة

[dodopop2]

انا عملت التوليفة دى على اساس 2 سيناريو:
الاول ان فى احسن الاحوال وتكون ظروفى المادية توصل ل 80-85 يبئى لانسر او تيدا
الثانى لو الدني متتظبطتش اجيب باسات 2002 او بورا 2005 فى حدود 65 -70
عايزين الرد الفاصل يا جماعة ارجوكم

[dodopop2]

طبعا بشرط الحالة الجيدة جدا كمان لانى مش هوفر فلوس وبعدين اصرفهم عند الميكانيكية

[SYD]

انا مش فاهم حاجة !!!

يعني حضرتك جاهز ولا لسة ؟؟؟؟
ولا انت بتسأل علي ما تجهز ؟؟؟

اصل بصراحة مفيش مقارنة خالص بين الألماني والياباني

الألماني استايل و الياباني استايل تاني
الحاجة التانية
2009 ليها زهوة ورونق - و2002 ليها رونق تاني

مايتجمعوش مع بعض

وبالتالي لو افترضنا ان الحالة كويسة فيهم كلهم
يبقي طبعا الباسات
يليها بورا
يليها لانسر
يليها تيدا

[a7medsh3rawi]

لا شئ يقارن مع الباسات بداية من موديل 98 بس يشترط الحاله .
ولو طالبه معاك يابانى يبقى ما تركبش غير الكورولا وخصوصا موديل 2007.
العربيات دى ما بتروحش للصيانه الا كل فين وفين واثبتت ثقة العملاء فى القوة وبستحتمل الطرق بتاعتنا.

[dodopop2]

دة تعصب عنصري
عايزه يشيل الألماني ويسيب الياباني ؟؟؟

انا شايف ان الأختيارات مش عادلة
بتقارن موديلات 2008 و 09 بموديل 02 و05

وكمان الفئة السعرية مش واحدة ؟؟
انت بناء علي اي اساس عملت التوليفة دي من الأختيارات ؟؟؟؟

الفيصل الوحيد - انت حابب انهي ركوبة ؟؟؟ والحالة العامة للسيارة

في رأيي الشخصي - بورا بحالة تمام احسن من تيدا او بومة موديل 2009 - كعوامل أمان وركوبة ومصاريف تشغيل ومتعة قيادة

الحمد لله انا جاهز بس لو كانت ركوبة الباسات 2000 افضل ومفيش مشاكل ووجع قلب عند الميكانيكة وبتوع قطع الغيار يبئى اختار الباسات واوفر 15000 جنيه وهو ده اللى انا محتاجه منكم يا جماعة حد فاهم اوى العربيات اللى انا كاتبها وياريت يكون ركب العربيات دى فترة او حتى مروا عليه من خلال تجارب لاصدقائه او معارفه

[dodopop2]

لا شئ يقارن مع الباسات بداية من موديل 98 بس يشترط الحاله .
ولو طالبه معاك يابانى يبقى ما تركبش غير الكورولا وخصوصا موديل 2007.
العربيات دى ما بتروحش للصيانه الا كل فين وفين واثبتت ثقة العملاء فى القوة وبستحتمل الطرق بتاعتنا.

ليه لاشىء يقارن مع باسات 98؟
الحاجة التانية انا احساسى الشخصى ان عربية مر على انتاجها 12 سنة حتى لو كشفت عليها واتقالى انها جيدة جدا اعتقد انها هتكون جابت اخرها وكمان انسى نهائى انى ابيعها لانها هتكون بئت من الاثار!
مش عارف يا جماعة انا ده تفكير المعتمد على عدم وجود خبرة لذلك انا عايز خبرتكم

[ahmedeihab]

عربيه عمليه و سريعه فى صيانتها ميتسوبيشى

تيدا مش برشحها

عربيه فخامه و كل حاجه تتخيلها بس الصيانه عند ناس متخصصين يبقى الالمانى و برشح البورا طبعا

^_^

[dodopop2]

