ما هى عيوب و محاسن الهيونداى النترا

[amrhos]

:)انا سوف اشترى هيونداى النترا و اريد اعرف تجربة شخص يعلم جيدا بعيوبها و محاسنها من ناحية :

1/الوسع من الداخل
2/الثبات
3/الكرسى و راحة الضهر فى المسافات و السفر
4/استهلاك البنزين
5/وكل شئ يتعلق بالراحه الشخصيه و استمتاعى بالسياره 5 سنوات ان شاء الله

و اكون شاكر لكل من اعطانى من وقته و تجربته و ساعدنى و قدم لى النصيحه

فيه منها موديل جديد كامله اتوماتيك بفتحة سقف ب113000 جنيه :)
:embarrassed2:
شكرا لكل من اهتم و جزاكم الله خير

[nobody]

من الآخر خد مني هي الالنترا عيبها الوحيد فقط انها كوري
غير كده انا شايف انها احسن و افخم من اللانسر بصراحة
من حيث
1-نعومة الماتور وصوته الهادئ
2-الباور ميه
3-العزل ممتاز
4-مش ناشفة
5- فراملها باللمس

[tayson54]

من الآخر خد مني هي الالنترا عيبها الوحيد فقط انها كوري
غير كده انا شايف انها احسن و افخم من اللانسر بصراحة
من حيث
1-نعومة الماتور وصوته الهادئ
2-الباور ميه
3-العزل ممتاز
4-مش ناشفة
5- فراملها باللمس

يعني ايه عيبها الوحيد انها كوري ومن كده ممكن احنا نستخلص عيوبها ازاي يعني ؟

[Ramy.Gamal]

يعني ايه عيبها الوحيد انها كوري ومن كده ممكن احنا نستخلص عيوبها ازاي يعني ؟

معنى انها كورى يعنى مش معمره زى اليابانى وبالتالى سعر اعاده بيعها بينزل بشده .والفيتيس الاوتوماتيك فى الكورى مشاكله كتير وصيانته مكلفه ومتكرره .فيه عيب خطير فى كل السيارات الهيونداى فى مصر وهى ان توكيلها غبور يعنى سهل جدا تدخل تعمل صيانه دوريه تلاقى 3 او 4 حاجات باظت فى العربيه .غير كده العربيه ممتازه فى كل حاجه بس محتاجه تعاملها معامله الحبيبه يعنى تكون مركز معها فى كل صوت يظهر مثلا و تعمل الصيانه قبل ميعادها وتغير الزيت قبل ميعاده

[tayson54]

معنى انها كورى يعنى مش معمره زى اليابانى وبالتالى سعر اعاده بيعها بينزل بشده .والفيتيس الاوتوماتيك فى الكورى مشاكله كتير وصيانته مكلفه ومتكرره .فيه عيب خطير فى كل السيارات الهيونداى فى مصر وهى ان توكيلها غبور يعنى سهل جدا تدخل تعمل صيانه دوريه تلاقى 3 او 4 حاجات باظت فى العربيه .غير كده العربيه ممتازه فى كل حاجه بس محتاجه تعاملها معامله الحبيبه يعنى تكون مركز معها فى كل صوت يظهر مثلا و تعمل الصيانه قبل ميعادها وتغير الزيت قبل ميعاده

انا معاك ان لو غبور توكيل سئ و فيه ادله علي كده كلنا سمعنا عنها وتأكدنا منها يبقي بالتالي غبور بالتأكيد توكيل سئ لكن اللي اعارضك فيه هو الكلام المرسل علي مثال حضرتك ذكرته من غير ادله وهو ان الفتيس الكوري مشاكله كتير وصيانته مكلفه ومتكرره فياريت لو عندك امثله علي مشاكل حصلت ادامك او حتي تقول لنا ايه هي المشاكل المتكرره دي او حتي تعرف تكلفه الصيانه الغاليه دي في حدود اد ايه فتتفضل وتكلمنا عليها علشان نقتنع فعلا ان العربيات الكوري ليها العيوب دي فلما نكلم حد تاني عليها نقوله احذر من الكوري والأسباب اهه والأدله اهه ...تمام ؟

