أجيب ايه مستعمل في رينج 50 ؟

[maxx]

كنت ناوي على زيرو و قسط و بعدها قولت لا مش هقسط حاجة ... و هجيب حاجة مستعملة

المطلوب عربية ما تقلبش دماغي اعطال و تكون اوتوماتيك علشان الزحمة ... ثبات و اداء فرامل و سحب موتور تمام.

انا اصلا كنت ناوي ادفع لحد 45 بس يعني ممكن نوصل ل اول ال خمسينات ...

اللي لقيته في الرينج ده سيفيك 92-93 و لانسر 99 و زيها كورولا ... و فيكترا 98 ... استرا 2004-2005 و في كمان بولو 1999


مش طالبة معايا فيرنا عربية كويسة صحيح بس الثبات مش كويس و اداء الفرامل الكل عارفه !


تنصحوني بإيه ؟ و ليه ؟

[Sehsss]

لو لقيت أسترا حالتها كويسة توكيل على الله

[Mamoud salah H]

فيكترا 1997:1998
2000cc اوتوماتيك
فيها كل الاوبشنز وثبات واداء عالي و abs وشكل رياضي

[maxx]

شكراً على اهتمامكم ... انا حاسس ان الاسترا اقرب لأنها 1600 تكلفة البنزين و التراخيص هتكون اقل شوية ... كمان حجمها مناسب اكتر من الفيكترا اللي هتضايقني في السواقة شوية بسبب حجمها. طبعا ده غير ان الاسترا هتكون اقربهم في موديل السنة يعني اسهل اني الاقي فيها حاجة حالتها كويسة بكيلوهات مش كتير عن الباقيين ...

ولا ايه ؟

[karim ahmed]

انا عندى نفس المشكله ديه و بدات ادور على فيات بونتو و مش عارف اذا كان اختيار صح ولا غلط عشان نوتور 1300 Cc

[matrix_it]

كورولا 99

[Mohamed Hafiz]

انا كمان بدور على أسترا بس أظن ان 2003-2004 حتعدي 55 الف
ممكن 2001 بحوالي 43-48 ... الكل بينصح و المهم الحاله طبعا
بالتوفيق لي و لك هههه

[maxx]

عدلت عن فكرة الأسترا لما دخلت على المنتدي بتاع اوبل و شوفت الناس بتشتكي من توافر قطع الغيار للموديل 1600 خصوصا حاجات العفشة ... و اعتقد اني هفكر فى البولو اكتر