عربيه عمليه و سريعه فى صيانتها ميتسوبيشى

تيدا مش برشحها

عربيه فخامه و كل حاجه تتخيلها بس الصيانه عند ناس متخصصين يبقى الالمانى و برشح البورا طبعا

^_^

المانى ايه وموديل كام؟
وشكرا على الرد السريع

[ahmedeihab]

المانى ايه وموديل كام؟
وشكرا على الرد السريع

كل الالمانى جميل

البورا ال 2005 جميله

^_^

[Ahmed Selim]

لو لقيت بورا حالتها كويسة توكل على الله لو مش فارق معاك فرق الموديل

الباسات أحسن لو 2000 سى سى.......لو 1600 هتلاقيها بطة شوية....ده غير أن قطع غيارها أتوقع هتكون أغلى من البورا.

الألماني مش بيقدم قبل 20 سنة........بشرط المحافظة على العربية مش بهدلتها :)

[mody4990]

- نيسان تيدا 2009-2010
2- فولكس باسات 2002
3- فولكس بورا 2005
4- متسوبيشى لانسر 2008 بوما
بص يا جميل انا هحاول اجبلك الخلاصه
التيدا انا بصراحه مجربتهاش
انا جربت الانسر والبورا والباسات
الانسر قعدت معايه حوالي شهرين وكانت بتاعة ابن خالتي عربيه جميله وشبابيه وقطع غيارها بين العالي والمتوسط في السعر ثباتها كويس بس وسوقها حلو بس بلاش ال 1300 خليك في 1600 بس في النهايه تعتبر عربيه خفيفه الوزن يعني تسارع ممتاز حتى لو اتوماتك وثبات مش قوي طبعا ده مقارنتا بالالماني .
البورا عربيه الماني بمعنى الكلمه ونفس فئة الانسر بس ثبات ممتاز على سرعات عاليه وفرامل ممتازه وعربيه تقيله يعني تسارع كويس بس الثبات ممتاز وطبعا بعد 80 كيلو العربيه بتتحول لصاروخ عابر القارات ممكن تسافر بيها اي مسافه في اي وقت وتحت اي ظروف يعني من الاخر ارشحهالك عن الانسر .
نيجي بقى في الباسات انا شخصيا عندي عربيه باسات موديل 2000 دي اولا فئة اكبر من فئة الانسر والبورا في الحجم صالون واسع ماشاء الله ثبات مش ممكن تتخيله ابدا وفرامل توقف العربيه في وقت عجيب ومتسألنيش ازاي العربيه وزنها تقيل يعني ثبات على سرعات عاليه جدا وتاخد بيها دورانات على سرعات عاليه والعربيه متتهزش ملي واحد قطع غيارها ارخص من البومه بكتييييييييييييير وموجوده جديد واستيراد الفرق بينها وبين البورا زي الفرق بين الشقه والقصر الشقه جميله وكل حاجه بس القصر ليه وقاره العربيه دي معايا اديلها حوالي سنتين ومش ناوي ابيعها خالص علشان اثبتت فعلا كفائه لاتتخيلها
وهقولك على موقف حصل معايه بالانسر في شارع الهرم الساعه 12 باليل حصل معايه موقف وانا ماشي بيها على سرعة 80 طلعلي واحد من يو تيرن علشان يقص الشارع فكان لازم اخد منه غرزه علشان ملبسش فيه طبعا انا متعود على الباسات اخدت الغرزه بس بقوه شويه حسيت ان العربيه هتتقلب بيا علشان فعلا في عجله ورا رفعت في الهوا بس ربنا ستر وعرفت اعدلها لو الموقف ده كان بالباسات كمكنش حصل الي حصل طبعا ده قضاء وقدر وربنا بيسترها بس انا اقصد اني اخلي حضرتك تتخيل الفرق كان قد ايه بين عربيتين ياباني والماني وزي ما قال زميل الالماني بيبتدي يقدم بع 20 سنه ويمكن اكتر كمان في رايي ولو مش بتهتم بالعربيه مش هتكمل معاك شهر حتى لو راكب عربيه مش بيحصلها حاجه
اسف على الاطاله
وبالتوفيق