[Ramy.Gamal]

مشاكل الفيتيس الاوتوماتيك الكورى ظهرت فى كذا موديل كورى من بينهم النوبيرا والسيفيا وطبعا مش فى كل العربيات بس اثر بالسلب على بقيه السيارات الكورى الاوتوماتيك .كذا معرض بيبيع مستعمل يقولى احنا بنشترى الاوتوماتيك الكورى ارخص من المانيوال الكورى ده لو اخدناه اصلا يبقى حضرتك اشتريت عربيه كورى اوتوماتيك ازيد من المانيوال بتاعتها ب 7 او 8 الف جنيه وتيجى تبعها تلاقى نفسك بيعها ارخص من المانيوال اللى زيها .وعلى فكرة المصريين بس هما اللى لسه بيجادلوا فى موضوع ان الكورى مش اقل فى العمر والجوده من اليابانى يعنى بقيه الدول العربيه وحتى اوروبا وامريكا عمرهم ما بيتكلموا فى النقطه ده لانهم عرفوها خلاص وبقوا متأكدين منها .بالنسبه لنقطه غبور حضرتك ممكن تدخل فى منتدى هيونداى وتشوف ازاى بعض الاعضاء بيلعنوا اليوم اللى جابوا فيه هيونداى علشان غبور وعاملين مجموعه تغور من وش غبور ولا هيونداى بعد اليوم http://www.nilemotors.net/Nile/showthread.php?t=26847
وده لينك تانى كمان:

http://www.nilemotors.net/Nile/showthread.php?t=20687

[tutankhamoun]

كلمة كوري اللي أحنا بنقولها في مصر دلوقتي
هي هي اللي كانت بتتقال على الياباني في بداية الثمانيات لما كانت الناس بتعتبر أن ده عيب في العربية أنها مصنوعة في اليابان

المهم
الإلنترا
واخدة جوايز كتير في أمريكا ............. و عربية شكلها جميل جدا و موتورها تكنولوجيا حديثة و شكلها وقور و محترم قوي
و أنا شايف إن العيبين اللي فيها و ظاهرين
صاجها مش محمل
و توكيلها غبور

إنما كوري ............ هيونداي من أكبر منتجي السيارات في العالم حاليا و لها سوق كبير في آسيا و أمريكا الشمالية و الشرق الأوسط و أثبتت كفاءة على مر السنين و خصوصا الموديلات الحديثة الي أرتفعت فيها الجودة و ظهرت فيها الخبرة المكتسبة

---------------

لا يوجد سئ مطلق و لا جيد مطلق
و اللي في يوم صغير كبر و بقى عملاق
و محدش بيفضل صغير على طول
و أكبر دليل .............................................. اليابان

[mohamed ibiza]

