أفيدونى فى تيريوس 2011 بلاتينوم

[iahamza]

شباب بشترى عربيه تيريوس 2011 بلاتينوم اتوماتك عامله حواللا 60 الف كيلو
العربيه حالتها كويسه ايه رايكم فيها وسعرها فى حدود عاو وكمان مميزات وعيوب واسعار قطع الغيار

[MohssenRashed]

انا معايا 2007 هي نفسها بس في شوية تغيرات في الكماليات.

العيوب من وجه نظري: عفشة ناشفة و ثبات ضعيف نسبيا و الشعور بالسرعة كبير, التكيف ضعيف لما الجو يكون حر اوي

المميزات: عالية عن الارض و بتستحمل الصراحة و بعدين تحس عربية ماسكة نفسها كدة

عالية عن الارض حمالة قسية بجد.

قطع الغيار اللي غيرتها:

تيل فرامل من التوكيل 600 جنية
بلي امامي 600 جنية
فلتر الزيت 50 جنية
فلتر هواء اصلي 220 جنية.

كاوتش r16 215/65 بريدجستون ياباني 780 جنية الفرده الواحده

ممكن حضرتك تأخد لفة في قسم دايهاتسو هتعرف كل حاجة

[iahamza]

شكرا ليك...
حساس ان الاسعار دى غاليه اوى
تيل الفرامل ب 600 ده الامامى ولا الخلفى
وهل فيه طريقه لمعالجه الثبات والعفشه النشفه يعنى ممكن على سبيل المثال ضغط الكاوتش ممكن يعمل فرق
وكمان 2011 دى رينج سعرها كام وياريت استهلاك البنزين
اسف على الاطاله....

[MohssenRashed]

شكرا ليك...
حساس ان الاسعار دى غاليه اوى
تيل الفرامل ب 600 ده الامامى ولا الخلفى
وهل فيه طريقه لمعالجه الثبات والعفشه النشفه يعنى ممكن على سبيل المثال ضغط الكاوتش ممكن يعمل فرق
وكمان 2011 دى رينج سعرها كام وياريت استهلاك البنزين
اسف على الاطاله....

العفو ياباشا

600 جنية ده سعر تيل الفرامل الامامي فقط من التوكيل.

الثبات مش و حش (مش زي التيريوس القديمه ) يعني لحد 120 130 كم/س حلو جدا ده غير ان عداده اخره 180 كم/س و تقريبا مقفولة على 150 كم/س

العفشة ناشفة و ده طبيعي عشان عربية 4*4 لازم تكون كده, ايا معاه ال 7 راكب في السعودية العفشة بحس انها انعم معرفش لية ممكن اصحاب ال 7 راكب يفيدونا في الحتة دي.

بخصوص الاسعار الصراحة معرفش, هي معروضة عليك بكام؟

استهلاك البنزين بتعمل نعايا في الزحمة تقريبا 350 كم لل 40 لتر في السفر تقريبا 450 كم لل 40 لتر.

[iahamza]

بالنسبه لسعرها حوالى 100 - 105 الف يا ترى ده مناسب ولا ايه - مش عارف اخد قرار - العربيه ركبتها حستها قويه و شديده بس خايف من قطع الغيار و على فكره هى التيريوس الصغيره 2x4

[Dawns_Mist]

التريوس سحبها ممتاز ، و تقفيلها ممتاز .. لكن عفشتها ناشفة نسبيا .. و أكبر عيب ثباتها السيء
العربية من جوه ضيقة على فكره مش واسعه ..
في رأيي التريوس من أسوأ الإصدارات الياباني خصوصا بالمقارنة بسعرها العالي جدا عليها ..
و كمان في الـ 4*4 مش قوية ... في رأيي تبعد عنها خالص في المستعمل .. خصوصا إن قطع غيارها غالية فعلا

[wael30003]

شوف الداستر جديد ة 135000 جنيه واسعة وثبات وبتوصل ل 160 كم / ساعة وسحبها حلو مقارنة بحجمها وموتورها ال1600 واسال وشوف ومش هتخسر حاجة