[dodopop2]

- نيسان تيدا 2009-2010
2- فولكس باسات 2002
3- فولكس بورا 2005
4- متسوبيشى لانسر 2008 بوما
بص يا جميل انا هحاول اجبلك الخلاصه
التيدا انا بصراحه مجربتهاش
انا جربت الانسر والبورا والباسات
الانسر قعدت معايه حوالي شهرين وكانت بتاعة ابن خالتي عربيه جميله وشبابيه وقطع غيارها بين العالي والمتوسط في السعر ثباتها كويس بس وسوقها حلو بس بلاش ال 1300 خليك في 1600 بس في النهايه تعتبر عربيه خفيفه الوزن يعني تسارع ممتاز حتى لو اتوماتك وثبات مش قوي طبعا ده مقارنتا بالالماني .
البورا عربيه الماني بمعنى الكلمه ونفس فئة الانسر بس ثبات ممتاز على سرعات عاليه وفرامل ممتازه وعربيه تقيله يعني تسارع كويس بس الثبات ممتاز وطبعا بعد 80 كيلو العربيه بتتحول لصاروخ عابر القارات ممكن تسافر بيها اي مسافه في اي وقت وتحت اي ظروف يعني من الاخر ارشحهالك عن الانسر .
نيجي بقى في الباسات انا شخصيا عندي عربيه باسات موديل 2000 دي اولا فئة اكبر من فئة الانسر والبورا في الحجم صالون واسع ماشاء الله ثبات مش ممكن تتخيله ابدا وفرامل توقف العربيه في وقت عجيب ومتسألنيش ازاي العربيه وزنها تقيل يعني ثبات على سرعات عاليه جدا وتاخد بيها دورانات على سرعات عاليه والعربيه متتهزش ملي واحد قطع غيارها ارخص من البومه بكتييييييييييييير وموجوده جديد واستيراد الفرق بينها وبين البورا زي الفرق بين الشقه والقصر الشقه جميله وكل حاجه بس القصر ليه وقاره العربيه دي معايا اديلها حوالي سنتين ومش ناوي ابيعها خالص علشان اثبتت فعلا كفائه لاتتخيلها
وهقولك على موقف حصل معايه بالانسر في شارع الهرم الساعه 12 باليل حصل معايه موقف وانا ماشي بيها على سرعة 80 طلعلي واحد من يو تيرن علشان يقص الشارع فكان لازم اخد منه غرزه علشان ملبسش فيه طبعا انا متعود على الباسات اخدت الغرزه بس بقوه شويه حسيت ان العربيه هتتقلب بيا علشان فعلا في عجله ورا رفعت في الهوا بس ربنا ستر وعرفت اعدلها لو الموقف ده كان بالباسات كمكنش حصل الي حصل طبعا ده قضاء وقدر وربنا بيسترها بس انا اقصد اني اخلي حضرتك تتخيل الفرق كان قد ايه بين عربيتين ياباني والماني وزي ما قال زميل الالماني بيبتدي يقدم بع 20 سنه ويمكن اكتر كمان في رايي ولو مش بتهتم بالعربيه مش هتكمل معاك شهر حتى لو راكب عربيه مش بيحصلها حاجه
اسف على الاطاله
وبالتوفيق

بجد طريقة سردك للموضوع حسستنى انى انا اللى قطعت عليك شارع الهرم ههههههه طيب انا هسأل فى حاجتين بالنسبة للباسات 2000 سى سى ايه اخبار استهلاك البنزين وبتملاها بنزين بكام ، تانى سؤال ايه النصايح اللى تنصحنى بيها لو انا بدور على باسات 2000سى سى وياترى انت مش خايف من موضوع دعم البنزين اللى هيتشال من العربيات ال2000 سى سى؟