في عضو مالك هنا قالي جملة قبل كده علي الانترا 2008 قالي العربية وحش علي الطريق ثبات و تسارع جبار و تطلع من اجدعها عربية انما مبتستحملش و هو ده عيب الكوري خامات غير عالية الجودة بالتالي العمر القصير للمكونات الاساسية للعربية مش بتعمر خصوصا في بلد زي بلدك و توكيل زي غبور اللي لو وديتهلم العربية عشان يكحلوها ممكن يعموها و يفقعوا عينيها كمان...و من الاخر كده مفيش حاجة اسمها مفيش كوري و ياباني و الماني لا فيه الكلام ده و كل بلد معروفة بخاماتها القوية او الرديئة في التصنيع و معروف تاريخها اذا كان اثبتت كفاءة او 3\4 اللي موجود منها مفوت او بيفوت او مفيص في ايد الناس يعني مثلا لما تيجي تدور في تاريخ الانترا هتلاقي كتير جدا جدا و موجدين في الشوارع من الانترا 96 مفوت منها كتير و شفت بنفسي كتير جدا جدا منها مفوت بينما تدور علي تويوتا كورولا 91 فين و فين لما الواحد يشوف واحدة مفوتة ولا عايزة عمرة معلش البلدان موجودة و صناعاتهم قائمة و الخامة الالماني تفرق عن الياباني و تفرق عن الكوري اينعم الكوري متطور و بيطور و فيه تكنولوجي عالي لكن اعتمادية لا و صحيح في تقارير اعتمادية جت في صالحهم بس علي ارض الواقع الكلام ده متحققش و انا رأيي في الانترا انها كشكل حلوة و سريعة و ثابتة و بنزينها قليل توكيل زفت واسعة جدا و شنطتها جامدة و كبيرة و انا لو مكانك اخد وشها يعني تاخد وش العربية و تبيع عشان متفتحش بقها معاك

[Ahmed Anwer]

في عضو مالك هنا قالي جملة قبل كده علي الانترا 2008 قالي العربية وحش علي الطريق ثبات و تسارع جبار و تطلع من اجدعها عربية انما مبتستحملش و هو ده عيب الكوري خامات غير عالية الجودة بالتالي العمر القصير للمكونات الاساسية للعربية مش بتعمر خصوصا في بلد زي بلدك

نفس العضو الفاضل

اشتري ياريس بعد الالنترا و باعها عشان معجبتهوش بسبب اصوات

و اشياء مماثلة

متقيسشي علي حالة و رأي فردي

[mohamed ibiza]

نفس العضو الفاضل

اشتري ياريس بعد الالنترا و باعها عشان معجبتهوش بسبب اصوات

و اشياء مماثلة

متقيسشي علي حالة و رأي فردي

اول حاجة باع الالنترا و هي لسه مفيش دليل ان العربية مش علي مستوي عالي من الجودة دي حاجة....

الياريس اصلا مش تويوتا مش قصدي الجملة بمعاها الحرفي بس الياريس اصلا في رأيي عار علي شركة في حجم تويوتا و تقلها في السوق و متصدرة المبيعات في السوق الامريكي و في بلاد كتير عربية ثبات متوسط تصميم سيء تقفيل مش بمستوي تويوتا مش هي دي المقياس لتاع تويوتا برضه لو عايز تقارن بجد هات كورولا 1600 مع الانترا 1600 و شوف المقارنة هتيجي لصالح مين في الاخر

[Ahmed Anwer]

اول حاجة باع الالنترا و هي لسه مفيش دليل ان العربية مش علي مستوي عالي من الجودة دي حاجة....

و كام واحد غيره اشتراها و بيحلف بيها ،،

و بيقول انه مكنش متخيل انها هتكون بالمستوي ده ؟؟


مقارنة الكورولا بالإلنترا هتفتح باب ميتقفلشي

خليه مقفول احسن ،، لانه بيخلص بكلمة واحدة دي ياباني

انا شريكي اشتري لمراته النترا بعد ما رجع من رحلة لامريكا قالي يا عم دي امريكا كلها النترا

[tutankhamoun]

في عضو مالك هنا قالي جملة قبل كده علي الانترا 2008 قالي العربية وحش علي الطريق ثبات و تسارع جبار و تطلع من اجدعها عربية انما مبتستحملش و هو ده عيب الكوري خامات غير عالية الجودة بالتالي العمر القصير للمكونات الاساسية للعربية مش بتعمر خصوصا في بلد زي بلدك و توكيل زي غبور اللي لو وديتهلم العربية عشان يكحلوها ممكن يعموها و يفقعوا عينيها كمان...و من الاخر كده مفيش حاجة اسمها مفيش كوري و ياباني و الماني لا فيه الكلام ده و كل بلد معروفة بخاماتها القوية او الرديئة في التصنيع و معروف تاريخها اذا كان اثبتت كفاءة او 3\4 اللي موجود منها مفوت او بيفوت او مفيص في ايد الناس يعني مثلا لما تيجي تدور في تاريخ الانترا هتلاقي كتير جدا جدا و موجدين في الشوارع من الانترا 96 مفوت منها كتير و شفت بنفسي كتير جدا جدا منها مفوت بينما تدور علي تويوتا كورولا 91 فين و فين لما الواحد يشوف واحدة مفوتة ولا عايزة عمرة معلش البلدان موجودة و صناعاتهم قائمة و الخامة الالماني تفرق عن الياباني و تفرق عن الكوري اينعم الكوري متطور و بيطور و فيه تكنولوجي عالي لكن اعتمادية لا و صحيح في تقارير اعتمادية جت في صالحهم بس علي ارض الواقع الكلام ده متحققش و انا رأيي في الانترا انها كشكل حلوة و سريعة و ثابتة و بنزينها قليل توكيل زفت واسعة جدا و شنطتها جامدة و كبيرة و انا لو مكانك اخد وشها يعني تاخد وش العربية و تبيع عشان متفتحش بقها معاك

عمي معاه إلنترا 1998 ............ و عاملة حوالي 290 ألف كيلومتر
من غير أي عمرة .......... و لا يحزنون

صيانات دورية في مراكز الخدمة فقط

[Ramy.Gamal]

عمي معاه إلنترا 1998 ............ و عاملة حوالي 290 ألف كيلومتر
من غير أي عمرة .......... و لا يحزنون

صيانات دورية في مراكز الخدمة فقط

بس ده يا توت بتبقى فلاتات فى الكورى انما بتلاقى ان ده العادى فى اليابانى الا اذا واحد بوظ وخلص على عربيه يابانى بأرادته ورغبته الشخصيه

[SaNisSro]

انتو حتفضلو تتخانقو كده كتير...جالي احساس ان شركة هونداي صاحبها واحد فيكم والتاني صاحب تويوتا...ميولعو هما الاتنين في بعض احنا مالنا وبعدين انا مع الراي الي بيقول ان الكوري ارتفع مستواه وبقة قريب من الياباني وفي نفس الوقت الياباني نزل وبقة قريب من الكوري بدليل التويوتا الجنوب افريقي...ويبقى الالماني متصدر عرش السيارات في العالم دون منافس

[elgdawy2007]

انتو حتفضلو تتخانقو كده كتير...جالي احساس ان شركة هونداي صاحبها واحد فيكم والتاني صاحب تويوتا...ميولعو هما الاتنين في بعض احنا مالنا وبعدين انا مع الراي الي بيقول ان الكوري ارتفع مستواه وبقة قريب من الياباني وفي نفس الوقت الياباني نزل وبقة قريب من الكوري بدليل التويوتا الجنوب افريقي...ويبقى الالماني متصدر عرش السيارات في العالم دون منافس

من الاخر يا جماعه الخير هيونداى النترا hd سياره محترمه جدا ومن 2007 حتى 2012 مظهرش فيها اى مشاكل ودلوقت نزل منها 2017 ليدات

وأخيرا تتوفر السيارة بأربع فئات مختلفة التجهيزات وأسعارهم كالتلي:


ELANTRA HD 1.6 GL AT 142000
ELANTRA HD 1.6 GL AT SR 146000
ELANTRA HD 1.6 GL AT DAB ABS 150500
ELANTRA HD 1.6 GL AT HIGHLINE 158500
ELANTRA HD 1.6 GL AT TINTED GLASS 143000
ELANTRA HD 1.6 GL AT SR TINTED GLASS 147000
ELANTRA HD 1.6 GL AT DAB ABS TINTED GLASS 151500
ELANTRA HD 1.6 GL AT HIGHLINE TINTED GLASS 159500